ایک اور بلے باز بغیر کوئی رن بنائے آؤٹ, سکاٹ لینڈ کا ریویو
ٹرمپلمین نے چوتھی گیند پر کپتان برنگٹن کو ایل بی ڈبلیو کردیا ہے۔ سکاٹ لینڈ نے ریویو لیا مگر امپائرز کال پر آؤٹ کا فیصلہ برقرار رہا۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ورلڈ ٹی ٹوئنٹی: نمیبیا کی سکاٹ لینڈ پر چار وکٹوں سے فتح
کرکٹ کے ٹی 20 ورلڈ کپ کے 21ویں میچ میں نمیبیا کی دعوت پر پہلے بیٹنگ کرتے ہوئے سکاٹ لینڈ نے 110 رنز کا ہدف دیا جو نمیبیا نے 19ویں اوور میں حاصل کر لیا۔ اس سے قبل میچ میں انگلینڈ نے بنگلہ دیش کو آٹھ وکٹوں سے ہرا دیا تھا۔
لائیو کوریج
اننگز کی تیسری گیند پر ایک اور وکٹ
ٹرمپلمین نے نمیبیا کو بہترین آغاز دیا ہے۔
مکلوئیڈ بھی بغیر کوئی رن بنائے اپنی وکٹ گنوا چکے ہیں۔ ان کے بلے سے باہر جاتی گیند پر ایج لگی اور کیپر نے کیچ پکڑا۔
پہلی گیند پر منزی بولڈ
نمیبیا کی طرف سے پہلا اوور ٹرمپلمین نے کرایا اور پہلی ہی گیند پر سکاٹ لینڈ کے بائیں ہاتھ کے بلے باز منزی کو بولڈ کر دیا۔ اس گیند پر منزی کٹ شاٹ لگانا چاہتے تھے لیکن گیند ان سے زیادہ دور نہ تھی۔
اچھے آغاز کے لیے سکاٹ لینڈ کو منزی سے بہتر کارکردگی کی امید تھی۔ 29 اننگز میں وہ پہلی بار بغیر سکور بنائے آؤٹ ہوئے ہیں۔
سکاٹ لینڈ کی کپتانی رچی برنگٹن کریں گے!
سکاٹ لینڈ کے کپتان انگلی میں چوٹ کی وجہ سے میچ سے باہر ہوگئے ہیں۔ ان کی جگہ رچی برنگٹن کپتانی کے فرائض سرانجام دیں گے اور بلے بازی کو مضبوط کرنے کے لیے کریگ والس کو ٹیم میں شامل کیا گیا ہے۔ میتھیو کراس وکٹ کیپنگ کریں گے۔
نمیبیا کا سکاٹ لینڈ کے خلاف ٹاس جیت کر بولنگ کا فیصلہ
دونوں ٹیمیں
نمیبیا کی ٹیم
زین گرین (وکٹ کیپر)، کریگ ولیمز، گرہارڈ ایرازمس (کپتان)، ڈیوڈ ویسے، جے جے سمٹ، جین فرائلنک، جین نیکول، مائیکل وان لنگن، روبن ٹرمپلمین، پیکی یا فرانس، برنارڈ شولٹز
سکاٹ لینڈ کی ٹیم
میتھیو کراس (وکٹ کیپر)، جارج منزی، کیلم مکلوئیڈ، رچی برنگٹن (کپتان)، مائیکل لیسک، کرس گریوز، مارک واٹ، جوش ڈیوی، سفیان شریف، بریڈ وہیل
سکاٹ لینڈ بمقابلہ نمیبیا, گروپ ٹو (ورلڈ ٹی ٹوئنٹی کا 21واں میچ)
آج کا دوسرا میچ سکاٹ لینڈ اور نمیبیا کے درمیان کھیلا جا رہا ہے۔
یہ سپر 12 راؤنڈ میں نمیبیا کا پہلا میچ ہوگا جبکہ اس سے قبل سکاٹ لینڈ کو افغانستان کے خلاف بڑے مارجن سے شکست کا سامنا کرنا پڑا تھا۔
گذشتہ پانچ ٹی ٹوئنٹی مقابلوں میں نمیبیا نے چار فتوحات حاصل کی ہیں جبکہ سکاٹ لینڈ نے اسی دوران تین میچ جیتے ہیں۔
اس سے قبل پہلے راؤنڈ میں نمیبیا نے سکاٹ لینڈ کے خلاف پانچ وکٹوں سے فتح حاصل کی تھی۔
میں آف دی میچ: جیسن رائے 38 گیندوں پر 61 رنز
اب سے تھوڑی دیر میں دوسرے میچ میں سکاٹ لینڈ اور نمیبیا کی ٹیمیں ایکشن میں دکھائی دیں گی, بی بی سی اردو کی ورلڈ ٹی ٹوئنٹی 2021 کی کوریج ابھی جاری ہے۔ دوسرے میچ کی تفصیلات کے لیے اسی صفحے پر ہمارے ساتھ رہیں۔
انگلینڈ کی آٹھ وکٹوں سے کامیابی
انگلینڈ نے بنگلہ دیش کا 124 رنز کا ہدف باآسانی دو وکٹوں کے نقصان پر حاصل کر لیا ہے۔ انھوں نے یہ سکور صرف 15ویں اوور میں ہی پورا کر لیا۔
انگلینڈ کی جانب سے اوپنر جیسن رائے کامیاب ترین بلے باز رہے۔ انھوں نے 38 گیندوں پر 61 رنز بنائے۔
13 اوورز میں انگلینڈ کا سکور 114/2, بنگلہ دیش 20 اوورز میں 124/9
بنگلہ دیش کے بولر جیسن رائے کی وکٹ حاصل کرنے میں کامیاب تو ہو گئے ہیں مگر شاید اب دیر بہت ہو چکی ہے۔
’پاکستان کے علاوہ انگلینڈ کی ٹیم فارم میں ہے‘
انگلینڈ کی اس کارکردگی کے بعد سوشل میڈیا پر بہت سے صارفین انھیں داد دے رہے ہیں۔
ایک صارف نے لکھا کہ ’اس ٹورنامنٹ میں اب تک انگلینڈ نے اچھی، کنٹرولڈ پرفارمنس دکھائی ہے۔‘
’پاکستان کے علاوہ مجھے لگتا ہے کہ ہماری ٹیم (انگلینڈ) بہتر فارم میں ہے۔‘
جبکہ اریحہ نامی صارف کا خیال ہے کہ وہ ابھی سے انگلینڈ کی ٹیم کو فائنل میں دیکھ رہی ہیں۔
جیسن رائے آؤٹ, بنگلہ دیش 20 اوورز میں 124/9
جیسن رائے 38 گیندوں پر 61 رنز بنا کر آؤٹ ہوگئے ہیں۔ انھوں نے شریف الاسلام کی گیند پر تھرڈ مین پر باؤنڈری مارنے کی کوشش کی مگر وہاں پر کیچ آؤٹ ہوگئے۔
بریکنگ, رائے کا فائن لگ پر بڑا چھکا
12 اوورز کا اختتام، انگلینڈ کے 104 رنز اور ایک وکٹ کا نقصان
جیسن رائے کا ایک اور چھکا، رائے کی نصف سنچری مکمل
11 اوورز کا اختتام، انگلینڈ کے 93 رنز اور ایک وکٹ کا نقصان
’بنگلہ دیش کا فیلڈنگ میں بھی دفاعی انداز‘
ٹوئٹر پر بعض شائقین یہ شکایت کر رہے ہیں کہ بنگلہ دیش نے انگلینڈ کی بیٹنگ کے دوران ان پر اتنا دباؤ نہیں ڈالا اور یہ مقابلہ یکطرفہ لگ رہا ہے۔
ایک صارف کا کہنا ہے کہ بیٹنگ میں بنگلہ دیش نے اچھی کارکردگی نہیں دکھائی اور خراب شاٹس ان کی تنزلی کی وجہ بنی۔
’(لیکن) فیلڈنگ میں (بنگلہ دیش نے) مکمل طور پر دفاعی انداز اپنایا ہوا ہے۔ ایسا لگ رہا ہے جیسے وہ وکٹیں لینے کی کوشش نہیں کر رہے۔‘
اس وقت پانی کا وقفہ ہے
شکیب الحسن کا اوور قدرے خاموش، انگلینڈّ کے سات رنز بنے، سکور 10 اوورز میں 90/1, بنگلہ دیش 20 اوورز میں 124/9