آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ٹی ٹوئنٹی ورلڈ کپ کے سپر 12 راؤنڈ کا چوتھا میچ دبئی میں کھیلا گیا جہاں روایتی حریف انڈیا کے خلاف پاکستان نے انتہائی شاندار کھیل پیش کرتے ہوئے 152 کا ہدف بغیر کسی نقصان کے پورا کر لیا اور ورلڈ کپ مقابلوں میں پہلی بار انڈیا کو شکست دی۔ اس سے قبل دن کے پہلے میچ میں سری لنکا نے بنگلہ دیش کو پانچ وکٹوں سے ہرا دیا تھا۔
بابر اعظم نے چکراورتھی کے آخری میں محمد رضوان کے نقش قدم پر چلتے ہوئے ایک اور زوردار چھکا لگایا اور اس کی مدد سے اپنی نصف سنچری مکمل کر لی۔
چکراورتھی جو اب تک بڑی عمدہ بولنگ کر رہے تھے، اس اوور میں 16 رنز دے بیٹھے۔
محمد رضوان نے اپنی عمدہ بیٹنگ جاری رکھی چکراورتھی کے آخری اوور میں انھیں زوردار چھکا لگایا
رویندرا جڈیجا نے اب تک کافی عمدہ بولنگ کی ہے اور تین اوورز میں صرف 17 رنز دیے ہیں۔
لیکن پاکستانی بلے باز ابھی بھی اطمینان سے کھیل رہے ہیں اور 85 رنز کی شراکت قائم ہو چکی ہے۔
پاکستانی اوپنرز کی عمدہ بیٹنگ کے بعد انڈین کپتان وراٹ کوہلی مجبور ہوئے کہ وہ اپنے سب سے اہم بولر بمراہ کو واپس لائیں لیکن ان کے اس اوور میں بھی پاکستانی بلے بازوں میں عمدہ کھیل جاری رکھا اور بابر اعظم کے ایک چوکے کی مدد سے اوور میں نو رنز حاصل کیے۔
انڈین کمنٹیٹر ہرشا کہتے ہیں کہ ’پاکستان (کے بلے باز) بہت پُرسکون انداز میں کھیل رہے ہیں۔ آپ ہمیشہ ان کی جانب سے ہدف کے تعاقب کے دوران یہ نہیں کہہ سکتے تھے۔
’یہ بہترین اوپنگ پارٹنرشپ ہے۔ بولرز نے انھیں یہ اجازت دی ہے کہ وہ اپنی حساب سے اس کی رفتار طے کرسکیں۔‘
پاکستان نے اننگز کے پہلے دس اوور بہت ذہانت سے کھیلے اور بغیر کسی نقصان کے 71 رنز تک سکور پہنچا دیا ہے۔
چکراورتھی کے اوور میں دونوں اوپنرز نے مزید نو رنز حاصل کیے۔
پانچویں اوور کے بعد پاکستان نے پہلی بارکوئی باٰؤنڈری حاصل کی جب بابر اعظم نے جڈیجا کو بہترین انداز میں لیگ سائیڈ پر چھکا رسید کر دیا۔
اس اوور میں پاکستان نے نو رنز حاصل کیے۔
اس وقت بابر اعظم 28 جبکہ رضوان 32 پر کھیل رہے ہیں۔
انڈیا نے ساتویں اوور میں جڈیجا کو اور آٹھویں اوور کے لیے چکراورتھی کو بولنگ کے لیے لایا اور ان دونوں نے مشترکہ طور پر دو اوورز میں نو رنز دیے۔
پاکستان نے اب ک آٹھ اوور کے اختتام پر رنز بنائے ہیں اور ان کی اوسط ساڑھے چھ رنز فی اوور کی ہے۔
سوئنگ بولر بھونیشور کمار کو کوہلی واپس لائے جن کے اوور میں پاکستان نے باآسانی رنز حاصل کیے۔
پچ کی صورتحال اور کنڈیشنز کے مطابق پچ پر نہ سوئنگ ہے اور شبنم کے باعث بولرز کو بھی گیند پکڑنے میں دشواری ہے تو کوہلی کے لیے بولنگ میں بار بار تبدیلی کرنا ضروری ہوگا۔
جسپریت بمراہ کو صرف ایک اوور کے لیے ہی لایا گیا جس کا مطلب ہے کہ انھیں اننگز کے آخری حصے میں دوبارہ استعمال کیا جائے گا۔
یہ واضح تھا کہ پچ پر سوئنگ نہیں ہے تو انڈیا نے بھونیشور کو بولنگ سے ہٹا دیا لیکن دوسری جانب محمد شامی نے اوور کرایا اور اس بار ان کے اوور میں بابر اعظم اور محمد رضوان نے ایک ایک چوکا لگا کر 11 رنز حاصل کر لیے۔
رضوان اس وقت 21 رنز اور بابر اعظم 14 رنز پر کھیل رہے ہیں۔
انڈیا کی جانب سے چوتھا اوور کرانے کے لیے ان کے نئے لیگ سپنر وارون چکراورتھی آئے اور انھوں نے بہت نپی تلی بولنگ کر کے بابر اعظم کو صرف دو رنز تک محدود رکھا۔
انڈیا اور پاکستان کے درمیان یہ مقابلہ ابھی جاری ہے اور کوئی یقینی طور پر اس کے نتیجے کی پیشگوئی نہیں کرسکتا۔
مگر سوشل میڈیا پر ابھی سے کچھ لوگوں نے ایک ٹیم کی جیت کی صورت میں تجاویز دینا شروع کر دی ہیں۔
صارف نگہت داد کہتی ہیں کہ ’انوشکا آپ نے (انڈین کپتان) کوہلی کو آج ڈانٹنا نہیں ہے۔‘
انڈیا کے سب سے خطرناک بولر، جسپریت بمراہ تیسرا اوور کرانے کے لیے اب آئے اور انھوں نے پہلی گیند پر ایک رن دیا لیکن اس کے بعد ان کا اور بابر اعظم کا عمدہ مقابلہ جاری رہا۔
بابر اعظم نے ان کی تیسری گیند پر ایک اور بہترین شاٹ کھیلا لیکن وہ فیلڈر کے پاس گیا۔ البتہ چوتھی بال لیگ سائیڈ پر گئی جس پر بابر نے تین رنز حاصل کیے۔
اس طرح پہلے اوور میں انھوں نے صرف چار رنز دیے۔
محمد شامی نے انڈیا کی جانب سے دوسرا اوور پھینکا جس میں پاکستان نے آٹھ رنز حاصل کیے۔
بابر اعظم نے اوور کی پانچویں گیند پر انتہائی دلکش شاٹ کھیلا اور کوور کی جانب سے چار رنز حاصل کیے۔
سوشل میڈیا پر بعض صارفین کا خیال ہے کہ انڈیا اور پاکستان کے اس میچ میں ڈیو فیکٹر (یعنی گاس میں نمی) بھی اہم ہوگا جس سے پاکستانی بلے بازوں کو فائدہ ہوسکتا ہے۔
پرسنا نامی صارف کہتے ہیں کہ پاکستان کو پاور پلے میں ایک وکٹ کے نقصان پر کم از کم 44 رنز بنانا ہوں گے۔
جبکہ پاکستانی کرکٹر ثنا میر نے ٹویٹ کیا کہ پاکستانی اننگز کی پہلی گیند پر ان سے کسی نے پوچھا ہے کہ ’یہ شبنم کب پڑنا شروع ہوگی؟‘
انڈیا کی جانب سے بھونیشور کمار نے پہلے اوور سے اننگز کا آغاز کیا تو پاکستانی اوپنر محمد رضوان نے اوور میں دو خوبصورت شاٹس کھیل کر ایک چوکا اور لیگ سائیڈ پر ایک بہترین چھکا لگ کر دس رنز حاصل کیے۔
آنند کہتے ہیں کہ ’دونوں ٹیموں کو لگ رہا ہوگا کہ وہ یہ میچ جیت سکتے ہیں۔‘
’پاکستان نے بہترین بولنگ کی۔ لیکن انڈیا نے اتنا سکور بنا لیا کہ اب ان کے بولرز کے پاس موقع ہوگا۔‘
کیا پاکستان انڈیا کا 152 رنز کا ہدف حاصل کر پائے گا، اس پر لوگوں کی رائے منقسم ہے۔
صارف حنا خان کہتی ہیں کہ انڈیا کے خلاف پاکستان کے لیے 152 رنز کرنا مشکل ہوسکتا ہے۔
’یہ ایسا بیٹنگ آرڈر ہے جو کسی بھی وقت تاش کے پتوں کی طرف بکھر سکتا ہے۔ امید ہے شاہین کا سپیل ضائع نہیں ہوگا۔‘
انڈیا کے سابق فاسٹ بولر عرفان پٹھان سمجھتے ہیں کہ انڈیا کا ’سکور کافی ہے۔‘
’جیسے ہی گیند کچھ پرانی ہوجائے تو سلو بالز کرائیں پلیز!‘
پاکستان نے انڈیا کو 20 اوورز میں سات وکٹوں کے نقصان پر 151 رنز تک محدود رکھا۔
پاکستان کی جانب سے شاہین آفریدی نے انتہائی شاندار بولنگ کا مظاہرہ کیا اور اپنے چار اوورز میں 31 رنز کے عوض تین اہم ترین وکٹیں حاصل کیں جس میں روہت شرما، لوکیش راہل اور سب سے اہم انڈین کپتان وراٹ کوہلی کی وکٹ بھی شامل تھی۔
لیکن یہ وراٹ کوہلی ہی تھی جنھوں نے اپنی ٹیم کے ٹاپ آرڈر کے بکھر جانے کے بعد، جب ان کی ٹیم 31 رنز پر تین وکٹیں گنوا چکی تھی، رشبھ پنت کے ساتھ شراکت جوڑی۔ اننگز کے 19ویں اوور میں آؤٹ ہونے والے کوہلی نے 57 رنز بنائے جس میں پانچ چوکے اور ایک چھکا شامل تھا۔
اس کے علاوہ انڈیا کی جانب سے پنت نے بہترین بیٹنگ کی اور 39 رنز بنائے جس میں حسن علی کو لگائے گئے دو شاندار چھکے بھی شامل تھے۔
پاکستان کی جانب سے شاہین آفریدی کے علاوہ حسن علی نے دو، جبکہ شاداب خان اور حارث رؤف نے ایک ایک وکٹ لی۔