بنگلہ دیش کے 13 اوورز میں 96 رنز
13 اوورز کے اختتام پر بنگلہ دیش نے دو وکٹوں کے نقصان پر 96 رنز بنائے ہیں۔ نعیم اپنی نصف سنچری کے قریب ہیں۔
ورلڈ ٹی ٹوئنٹی: سری لنکا کی بنگلہ دیش کے خلاف پانچ وکٹوں سے فتح
ٹی ٹوئنٹی ورلڈ کپ کے سپر 12 راؤنڈ کا تیسرا میچ شارجہ میں کھیلا گیا جہاں سری لنکا نے بنگلہ دیش کے خلاف 172 رنز کے ہدف کا تعاقب کرتے ہوئے پانچ وکٹوں سے فتح حاصل کی ہے۔
لائیو کوریج
مشفیق کا ایک مزید چھکا
بنگلہ دیشی بلے باز مشفیق الرحیم اچھی فارم میں نظر آ رہے ہیں۔ انھوں نے بنورا کو چھکا لگایا ہے۔ محض 13 گیندوں پر وہ 20 رنز بنا چکے ہیں۔
بنگلہ دیش کی باری کا پہلا چھکا
،تصویر کا ذریعہGetty Images
مشفیق الرحیم نے لیگ سپنر ہسرنگا کو سویپ شاٹ سے سکوئر لیگ کا چھکا لگایا ہے جو بنگلہ دیش کی باری کا پہلا ہے۔
’اس پچ پر ہدف کا تعاقب مشکل ہوگا‘
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
نیوزی لینڈ کے بولر مچل مکلینیگن کہتے ہیں کہ ’پچ ابھی سے ایسے اشارے دے رہی ہے کہ یہاں ہدف کا تعاقب کرنا مشکل ہوگا۔‘
بنگلہ دیش کے 10 اوورز میں 72 رنز
دس اوورز کے اختتام پر بنگلہ دیش نے دو وکٹوں کے نقصان کے ساتھ 72 رنز بنائے ہیں۔
کریز پر محمد نعیم اور مشفیق الرحیم موجود ہیں۔
سری لنکا اور بنگلہ دیش کے کھلاڑیوں میں لفظی جنگ
،تصویر کا ذریعہGetty Images
کمارا کے اوور میں سری لنکا کے فیلڈرز اور بنگلہ دیش کے بلے بازوں کے درمیان لفظوں کی جنگ ہوئی جب انھوں نے لیٹن داس کو کیچ آؤٹ کیا۔
مگر جلد ہی کھلاڑیوں کو ایک دوسرے سے دور بھیج دیا گیا۔ بظاہر دونوں ٹیموں کے کرکٹر جارحانہ انداز میں یہ میچ کھیل رہے ہیں۔
شکیب کی وکٹ کارونارتنے کے نام!
کارونارتنے نے آٹھویں اوور کے دوران شکیب کو سلو بال کرا کے بولڈ کر دیا ہے۔ شکیب نے سات گیندوں پر دو چوکوں کی مدد سے 10 رنز بنائے تھے۔
اسلانکا کے اوور میں تین چوکے!
پاور پلے کے بعد سپنر اسلانکا کو اوور دیا گیا جس میں شکیب نے دو اور نعیم نے ایک چوکا لگایا۔
سات اوورز کے اختتام پر بنگلہ دیش نے ایک وکٹ کے نقصان پر 55 رنز بنائے ہیں۔
،تصویر کا ذریعہGetty Images
پاور پلے کے اختتام پر بنگلہ دیش کے ایک وکٹ کے نقصان پر 41 رنز
پاور پلے کے اختتام پر بنگلہ دیش نے ایک وکٹ کے نقصان پر 41 رنز بنائے ہیں۔ محمد نعیم نے 21 گیندوں پر 22 رنز بنائے ہیں۔
سری لنکا کے کمارا نے داس کی وکٹ حاصل کی۔
سری لنکا نے لیٹن داس کی اہم وکٹ حاصل کر لی
اوپنر لیٹن داس نے کمارا کی گیند پر مڈ آف کے اوپر سے جارحانہ شاٹ لگانے کی کوشش کی مگر وہ کیچ آؤٹ ہوگئے۔ انھوں نے 16 گیندوں پر 16 رنز بنائے۔
بنگلہ دیش کا بیٹنگ میں اچھا آغاز
بنگلہ دیش کے اوپنرز نے سری لنکا کے خلاف اچھا آغاز کیا ہے۔ اب تک چار اوورز کے اختتام پر کسی وکٹ کے گِرے بغیر 29 رنز بن چکے ہیں۔
پہلی وکٹ کی اس شراکت سے یقیناً سری لنکا کے بولرز پر دباؤ بڑھے گا۔
چمیرا کی دو عدد نو بالز
سری لنکا کے فاسٹ بولر چمیر نے اپنے پہلے اوور میں دو نو بالز کرائی ہیں اور ایک چوکا لگنے کے بعد کل 12 رنز دیے ہیں۔
’سری لنکا اور بنگلہ دیش کا میچ انتہائی اہم‘
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کرکٹ کے تجزیہ کار ٹِم وگمور کہتے ہیں کہ ’سری لنکا اور بنگلہ دیش کا میچ انتہائی اہم ہے۔ فاتح ٹیم کے سیمی فائنل میں جگہ بنانے کے امکان بڑھ جائیں گے۔‘
’پہلا راؤنڈ کھیلنے کے بعد سپر 12 میں آنے سے فائدہ ہوسکتا ہے۔‘
بنگلہ دیش کی باری کا پہلا چوکا
،تصویر کا ذریعہGetty Images
دوسرا اوور لمبے قد کے میڈیم فاسٹ بولر بنورا کو دیا گیا۔ پہلی تین گیندوں پر کوئی رن نہ بن سکا۔ چوتھی گیند پر لیٹن داس نے فائن لیگ کا چوکا لگایا۔
بنگلہ دیش نے دو اوورز کے اختتام پر بغیر کسی وکٹ کے نقصان کے نو رنز بنائے ہیں۔
پہلے اوور کا اختتام، بنگلہ دیش کے بغیر کسی نقصان دو رنز
کارونارتنے کے پہلے اوور میں صرف دو رنز بن سکے۔ تیسری گیند پر نعیم نے سنگل لیا جبکہ پانچویں گیند پر سنگل لے کر لیٹن نے اپنا کھاتا کھولا۔
میچ کا آغاز
بنگلہ دیش کی طرف سے اوپنرز لیٹن داس اور محمد نعیم اننگز کا آغاز کر رہے ہیں۔ جبکہ سری لنکا کے فاسٹ بولر کارونارتنے کو پہلا اوور دیا گیا ہے۔
’سری لنکا کے پاس اضافی فاسٹ بولر‘
X پوسٹ نظرانداز کریںX کا مواد دکھانے کی اجازت دی جائے؟?تنبیہ: بی بی سی دیگر ویب سائٹس کے مواد کی ذمہ دار نہیں ہے۔اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
ٹوئٹر پر صارف دیپو کا کہنا ہے کہ سری لنکا نے ایک مزید فاسٹ بولر بنورا کا انتخاب کیا ہے تاکہ شارجہ کی وکٹ پر باؤنس کا استعمال کیا جاسکے۔
’بنگلہ دیش نے شکیب کے علاوہ ایک مزید سپنر کو ٹیم میں رکھا ہے۔ سری لنکا کے پہلے پانچ بلے باز بائیں ہاتھ کے ہیں۔‘
تسکین کی جگہ نسیم کی شمولیت
،تصویر کا ذریعہICC
ٹاس کے موقع پر بنگلہ دیش کے کپتان محمد اللہ کہتے ہیں کہ ’ہم پہلے بیٹنگ ہی کرنا چاہتے تھے۔ ہمیں حالات کے مطابق خود کو ڈھالنا ہوگا۔ امید ہے کہ یہ بیٹنگ کے لیے اچھی وکٹ ثابت ہوگی۔‘
’ہمارے کھلاڑی پُرسکون ہیں۔ ٹیم میں تسکین احمد کی جگہ نسیم احمد کھیلیں گے۔‘
سری لنکا کا بنگلہ دیش کے خلاف ٹاس جیت کر بولنگ کا فیصلہ
دونوں ٹیموں کا سٹار کھلاڑی, بنگلہ دیش بمقابلہ سری لنکا
،تصویر کا ذریعہGetty Images
،تصویر کا کیپشنہسرنگا سری لنکا کو آل راؤنڈر وانندو ہسرنگا سے امید ہو گی کہ وہ گیند اور بلے دونوں سے نمایاں کارکردگی دکھائیں گے۔ انھوں نے اب تک ٹورنامنٹ میں چھ وکٹیں حاصل کی ہیں اور ان کا اکانومی ریٹ 4.09 ہے۔ انھوں نے گذشتہ باریوں میں سے ایک میچ میں محض 47 گیندوں پر 71 رنز بنائے تھے۔
بنگلہ دیش کے سب سے اہم کھلاڑی شاید شکیب الحسن ہیں جو اس اس وقت آئی سی سی آل راؤنڈرز رینکنگ میں سرفہرست ہیں۔ رنز کے اعتبار سے وہ اپنی ٹیم میں تیسرے جبکہ وکٹوں کے اعتبار سے پہلے نمبر پر ہیں۔