بریکنگ, بٹلر کی براہ راست تھرو، سمتھ آؤٹ!
انگلینڈ کے کیپر جوز بٹلر نے 48ویں اوور کی پہلی گیند پر سٹیو سمتھ کو شاندار فیلڈنگ کرتے ہوئے براہ راست تھرو کر کے رن آؤٹ کر دیا جنھوں نے 85 رنز بنائے تھے۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انگلینڈ کی ٹیم 27 سال بعد فائنل میں پہنچ گئی
کرکٹ ورلڈ کپ 2019 کے دوسرے سیمی فائنل میں میزبان انگلینڈ نے دفاعی چیمپیئن آسٹریلیا کے 224 رنز کے ہدف کے تعاقب میں جیسن رائے کی شاندار بیٹنگ کی بدولت آٹھ وکٹوں سے کامیابی حاصل کر کے فائنل میں رسائی حاصل کر لی ہے۔
لائیو کوریج
عابد حسین and محمد صہیب
سمتھ، سٹارک کی 50 رنز کی شراکت!, آسٹریلیا 217/7، 47 اوورز مکمل
جب عادل رشید اور جوفرا آرچر نے آسٹریلوی مڈل آرڈر کو آؤٹ کر دیا تو لگ رہا تھا کہ وہ شاید 200 بھی نہ کر سکیں لیکن مچل سٹارک نے سمتھ کا بہترین ساتھ دیا اور ان دونوں نے 57 گیندوں پر 50 رنز کی شراکت قائم کر لی ہے۔
بریکنگ, آسٹریلوی اننگز کے 200 رنز!, آسٹریلیا 204/7، 45 اوورز مکمل
خراب آغاز کے باوجود سٹیو سمتھ نے ہمت نہیں ہاری اور وہ اپنی ٹیم کو 200 کے ہندسے تک لے جانے میں کامیاب ہو گئے۔ پلنکٹ کے اس اوور میں آسٹریلیا نے ایک چھکے اور ایک چوکے کی مدد سے 14 رنز حاصل کر لیے۔ سمتھ اب 82 رنز پر کھیل رہے ہیں۔
بریکنگ, مچل سٹارک کا چھکا!
اننگز کے 45ویں اوور میں مچل سٹارک نے پلنکٹ کو شاندار چھکا رسید کیا اور آسٹریلیا کو ایک قابل قبول سکور تک پہنچنے کی امیدیں ابھی بھی روشن ہیں۔
’یہ پچ اتنی مشکل نہیں‘
کرکٹ پر تجزیے اور تبصرے کرنے والی ویب سائٹ کرک وز کے مطابق ایجبیسٹن کی یہ پچ اس ٹورنامنٹ میں بیٹنگ کے لیے گیارہویں بہترین پچ ہے۔
ان کا کہنا ہے کہ سیمی فائنل میں ہدف کا تعاقب کرنا مشکل ضرور ہوتا ہے لیکن یہ پچ اتنی مشکل نہیں جتنی اس سے پہلے دیکھنے کو ملی تھیں۔
سٹیو سمتھ کی پیش قدمی جاری, آسٹریلیا 186/7، 43 اوورز مکمل
نمبر تین پر آنے والے بلے باز اور سابق کپتان سٹیو سمتھ اس وقت 77 رنز پر بیٹنگ کر رہے ہیں اور آسٹریلوی امیدوں کا سارا دار و مدار ان پر ہی ہے۔
بریکنگ, آخری دس اوورز کا کھیل باقی, آسٹریلیا 175/7، 40 اوورز مکمل
آسٹریلیا نے اب تک 40 اوورز میں سات وکٹوں کے نقصان پر 175 رنز بنائے ہیں۔
آسٹریلیا کی جانب سے سٹیو سمتھ 74 جبکہ سٹارک چار رنز بنا کر کریز پر موجود ہیں۔
اس وقت آسٹریلیا کے لیے مقررہ پچاس اوورز کھیلنا ہی بڑی بات ہو گی لیکن دیکھنا یہ ہو گا کہ کیا سمتھ اپنی سنچری مکمل کر پائیں گے اور ان کا ساتھ دینے کے لیے کون آخر تک موجود رہے گا۔
جوفرا آرچر کا سپیل مکمل, آسٹریلیا 171/7، 39 اوورز مکمل
انگلینڈ کی جانب سے جوفرا آرچر نے اپنا سپیل مکمل کر لیا جس میں انھوں نے صرف 32 رنز کے عوض دو وکٹیں حاصل کی اور اس طرح اس ورلڈ کپ میں ان کی دس میچوں میں کُل 19 وکٹیں ہو گئی ہیں۔
بریکنگ, عادل رشید کی تیسری وکٹ!, آسٹریلیا 166/7، 38 اوورز مکمل
انگلینڈ کے لیگ سپنر عادل رشید کی بہترین بولنگ کا سلسلہ جاری رہا اور انھوں نے اپنے آخری اوور میں پیٹ کمنز کو بھی سلپ میں کیچ آؤٹ کر وا دیا جنھوں نے صرف چھ رنز بنائے۔ مجموعی طور پر انھوں نے سپیل میں 54 رنز کے عوض تین وکٹیں حاصل کی ہیں۔
آرچر کا صرف ایک اوور باقی مگر انگلینڈ کنٹرول میں!, آسٹریلیا 165/6، 37 اوورز مکمل
جوفرا آرچر کو عمومی طور پر آخری مرحلے میں بولنگ کے لیے لایا جاتا ہے لیکن انگلینڈ نے ان کو 30 سے 40 اوور میں لایا اور انھوں نے نہایت عمدہ بولنگ کی ہے۔
سٹیو سمتھ: بڑے میچ کا کھلاڑی!
ایک روزہ ناک آؤٹ میچوں میں سٹیو سمتھ نے 76.2 کی اوسط سے رنز بنائے ہیں۔ اس کے بر عکس عام میچوں میں انھوں نے 41.58 کی اوسط سے رنز بنائے ہیں۔
جس سے یہ ظاہر ہوتا ہے کہ سمتھ بڑے اور دباؤ والے میچوں میں عمدہ بلے بازی کرتے ہیں۔
بریکنگ, آرچر کو واپس لانے کا جوا کامیاب ثابت!
انگلینڈ کہ کپتان مورگن کا جوفرا آرچر کو بولنگ کے لیے واپس لانے کا جوا کامیاب ثابت ہوا اور انھوں نے 22 رنز پر میکس ویل کی اننگز ایک زبردست سلو ڈلیوری کی مدد سے تمام کر دی۔
عادل رشید آسٹریلوی بلے بازوں کے نشانے پر!, آسٹریلیا 152/5، 34 اوورز مکمل
ایک بار پھر آسٹریلیا نے عادل رشید کو نشانہ بنانے کی کوشش کی ہے اور ان کے آٹھویں اوور میں آٹھ رنز حاصل کیے۔ عادل نے اب تک 49 رنز دیے ہیں اور دو کٹیں حاصل کی ہیں۔
آسٹریلیا کی آخری مستند جوڑی کریز پر, آسٹریلیا 144/5، 33 اوورز مکمل
پانی کے وقفے کے بعد کھیل دوبارہ شروع ہوا تو جوفرا آرچر کے اوور میں صرف دو رنز بنے۔
ایک اہم موقع پر عمدہ کیچ!
عادل رشید نے بانوے کی یاد تازہ کر دی, #1992meinbhi
بریکنگ, میکسویل کا پہلا چھکا!, آسٹریلیا 142/5، 32 اوورز مکمل
’بگ شو‘ گلین میکس ویل نے عادل رشید کو شاندر چھکا رسید کیا اور ایسا لگتا ہے کہ وہ آج موڈ میں ہیں۔
میکسویل کا جادو آج چلے گا یا نہیں؟, آسٹریلیا 135/5، 31 اوورز مکمل
آسٹریلوی آل راؤنڈر گلین میکس ویل اپنی جارحانہ بیٹنگ کے لیے معروف ہیں اور انھیں ’میڈ میکس‘ بھی کہا جاتا ہے لیکن دیکھنا ہوگا کہ وہ آج اپنا جادو دکھا پائیں گے یا نہیں۔
آسٹریلیا کتنا سکور کر پائے گا؟, آسٹریلیا 130/5، 30 اوورز مکمل
کرکٹ کے تجزیہ کار کہتے ہیں کہ اچھی ٹیمیں آخری 20 اوورز میں اپنے پہلے 30 اوورز کے سکور کو دگنا کر دیتی ہیں لیکن کیا آسٹریلیا اپنی آخری پانچ وکٹوں کے ساتھ ایسا کر سکے گا؟
بریکنگ, سٹیو سمتھ کی شاندار نصف سنچری!
آسٹریلوی بلے باز سٹیو سمتھ کی یہ ورلڈ کپ ناک آوٹ میں تیسری نصف سنچری ہے۔ انھوں نے 2015 کے ورلڈ کپ کوارٹرفائنل میں پاکستان کے خلاف 65، انڈیا کےخلاف سیمی فائنل میں 105 اور نیوزی لینڈ کے خلاف 56 رنز کی ناقابلِ تسخیر اننگز کھیلی تھی۔
سمتھ نے یہ نصف سنچری چار چوکوں کی مدد سے مکمل کی۔