آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا اور نیوزی لینڈ کے مابین ورلڈ کپ کا پہلا سیمی فائنل سنسنی خیز مقابلے کے بعد کیویز نے 18 رنز سے جیت لیا ہے اور وہ مسلسل دوسری بار ورلڈ کپ کے فائنل میں پہنچ گئے ہیں۔
انڈیا کی جانب سے روہت شرما اور لوکیش راہل کر رہے ہیں۔ نیوزی لینڈ کی جانب سے بولنگ کا آغاز ٹرینٹ بولٹ کر رہے ہیں۔
انڈیا نے پہلے اوور کے اختتام پر بغیر کسی نقصان کے دو رنز بنائے ہیں۔
انڈیا کے آل راؤنڈر رویندرا جڈیجا نے اب تک اس ورلڈ کپ میں سب سے زیادہ 41 رنز بچائے ہیں۔ انھوں نے آج بھی بہترین فیلڈنگ کا مظاہرہ کرتے ہوئے 74 رنز پر موجود راس ٹیلر کو لانگ لیگ باؤنڈری سے براہ راست رن آؤٹ کیا اور پھر مڈ وکٹ باؤنڈری پر ٹام لیتھم کا شاندار کیچ پکڑا جس کے باعث نیوزی لینڈ 239 رنز ہی بنا سکی۔
انڈیا کو ورلڈ کپ 2019 کے فائنل تک رسائی حاصل کرنے کے لیے 240 رنز بنانے ہوں گے۔ انڈیا نے فیلڈ میں شاندار کارکردگی دکھائی اور آج کی آخری 23 گیندوں میں انھوں نے صرف 28 رنز دیے۔ انڈیا کی جانب سے اپنا دوسرا میچ کھیلنے والے روندرا جڈیجا نے زبردست فیلڈنگ کی اور ایک رن آؤٹ اور ایک اہم کیچ بھی لیا۔
49ویں اوور میں بھونیشور کمار نے پہلی گیند پر لیتھم کو اور آخری گیند پر میٹ ہینری کی وکٹیں حاصل کر لیں۔ اس اوور میں نیوزی لینڈ نے سات رنز حاصل کیے۔
بھونیشور کمار نے 49واں اوور شروع کیا تو پہلی ہی گیند پر ٹام لیتھم نے مڈ وکٹ پر شاٹ کھیلا جس پر جڈیجا نے عمدہ کیچ پکڑ لیا۔
انڈیا کے جسپریت بھمرا نے 48واں اوور کرایا جس میں انھوں نے سات رنز دیے مگر اوور کی آخری گیند پر رویندرا جاڈیجا نے براہ راست تھرو کے ذریعے راس ٹیلر کو 74 رنز پر آؤٹ کر دیا۔ نیوزی لینڈ کی جانب سے ٹام لیتھم 10 رنز پر کھیل رہے ہیں۔
منگل کو بارش کے باعث روکے جانے والے سیمی فائنل کا دوبارہ آغاز ہو گیا ہے جہاں نیوزی لینڈ نے اپنی اننگز 211 رنز پانچ کھلاڑی آؤٹ پر دوبارہ شروع کی ہے۔ انڈیا کی جانب سے بھونیشور کمار نے 47واں اوور کرایا جس میں آٹھ رنز بنے۔
آسٹریلوی فاسٹ بولر مچل سٹارک نے اب تک اس ورلڈ کپ میں سب سے زیادہ 26 وکٹیں لی ہیں۔ اس کے ساتھ ہی انھوں نے ایک ورلڈ کپ میں سب سے زیادہ وکٹیں لینے والے مایہ ناز آسٹیریلوی بولر گلین مگرا کا ریکارڈ بھی برابر کر دیا ہے۔
مگرا نے 2007 کے ورلڈ کپ میں سب سے زیادہ 26 آؤٹ کیے تھے۔
دوسری جانب انڈیا کے فاسٹ بولر جسپریت بمرا نے اس ورلڈ کپ کے راؤنڈ روبن مرحلے کے اختتام تک 17 آؤٹ کیے تھے۔
انڈیا کے معروف بلے باز سچن تندولکر نے 2003 کے ورلڈ کپ میں چھ سنچریوں کے ساتھ 673 رنز بنائے تھے۔ یہ اب تک عالمی کپ کی تاریخ میں ایک ورلڈ کپ میں سب سے زیادہ رنز ہیں۔ لیکن روہت شرما اور ڈیوڈ وارنر اس ریکارڈ کو توڑنے کے بہت نزدیک ہیں۔
روہت شرما نے اب تک پانچ سنچریوں کے ساتھ 647 بنائے ہیں اور اس ورلڈ کپ میں وہ سب سے زیادہ رنز بنانے والے بیٹسمین ہیں۔ دوسری جانب ڈیوڈ وارنر نے اب تک ٹورنامنٹ میں تین سنچریوں کے ساتھ 638 رنز بنا رکھے ہیں اور وہ اس فہرست میں دوسرے نمبر پر ہیں۔
آج نیوزی کی ٹیم دن کا آغاز پانچ وکٹوں کے نقصان پر 211 رنز سے کرے گی۔
راس ٹیلر اس وقت 67 رنز کے انفرادی سکور پر موجود ہیں۔ انھوں نے اپنی اننگز میں تین چوکے اور ایک چھکا لگایا ہے۔ جبکہ دوسری جانب ٹام لیتھم 3 رنز پر کھیل رہے ہیں۔
اب تک 46.1 اوورز کا کھیل مکمل ہو چکا ہے اور انڈیا کے فاسٹ بولر جسپریت بمرا کے دو مزید اوورز باقی ہیں۔ انھوں نے اب تک اپنے آٹھ اوورز میں صرف 25 رنز دے کر ایک وکٹ حاصل کی ہے۔
آپ کے خیال میں کیا نیوزی لینڈ کی ٹیم 250 رنز کا ٹوٹل بنانے میں کامیاب ہو پائے گی؟
منگل کے روز نیوزی لینڈ اور انڈیا کی ٹیموں کے مابین کھیلے جانے والا ورلڈ کپ 2019 کا پہلا سیمی فائنل بارش کے باعث ریزرو ڈے یعنی اضافی دن میں داخل ہو گیا ہے۔
آئی سی سی کی جانب سے دونوں سیمی فائنلز اور فائنل کے لیے ریزرو ڈے رکھا گیا ہے تاکہ اگر میچ بارش کے باعث پہلے دن مکمل نہ ہو پائے تو اسے اگلے دن تک ملتوی کر دیا جائے۔
قواعد کے مطابق انڈیا اور نیوزی لینڈ کا میچ وہیں سے شروع ہو گا جہاں منگل کے روز بارش کے باعث اسے ملتوی کرنا پڑا تھا۔
دوسری جانب اگر آج انڈیا اپنی اننگز میں 20 اوورز کھیل لیتا ہے اور اس کے بعد بارش کے کے باعث میچ نہیں ہو پاتا تو میچ کا فیصلہ ڈک ورتھ لوئس نظام کے تحت کیا جائے گا۔
بصورتِ دیگر راؤنڈ روبن مرحلے میں زیادہ پوائنٹس کی وجہ سے انڈیا فائنل تک رسائی حاصل کرنے میں کامیاب ہو جائے گا۔
آئی سی سی کے اعلامیے کے مطابق ریزرو ڈے کے لیے ٹکٹوں کی فروخت نہیں کی جائے گی، لیکن جن لوگوں کے پاس پہلے سے ٹکٹ موجود ہیں اور وہ میچ نہیں دیکھنا چاہتے وہ اپنے ٹکٹ عطیہ کر سکتے ہیں۔
گذشتہ روز کے مقابلے میں آج برطانوی محکمہ موسمیات کے مطابق آسمان پر بادل تو ہوں گے لیکن بارش کے امکانات قدرے کم ہیں اور توقع ہے کہ میچ بغیر کسی رکاوٹ کے مکمل ہو سکے گا۔
ورلڈ کپ کے قواعد کے مطابق اگر سیمی فائنل مکمل نہ ہو سکے تو گروپ میچوں میں بہتر درجہ حاصل کرنے والی ٹیم کی فائنل میں رسائی ہو سکے گی جس کا مطلب ہے کہ انڈیا کی ٹیم فائنل میں پہنچ جائے گی۔ البتہ اگر فائنل میں بھی ایسی ہی صورتحال درپیش ہوئی تو اس صورت میں ٹرافی فریقین کو ساتھ ملے گی۔
آئی سی سی ورلڈ کپ میں انڈیا اور نیوزی لینڈ کے مابین کھیلے جانے والا سیمی فائنل بارش کی وجہ سے مکمل نہیں ہو سکا ہے۔ میچ کا بقیہ حصہ بدھ کے روز کھیلا جائے گا۔ مانچسٹر کے ابرآلود موسم میں نیوزی لینڈ نے ٹاس جیت کر پہلے کھیلتے ہوئے 46.1 اووروں میں پانچ وکٹوں کے نقصان 211 رنز بنائے تھے۔ تجربہ کار کھلاڑی راس ٹیلر 67 رنز بنا کر کھیل رہے ہیں۔ انڈین بولروں نے ابتدائی اووروں میں انتہائی نپی تلی بولنگ کی اور نیوزی لینڈ کے بیٹسمینوں کو کسی موقع پر بھی کھل کر نہیں کھیلنے دیا۔ نیوزی لینڈ ابتدائی دس اووروں میں صرف ستائیس رنز بنائے تھے۔ کپتان کین ولیمسن نے ایک بار پھر عمدہ کھیل کا مظاہرہ کرتے ہوئے 67 رنز کی عمدہ اننگز کھیلی۔
پھوار دوبارہ شروع۔ وکٹ کے مرکزی کور سے اسے دوبارہ ڈھانپ دیا گیا ہے۔ بولرز کے رن اپ والے دونوں جانب کے کورز بھی دوبارہ ڈال دیئے گئے ہیں۔
امپائرز مقامی وقت کے مطابق 6 بجکر 10 منٹ پر پچ کی انسپکشن کریں گے۔ جس کی بنیاد پر میچ شروع ہونے یا نہ ہونے کا فیصلہ کیا جائے گا