میٹ ہینری کا کفایتی اوور, انڈیا 203/6، 47 اوورز مکمل
میٹ ہینری نے اپنے سپیل کے آخری اوور میں صرف پانچ رنز دیے ہیں اور اب کیوی کپتان کے پاس ان کے اہم بولرز کے ایک ایک اوور باقی ہیں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا اور نیوزی لینڈ کے مابین ورلڈ کپ کا پہلا سیمی فائنل سنسنی خیز مقابلے کے بعد کیویز نے 18 رنز سے جیت لیا ہے اور وہ مسلسل دوسری بار ورلڈ کپ کے فائنل میں پہنچ گئے ہیں۔
میٹ ہینری نے اپنے سپیل کے آخری اوور میں صرف پانچ رنز دیے ہیں اور اب کیوی کپتان کے پاس ان کے اہم بولرز کے ایک ایک اوور باقی ہیں۔
فاسٹ بولر ٹرینٹ بولٹ اٹیک میں واپس آگئے ہیں اور اس اوور میں انھوں نے 10 رنز دیے۔ اس کے بعد ان کا صرف ایک اوور باقی ہے لیکن حالات کو دیکھتے ہوئے لگ رہا ہے کہ پانسہ انڈیا کے حق میں پلٹ گیا ہے۔
جدیجا کی بہترین بیٹنگ جاری اور انھوں نے فرگوسن کو لانگ آف پر زبردست چھکا رسید کیا اور اس اوور میں دس رنز حاصل کیے۔
جمی نیشم کے اوور میں روندرا جدیجا دو بار بال بال بچے جب ان کی شاٹ فیلڈر کے نہایت قریب گریں لیکن وہ بال تک پہنچ نہ سکے۔
لاکی فرگوسن نے اپنے آٹھویں اوور میں عمدہ بولنگ کی اور صرف تین رنز دیے۔ اس اوور میں ان کی ایک گیند 140 کلو میٹر فی گھنٹہ کی رفتار سے تھی جو کہ دھونی نے چھوڑ دی۔
روندرا جدیجا جنھوں نے فیلڈنگ میں شاندار مظاہرہ کیا تھا اب بیٹنگ میں اپنی ٹیم کے ہیرو بن رہے ہیں اور نہایت شاندار کھیل پیش کرتے ہوئے انھوں نے صرف 39 گیندوں پر اپنی نصف سنچری مکمل کر لی ہے۔
مچل سانٹنر نے اپنے 10 اوورز مکمل کر لیے ہیں اور ان کے آخری دو اوورز میں جدیجا نے زوردار چھکے مار کر انڈیا کی امیدیں برقرار رکھی ہیں۔ لیکن کیوی کپتان کین ولیمسن کے لیے اب معاملہ مشکل ہونے والا ہے کیونکہ ان کے مرکزی بولرز کے اوورز مکمل ہونے والے ہیں انھیں ابھی نو اوورز نکالنے ہیں۔
انڈین اننگز کے 40 اوورز مکمل ہو گئے ہیں اور اب آخری 60 گیندوں پر انھیں 90 رنز کی ضرورت ہے۔ یہ میچ ابھی بھی باقی ہے اور جب تک یہ جوڑی کریز پر موجود رہے گی، انڈیا کی امیدیں قائم رہیں گی۔
انڈیا کی لڑکھڑاتی ہوئی اننگز کو روندرا جدیجا نے سنبھالا ہوا ہے اور سانٹنر کے نویں اوور میں ان کو پہلا چھکا مارا اور اب وہ 29 گیندوں پر 32 رنز بنا چکے ہیں۔
رویندرا جدیجا نے میٹ ہینری کے نویں اوور میں مڈ وکٹ کی جانب خوبصورت چوکا لگایا لیکن وہ پھر بھی وہ اس اوور میں پانچ رنز ہی بنا سکے۔ انڈیا کو اس وقت 9 کی اوسط سے 72 گیندوں پر 109 رنز بنانے ہیں۔
مچل سانٹنر نے سپن کے لیے سازگار پچ کا بھرپور فائدہ اٹھاتے ہوئے انتہائی نپی تلی بولنگ کی ہے اور اب تک آٹھ اوورز میں صرف 15 رنز کے عوض دو وکٹیں حاصل کی ہیں۔
میٹ ہینری تین وکٹیں حاصل کرنے کے بعد اٹیک میں واپس آئے تو وہ ایم ایس دھونی کو بولڈ کرتے کرتے رہ گئے۔ ان کی گیند پچ پر لگنے کے بعد اندر آئی اور دھونی کے آف سٹمپ کے قریب سے گزری۔
انڈیا کے سابق بیٹسمین یوراج سنگھ کا کہنا ہے کہ انھیں امید ہے کہ ماہی (دھونی) انڈیا کو جیت سے ہمکنار کریں گے کیونکہ اس موقع پر تجربے کی اشد ضرورت ہے۔
انڈیا کی جانب سے جدیجا نے اننگز کا پہلا چھکا مارا جب نیشم کو انھوں نے لانگ آن پر کھیلا۔ یہ اننگز کا سب سے مہنگا اوور تھا جس میں نیوزی لینڈ نے نو رنز دیے۔
ایم ایس دھونی نے بالآخر اپنا پہلا چوکا لگا دیا ہے۔ دھونی نے اب تک 35 گیندوں پر 19 رنز بنائے ہیں۔
ٹرینٹ بولٹ کے آٹھویں اور اننگز کے 34ویں اوور میں آٹھ رنز بنے۔
انڈیا کے لیے حالات اب مزید گھمبیر ہوتے جا رہے ہیں اور صرف 18 اوورز باقی رہ گئے ہیں۔ کریز پر روندرا جدیجا اور دھونی موجود ہیں۔
منگل کو انڈیا اور نیوزی لینڈ کے درمیان شروع ہونے والا پہلا مقابلہ بارش کے باعث مکمل نہیں ہو پایا تھا۔ میچ روکے جانے کے بعد یہ تصویر سوشل میڈیا پر شیئر کی جانے لگی۔
بی بی سی نے ریورس امیج سرچ کی مدد سے پتہ لگایا کہ اصل تصویر کے ساتھ چھیڑ خانی کی گئی ہے اور اس تصویر سے متعلق کیے جانے والے دعوے درست نہیں ہیں۔ مزید جانیے بی بی سی کی فیکٹ چیک ٹیم کی اس تحریر میں۔
ایک ایسے موقعے پر جب محسوس ہو رہا تھا کہ انڈیا اب شاید جارحانہ انداز اپنائے، سانٹنر نے اپنی زبردست بولنگ جاری رکھی اور ہاردک پانڈیا کو 32 رنز پر کیچ آؤٹ کرا دیا۔