آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا اور نیوزی لینڈ کے مابین ورلڈ کپ کا پہلا سیمی فائنل سنسنی خیز مقابلے کے بعد کیویز نے 18 رنز سے جیت لیا ہے اور وہ مسلسل دوسری بار ورلڈ کپ کے فائنل میں پہنچ گئے ہیں۔
انگلینڈ کے سابق کپتان ناصر حسین کا کہنا ہے کہ منگل کے روز کیوی کپتان کین ولیمسن کی عمدہ اننگز کی اہمیت لمحہ بہ لمحہ بڑھتی جا رہی ہے۔
یاد رہے کہ نیوزی لینڈ کی جانب سے راس ٹیلر نے 74 اور ولیمسن نے 67 رنز بنائے تھے۔
آل راؤنڈر ہاردک پانڈیا نے اب تک پر اعتماد بیٹنگ کا مظاہرہ کیا ہے اور 12 گیندوں پر دو چوکوں کی مدد سے اب تک نو رنز بنائے ہیں۔
جمی نیشم جنھوں نے دسویں اوور میں کارتھک کا نہایت زبردست کیچ لیا، وہ لاکی فرگوسن کی پہلی گیند پر پنت کا کیچ نہ پکڑ سکے۔ فرگوسن کے پہلے اوور میں انڈیا نے دو رنز حاصل کیے۔
نوجوان بلے باز رشبھ پنت سے ان کی ٹیم کو بڑی اننگز کی توقع ہے اور دیکھنا ہوگا کہ کیا وہ اپنے ٹیلنٹ کا مظاہرہ کھل کر دکھا سکیں گے یا نہیں۔ میٹ ہینری کے اوور میں انھوں نے ایک اور چوکا حاصل کیا اور اب وہ 18 رنز پر کھیل رہے ہیں۔
ٹرینٹ بولٹ نے اپنے چھٹے اوور میں چھ رنز دیے جس میں نئے آنے والے ہاردک پانڈیا کا ایک چوکا شامل تھا۔
تجزیہ کار نخل کہتے ہیں کہ انھیں ہاردک پانڈیا کو دھونی کی جگہ آتے دیکھ کر حیرانگی ہوئی ہے۔ اس وقت جارحانہ انداز کی اہمیت نہیں ہے۔
میٹ ہینری نے اپنی شاندار بولنگ کا سلسلہ جاری رکھا اور اس اوور میں پانٹ کا ہاتھوں چوکا کھانے کے باوجود کارتھک کو آؤٹ کر کے اپنی تیسری وکٹ حاصل کر لی۔چھ رنز بنانے والے کارتھک نے پوائنٹ پر کھیلا جہاں نیچے گرتی ہوئی گیند کو جمی نیشم نے بائیں ہاتھ سے دبوچ لیا۔
مسلسل 16 گیندوں پر کوئی رن نہ دینے والے ٹرینٹ بولٹ لگاتار تیسرا میڈن نہ کرا سکے اور دنیش کارتھک نے اس اوور میں ایک چوکا لگایا اور کُل چھ رنز حاصل کیے۔
کرکٹ پر تجزیوں اور تحقیق کی ویب سائٹ کرک وز کے مطابق ایسا جنوری 2010 کے بعد پہلی مرتبہ ہوا ہے کہ انڈیا نے پہلے چار اوورز میں تین وکٹیں گوائی ہوں۔
ٹرینٹ بولٹ نے اپنے سپیل کا دوسرا میڈن کرایا جس میں دنیش کارتھک نے احتیاط سے بیٹنگ کی۔
میٹ ہینری کے اوور میں رشابھ پانٹ نے آف سائیڈ پر ڈرائیو کھیل کر اننگز کا پہلا چوکا لگایا۔ آدھے گھنٹے کے کھیل کے بعد اب پچ پر سے سوئنگ کچھ کم ہوئی ہے اور انڈیا کے بلے باز محتاط انداز میں بیٹنگ کر رہے ہیں۔
ٹرینٹ بولٹ نے اننگز کا پانچواں اوور کرایا جس میں انھوں نے صرف ایک رن دیا۔ کریز پر اس وقت رشابھ پانٹ اور دنیش کارتھک بیٹنگ کر رہے ہیں۔
جیمز اینڈریسن کا ٹیسٹ میچ سپیشل سے بات کرتے ہوئے کہنا ہے کہ نیوزی لینڈ کے پاس کھونے کے لیے کچھ نہیں ہے اس لیے میں چاہوں گا کہ وہ جارحانہ بولنگ کرتے ہوئے انڈیا کو دباؤ کا شکار کریں۔
’نیوزی لینڈ کو لوکی فرگیوسن سے پہلے دس اوورز میں بولنگ کرانی چاہیے۔‘
میٹ ہینری نے اننگز کا لگاتار دوسرا میڈن اوور کرایا جس میں دنیش کارتھک نے کوئی رن حاصل نہیں کیا اور کئی بار وہ بچ گئے۔
ٹرینٹ بولٹ نے نیوزی لینڈ کی جانب سے زبردست کامیابی حاصل کرتے ہوئے انڈین کپتان وراٹ کوہلی کو ایل بی ڈبلیو کر دیا جو صرف ایک رن بنا سکے۔ امپائر نے انھیں آؤٹ قرار دیا جس پر کوہلی نے ریویو لیا لیکن قسمت نے ان کا ساتھ نہ دیا۔ بولٹ کا یہ اوور میڈن گیا۔
نیوزی لینڈ کے میٹ ہینری نے انڈیا کو بڑا دھچکہ دیا جب انھوں نے دوسرے اوور کی تیسری گیند پر ٹورنامنٹ کے سب سے کامیاب بلے باز روہت شرما کو صرف ایک رن پر آؤٹ کر دیا۔ میٹ ہینری کے اوور میں صرف تین رنز بنے ہیں اور اب انڈیا کپتان وراٹ کوہلی پچ پر آ گئے ہیں۔