آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ کے 12 ویں عالمی کپ کے 44 ویں میچ میں انڈیا نے سری لنکا کو سات وکٹوں سے شکست دے دی ہے۔
راجہ وقاص علی and محمد صہیب
انڈین اوپنروں کی موجودہ ورلڈ کپ میں عمدہ کارکردگی کا سلسلہ جاری ہے۔ انڈین اوپنرز اس ورلڈ کپ میں پہلی وکٹ کی شراکت میں اب تک چار بار 100 یا 100 سے زیادہ رنز بنا چکے ہیں۔
انڈیا کے اوپنروں نے آسٹریلیا، پاکستان، بنگلہ دیش اور سری لنکا کے خلاف سنچری شراکتیں بنائی ہیں جو اس ورلڈ کپ میں ان کی عمدہ کارکردگی کا راز بھی ہے۔
روہت شرما کے بعد انڈیا کے دوسرے اوپنر لوکیش راہل نے پانچ چوکوں کی مدد سے اپنی نصف سنچری مکمل کر لی ہے
روہت شرما نے شکیب الحسن کے 606 رنز کو پیچھے چھوڑ دیا ہے اور اب وہ ورلڈ کپ میں 600 سے زائد رنز بنانے والے چوتھے بلے باز بن گئے ہیں۔
انڈیا کے دونوں اوپنرز نے سری لنکا کے بولروں کو خاطر میں نہ لاتے ہوئے میدان کے چاروں جانب دلکش سٹروکس کھیلے اور 19ویں اوور میں 100 رنز مکمل کر لیے ہیں۔
انڈیا کے اوپنرز نے عمدہ آغاز کرتے ہوئے انڈیا کے لیے 265 رنز کا ہدف آسان بنا دیا ہے۔ روہت شرما نے اس دوران اپنی 43 نصف سنچری مکمل کر لی ہے۔
سپنر دھننجایا ڈی سلوا کے آتے ہی روہت شرما نے جارحانہ انداز اپنا لیا اور انھیں مڈ آف باؤنڈری کی جانب دو چھکے لگا دیے۔ اس اوور میں 14 رنز بنے۔
انڈین بلے باز روہت شرما کی رواں ورلڈ کپ میں عمدہ کارکردگی کا سلسلہ جاری ہے۔ انھوں نے اب تک آٹھ چوکوں اور ایک چھکے کی مدد سے اپنی نصف سنچری بنائی ہے۔
سری لنکا کے بولرز نے اب گیند کی رفتار تبدیل کر کے بولنگ کرنا شروع کی ہے۔ جس کے باعث انڈین بلے باز محتاط بیٹنگ کر رہے ہیں۔
انڈیا کے دونوں بلے بازوں نے پر اعتماد آغاز کیا اور پہلے 50 رنز میں نو چوکے مارے ہیں۔
انڈیا کے روہت شرما نے پانچویں اوور میں مالنگا کو دو چوکے مارے ہیں۔