آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ کے 12ویں عالمی کپ میں ہیڈنگلے کے میدان پر سنیچر کو کھیلے جانے والے اہم میچ میں پاکستان نے سنسنی خیز مقابلے کے بعد افغانستان کو تین وکٹوں سے شکست دے دی ہے۔
اعظم خان and محمد صہیب
افغانستان نے دو وکٹوں کے نقصان پر پہلے پانچ اوورز میں 31 رنز بنائے ہیں۔ شاہین شاہ آفریدی کا پہلا ااوور ہی کامیاب رہا جس میں انھیں پہلی تین گیندوں پر 10 رنز پڑے لیکن انھوں نے اوور کی چوتھی اور پانچویں گیندوں پر وکٹیں لے کر پاکستان کو آغاز میں کامیابی دلوا دی۔
رحمت شاہ کے بعد شاہین آفریدی نے ان کی جگہ آنے والے حشمت اللہ شاہدی کو بھی آؤٹ کر دیا ہے۔ ان کا کیچ عماد وسیم نے لیا اور وہ کوئی رن نہ بنا سکے۔
شاہین شاہ آفریدی نے ایک مرتبہ پھر آغاز میں کامیابی حاصل کی ہے اور گلبدین نائب کو آؤٹ کر دیا ہے۔
گلبدین نائب کا کیچ سرفراز نے پکڑا۔ پہلے تو امپائر نے انھیں آؤٹ نہیں دیا لیکن پاکسان نے ریویو لیا جو کامیاب ثابت ہوا۔
رحمت شاہ نے محمد عامر کے اوور میں دو چوکے مارے ہیں جن میں سے ایک انتہائی خوبصورت پل شاٹ بھی تھی۔
اننگز کا پہلا میڈن اس ٹورنامنٹ میں پاکستان کے بہترین بولر محمد عامر نے کرایا ہے۔ انھوں نے رحمت شاہ کو چوتھے سٹمپ پر اچھی لینتھ پر بولنگ کرتے ہوئے سکور کرنے سے روکے رکھا۔
پاکستان کی طرف سے اننگز کا پہلا اوور عماد وسیم کررہے ہیں۔
افغانستان کی طرف سے گلبدین نائب اور رحمت شاہ اننگز کا آغاز کریں گے۔
ہیڈنگلے میں چمکدار دھوپ نکلی ہوئی ہے اور موسم کرکٹ کے لیے بہترین ہے۔ میچ کے دوران کسی بھی وقت بارش کا کوئی امکان نہیں ہے
بی بی سی اردو کے عبدالرشید شکور کے مطابق پاکستان نے ہیڈنگلے کے میدان پر اب تک نو ون ڈے انٹرنیشنل میچ کھیلے جن میں سے چار میں اسے فتح ملی جبکہ پانچ میں شکست ہوئی۔
بی بی سی کے نامہ نگار عبدالرشید شکور کے مطابق اس وقت میدان میں پاکستان اور افغانستان کے قومی ترانے پڑھے جا رہے ہیں۔ میچ اب سے کچھ دیر بعد شروع ہو گا۔
فاسٹ بولر وہاب ریاض یہ میچ کھیل رہے ہیں۔ لیڈز میں موجود بی بی سی کے نامہ نگار عبدالرشید شکور کے مطابق گذشتہ روز پریکٹس سیشن کے دوران ان کی دائیں ہتھیلی پر گیند لگی تھی جس سے سوجن ہوگئی ہے اور وہ بینڈج کے ساتھ یہ میچ کھیل رہے ہیں۔
پاکستانی کپتان سرفراز احمد کا کہنا ہے کہ وہ بھی اس پچ پر پہلے بیٹنگ کرنا چاہتے تھے۔ اس میچ کے لیے پاکستان نے اپنی ٹیم میں کوئی تبدیلی نہیں کی ہے۔ سرفراز احمد کا کہنا ہے کہ جو مومنٹم بنا ہوا ہے اسے برقرار رکھنا چاہتے ہیں۔
افغان کپتان گلبدین نائب کا کہنا ہے کہ وہ بنچ پر بیٹھے کھلاڑیوں کو موقع دینا چاہتے ہیں جس کے باعث دولت زدران کی جگہ حامد حسن کو آج کے میچ کے لیے موقع دیا گیا ہے۔ ان کا کہنا تھا کہ ’ہم نے پاکستان کو وارم اپ میچ میں ہرایا تھا اس لیے ہم انھیں دوبارہ بھی ہرا سکتے ہیں۔‘
پاکستان کے مڈل آرڈر بیٹسمین حارث سہیل کا کہنا ہے کہ وہ موازنے پر یقین نہیں رکھتے۔ان کی کوشش ہوتی ہے کہ معاملات کو سادہ رکھیں اور اچھی کارکردگی دکھائیں۔ دیکھیے عبدالرشید شکور اور فرقان الہی کی ڈیجیٹل ویڈیو۔