آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ کے 12ویں عالمی کپ میں ہیڈنگلے کے میدان پر سنیچر کو کھیلے جانے والے اہم میچ میں پاکستان نے سنسنی خیز مقابلے کے بعد افغانستان کو تین وکٹوں سے شکست دے دی ہے۔
اعظم خان and محمد صہیب
شاہین آفریدی نے ون ڈے میں چوتھی مرتبہ چار وکٹیں حاصل کی ہیں ہیڈنگلے کے میدان میں وہ دوسری مرتبہ میچ میں چار وکٹیں لینے میں کامیاب ہوئے ہیں جبکہ اس اننگز میں پاکستانی بولرز نے 172 ڈاٹ بالز کرائی ہیں۔
عماد وسیم نے نے 10 اوورز میں 48 رنز دیے اور دو وکٹیں حاصل کرنے میں کامیاب ہوئے۔ آج کے میچ میں محمد عامر کو کوئی وکٹ نہیں مل سکی جبکہ وہاب ریاض نے 8 اوورز میں 28 رنز کے عوض دو وکٹیں حاصل کیں۔
دس اوورز میں شاداب خان کے حصے میں ایک وکٹ آئی۔
افغان بلے باز اصغر افغان نےصرف 35 گیندوں کا سامنا کیا اور 42 رنز بنائے۔ انھوں نے اپنی اننگز میں 3 چوکے اور دو چھکے بھی لگائے۔ اس کے علاوہ افغان بلے باز نجیب اللہ زدران نے بھی 54 گیندوں پر 42 رنز بنائے۔ زدران نے چھ چوکے لگائے۔
شاہین آفریدی نے اپنے دس اوورز میں 4 وکٹیں حاصل کی ہیں۔ محمد نبی، حشمت اللہ شہیدی، نجیب اللہ زدران اور راشد خان شاہین آفریدی کا شکار بنے۔
افغانستان نے مقررہ پچاس اوورز میں نو وکٹوں کے نقصان پر 227 رنز بنائے ہیں۔
آخری دو اوورز کا کھیل باقی ہے۔ یہاں پاکستان کے لیے افغانستان کی پوری ٹیم کو آوٹ کرنا اچھے نیٹ رن ریٹ کے لیے بہت ضروری ہے۔
وہاب ریاض جو انجری کے باوجود یہ میچ کھیل رہے ہیں نےحامد کو عمدہ یارکر کرایا جو وہ نہ کھیل پائے۔
آخری دو اوورز کا کھیل باقی ہے۔ یہاں پاکستان کے لیے افغانستان کی پوری ٹیم کو آوٹ کرنا اچھے نیٹ رن ریٹ کے لیے بہت ضروری ہے۔
شاہین آفریدی کی نسبتاً آہستہ بال کو راشد خان اونچا کھیل گئے اور مڈ آف کی پوزیشن پر فخر زمان نے ان کا ایک آسان کیچ پکڑنے میں کسی قسم کی کوئی غلطی نہیں کی۔
نجیب اللہ زردان کو شاہین آفریدی نے بولڈ کیا۔ زردان نے 54 گیندوں کا سامن کیا اور 42 رنز بنائے۔
افغانستان نے 45ویں اوور میں 200 رنز کا سنگِ میل عبور کیا ہے۔ افغانستان نے اب تک اپنی اننگز میں 18 چوکے اور دو چھکے مارے ہیں۔
لیڈز میں موجود بی بی سی کے نامہ نگار عبدالرشید شکور کا کہنا ہے کہ افغانستان کی ٹیم اس ورلڈ کپ میں اب تک صرف چار مرتبہ دو سو یا زائد رنز بنانے میں کامیاب ہوئی ہے۔
پچھلے پانچ اوورز میں افغانستان نے صرف 14 رنز بنائے ہیں۔
شاہین آفریدی جو اب تک دو وکٹیں حاصل کر چکے ہیں انھوں نے اپنے ساتویں اور اننگز کے 41ویں اوور میں صرف ایک رن دیا۔
افغانستان کی اننگز کے آخری دس اوورز باقی ہیں۔ نجیب اللہ زدران اور سمیع اللہ شنواری اس وقت کریز پر موجود ہیں۔
پاکستان کی جانب سے شاہین آفریدی کے چار، محمد عامر کے تین اور وہاب ریاض کے بھی تین اوور باقی ہیں۔
آج کے دن کھیلے جانے والے دوسرے میچ میں آسٹریلیا نے نیوزی لینڈ کے خلاف ٹاس جیت کر پہلے بیٹنگ کا فیصلہ کیا ہے۔
سپنر عماد وسیم نے اپنے دس اوورز میں 48 رنز دے کر دو وکٹیں حاصل کرنے میں کامیاب رہے۔
چھ وکٹوں کے نقصان کے باوجود بائیں ہاتھ سے کھیلنے والے نجیب اللہ جارحانہ انداز میں کھیل رہے ہیں۔
وہاب ریاض نے محمد نبی کو باؤنسر کرایا جسے انھوں نے جارحانہ انداز میں ہک کیا اور فائن لیگ پر کھڑے محمد عامر نے کیچ پکڑنے میں کوئی غلطی نہیں کی۔