12ویں کرکٹ ورلڈ کپ میں جمعے کو ناٹنگھم میں کھیلے جانے والے میچ میں ویسٹ انڈیز نے پاکستان کو بظاہر ایک یکطرفہ مقابلے کے بعد سات وکٹوں سے شکست دے دی ہے۔
ذیشان حیدر، عابد حسین، دانش حسین
پاکستانی ٹیم ان کھلاڑیوں پر مشتمل ہے: امام الحق، فخر زمان، بابر اعظم، حارث سہیل، سرفراز احمد، محمد حفیظ، عماد وسیم، شاداب خان، محمد عامر، حسن علی اور وہاب ریاض مکی آرتھر، اظہر محمود اور گرانٹ فلاور پر مشتمل پاکستانی مینیجمنٹ نے حیران کن طور پر آصف علی کو فائنل الیون میں شامل نہیں کیا جن کی دھواں دھار بیٹنگ ٹرینٹ برج کے میدان پر کافی موزوں رہتی۔
،تصویر کا ذریعہPCB
ٹرینٹ برج کے باہر شائقین جمع ہیں اور سٹیڈیم میں جانے سے پہلے اپنے چہروں پر پینٹ کروا رہے ہیں۔ بچے، بوڑھے، جوان، سبھی میدان کے باہر جمع ہیں اپنی ٹیم کو سپورٹ کرنے کے لیے۔
اس ورلڈ کپ میں سب کی نظریں ویسٹ انڈیز کے آل راؤنڈر آندرے رسل پر ہیں جنھوں نے اس سال انڈین پریمئیر لیگ میں تہلکہ مچا دیا تھا۔
اس کے بعد ورلڈ کپ کے وارم اپ میچ میں بھی انھوں نے نیوزی لینڈ کے خلاف تباہ کن بیٹنگ کا مظاہرہ کیا تھا۔
ورلڈکپ سے قبل رسل کہنا تھا کہ ان کی ٹیم ہر میچ میں 400 رنز بنانے کی کوشش کرے گی۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
ناٹنگھم میں ویسٹ انڈیز کے کپتان جیسن ہولڈر نے ٹاس جیت کر پاکستان کو کو پہلے بلے بازی کی دعوت دی ہے
،تصویر کا ذریعہPCB
1992 کا ورلڈ کپ ابھی تک پاکستانی شائقین کے ذہنوں میں تازہ ہے اور اس کی وجہ بھی ہم سب کو معلوم ہے لیکن کیا آپ کو یاد ہے کہ 1999 میں بھی جب آخری دفعہ انگلینڈ میں ٹورنامنٹ ہوا تھا تو اس وقت بھی پاکستان کا پہلا میچ ویسٹ انڈیز سے ہی تھا۔ اس میچ میں کس نے کیا کارنامہ سر انجام دیا تھا، جاننے کے لیے یہاں کلک کریں۔
پاکستان اور ویسٹ انڈیز اگرچہ ون ڈے کرکٹ میں عالمی درجہ بندی میں بہت نیچے ہیں لیکن دونوں ہی ٹیموں کو اس ورلڈ کپ کا ڈارک ہارس قرار دیا جا رہا ہے۔
پاکستان کے بارے میں کہا جاتا ہے کہ غیرمستقل مزاجی ہی اس ٹیم کا وہ خاصیت ہے جس سے مخالف ٹیمیں گھبراتی ہیں کیونکہ اپنے دن پر یہ دنیا کی بہترین ٹیم بن جاتی ہے۔
ادھر ویسٹ انڈیز نے وارم اپ میچ میں نیوزی لینڈ کے خلاف 421 رنز کا مجموعہ ترتیب دے کر خطرے کی گھنٹی بجا دی ہے۔
ناٹنگھم کے ٹرینٹ برج کے میدان میں ٹاس ہونے میں 15 منٹ باقی ہیں! آج پلڑا کس کا بھاری ہوگا؟
،تصویر کا ذریعہbbc
پاکستان اور ویسٹ انڈیز کا میچ ناٹنگھم میں ٹرینٹ برج کے میدان میں کھیلا جا رہا ہے۔ اس میدان پر پاکستان نے 13 ایک روزہ میچ کھیلے ہیں جن میں اسے سات میں کامیابی ملی جبکہ چھ میں ناکامی کا سامنا کرنا پڑا۔
دلچسپ بات یہ ہے کہ ون ڈے کرکٹ میں بنایا جانے والے سب سے بڑا 481 رنز کا مجموعہ اسی میدان پر بنا جبکہ پاکستان کے خلاف بننے والے سب سے بڑے مجموعے یعنی 444 رنز کا گواہ بھی یہی میدان ہے
،تصویر کا ذریعہGetty Images
پاکستان اور ویسٹ انڈیز کے درمیان ورلڈ کپ مقابلوں میں ویسٹ انڈیز کا پلڑا بھاری رہا ہے۔
دونوں ٹیموں کے درمیان اب تک 10 میچ کھیلے گئے جن میں ویسٹ انڈیز کو سات جبکہ پاکستان کو صرف تین میں فتح نصیب ہوئی۔
پاکستانی ٹیم کے کپتان سرفراز احمد ٹیم کی اب تک کی کارکردگی اور آگے آنے والے میچوں میں کھلاڑیوں کی تیاری اور جذبے کے بارے میں کیا کہتے ہیں۔ جانیے اس ویڈیو میں۔۔
پاکستانی ٹیم ورلڈ کپ میں اپنے سفر کے آغاز سے قبل لگاتار 10 ون ڈے میچ ہار چکی ہے۔ بی بی سی نے گذشتہ تین ورلڈ کپس میں بیٹنگ کے اعداد و شمار سے یہ جاننے کی کوشش کی کہ آخر پاکستانی ٹیم کی ورلڈ کپ سے قبل تیاری اتنی غیرمعیاری کیوں ہوتی ہے؟
ورلڈ کپ کے موقع پر لندن کے شہر ناٹنگھم کے ایک مصروف چوک پر خصوصی طور پر کرکٹ میلہ سجایا گیا ہے، جسے سٹریٹ کرکٹ کا نام دیا گیا ہے۔ اس سٹریٹ کرکٹ میں مختلف قسم کے دلچسپ اسٹالز لگائے گئے ہیں جس نے پہلے دن سے ہی بچوں اور بڑوں سب کی توجہ حاصل کرلی ہے۔
2019 کا کرکٹ ورلڈ کپ ان مقابلوں کی تاریخ کا 12واں ورلڈ کپ ہے لیکن کیا آپ جانتے ہیں کہ ان مقابلوں کا آغاز کیسے ہوا؟
،تصویر کا ذریعہGetty Images
کرکٹ کا کھیل پوری طرح سے سائنس تو ہے نہیں اس لیے ہماری پیش گوئی ایک سے زیادہ مرتبہ بھی غلط ثابت ہو سکتی ہے۔ تاہم ہم امید کرتے ہیں کہ ان میچوں کے نتائج کی پیش گوئی میں آپ کو بھی اتنا ہی لطف آئے گا جتنا ہمیں آیا اور آپ کی پیش گوئیاں شاید ہم سے بہتر ہی ہوں۔ گُڈ لک!
پاکستانی کرکٹ ٹیم جب آج ورلڈ کپ میں اپنا پہلا میچ کھیلنے ٹرینٹ برج کے میدان میں اترے گی تو حریف ویسٹ انڈین ٹیم کے ساتھ اسے ایک شناسا چہرہ نظر آئے گا جس کا دل پاکستان کے لیے ضرور دھڑک رہا ہو گا لیکن دماغ میں یہی سوچ کارفرما ہو گی کہ پاکستانی ٹیم کو کس طرح قابو کیا جائے۔
،تصویر کا ذریعہGetty Images
