اوول کے میدان میں پاکستان چیمپیئن: کب کیا ہوا؟

لائیو کوریج

1. 18 جون 2017بریکنگ, پاکستان کو پہلا نقصان، اظہر علی رن آؤٹ

   23ویں اوور میں انڈیا کو بالاخر پہلی کامیابی مل گئی ہے۔ آؤٹ ہونے والے پاکستانی بلے باز اظہر علی تھے جو 60 رنز بنانے کے بعد رن آؤٹ ہوگئے۔ دیکھنا یہ ہے کہ انڈیا اس موقع سے فائدہ اٹھا پائے گا یا نہیں۔

2. 18 جون 2017انڈیا باؤنڈریز روکنے میں ناکام, پاکستان: 0-125

   22 اوورز کے اختتام پر پاکستان نے 5.68 کی اوسط سے بغیر کسی نقصان کے 125 رنز بنا لیے ہیں

3. 18 جون 2017پاکستان: 0-118, اظہر علی 52، فخر زمان 53

4. 18 جون 2017بریکنگ, فخر زمان کی مسلسل تیسری نصف سنچری, پاکستان: 0-110

   20ویں اوور میں پاکستان کے دونوں اوپنرز اپنی نصف سنچریاں مکمل کرنے میں کامیاب رہے ہیں۔ فخر زمان کی یہ اس ٹورنامنٹ میں مسلسل تیسری نصف سنچری ہے۔ اس اوور کے اختتام پر پاکستان کا سکور114 تک پہنچ گیا ہے

5. 18 جون 2017اظہرعلی کی نصف سنچری

   اظہرعلی نے اس ٹورنامنٹ میں اپنی تیسری نصف سنچری مکمل کرنے میں کامیاب رہے ہیں۔ یہ انڈیا کے خلاف اس چیمپیئنز ٹرافی میں ان کی دوسری نصف سنچری ہے

6. 18 جون 2017لندن میں سخت گرمی، کھلاڑی پیاسے

   لندن میں اس وقت خاصی گرمی پڑ رہی ہے۔ گراؤنڈ میں موجود بی بی سی کے نامہ نگار جوناتھن ایگنیو کہتے ہیں کہ اگر آپ سٹیڈیم میں موجود ہیں لیکن ہیٹ اور سن کریم ساتھ نہیں لائے تو آپ کو مسائل کا سامنا کرنا پڑے گا۔ آج کا دن سخت گرم ہے۔ 17ویں اوور میں کھلاڑیوں نے پانی کا وقفہ بھی لیا ہے۔

7. 18 جون 2017بریکنگ, پاکستان کے سو رنز مکمل, اظہر علی 45، فخر زمان 40

   پاکستانی اوپنرز کو انڈین سپنرز کو کھیلنے میں کوئی دشواری پیش نہیں آ رہی اور وہ باآسانی رن بنا رہے ہیں۔ 18 اوور کا کھیل مکمل ہوا ہے اور پاکستان کا سکور بغیر کسی نقصان کے 100 تک پہنچ گیا ہے

8. 18 جون 2017’محفوظ کرکٹ‘

   ’پاکستانی بلےباز اب سیٹ ہو گئے ہیں اور یہ بات اہم ہے کہ ابھی تک کوئی وکٹ نہیں گری۔ وہ محفوظ اور اچھی کرکٹ کھیل رہے ہیں۔ مجھے توقع ہے کہ وہ کھیل کے دوسرے حصے میں دھواں دھار انداز میں بیٹنگ کریں گے۔‘

   ایلِک سٹیورٹ: انگلینڈ کے سابق کپتان

9. 18 جون 2017اظہرعلی خوش قسمت رہے, پاکستان: 0 -93

   پانڈیا کے دوسرے اور اننگز کے17ویں اوور میں انڈیا کو پہلی کامیابی اس وقت ملتے ملتے رہ گئی جب اظہر علی کی ایک اونچی شاٹ ایسی جگہ گری جہاں کوئی فیلڈر موجود نہ تھا

10. 18 جون 2017پاکستان: 0-90, اظہر علی 41، فخر زمان 34

    کوہلی نے دوسرے اینڈ سے جدیجہ کو بولنگ کے لیے بلایا ہے جن کے پہلے اور اننگز کے 16ویں اوور میں چار رنز ہی بنے ہیں۔

11. 18 جون 2017کہاں ہے سرجیکل سٹرائیک جب اس کی ضرورت ہے؟, انڈین ٹیم کے ایک مداح کا سوال

12. 18 جون 2017بریکنگ, انڈیا ابتدائی دو پاور پلے میں وکٹ لینے میں ناکام

    پاکستانی اننگز کے 15 اوورز مکمل ہو گئے ہیں اور اوپنرز کی عمدہ بلے بازی کی بدولت اس نے بغیر کسی نقصان کے 86 رنز بنا لیے ہیں

13. 18 جون 2017انڈین شائقین کو پہلی وکٹ گرنے کا بےتابی سے انتظار!

14. 18 جون 2017بولنگ میں ایک پھر تبدیلی

    وراٹ کوہلی نے بولنگ میں ایک مرتبہ پھر تبدیلی کی ہے اور ہاردک پانڈیا کو بلایا گیا ہے۔ ان کی پہلی ہی گیند اظہر علی کی ٹانگ پر لگی اور زوردار اپیل بھی ہوئی تاہم امپائر نے انھیں ناٹ آؤٹ قرار دیا

15. 18 جون 2017پاکستان: 0-78, اظہر علی 35، فخر زمان 31

    14 اوورز کا کھیل مکمل ہو چکا ہے اور پاکستان نے بغیر کسی نقصان کے 78 رنز بنا لیے ہیں

16. 18 جون 2017میچ دیکھنے کا ایک انداز یہ بھی :)

17. 18 جون 2017سینماؤں کے شو بند، آج کے دن صرف کرکٹ!

    بی بی سی کے دہلی میں نامہ نگار نتن سری واستو کہتے ہیں کہ انڈیا میں سینکڑوں ریستوران خصوصی طور پر پاکستان اور انڈیا کا فائنل میچ دکھا رہے ہیں، جب کہ بعض سینماؤں نے فیصلہ کیا ہے کہ وہ آج کے دن شو نہیں چلائیں گے۔

18. 18 جون 2017پاکستان: 0-69, اظہر علی 31، فخر زمان 27

    وراٹ کوہلی کی اپنے سٹار بولر ایشون سے وکٹ کی امیدیں پوری ہوتی دکھائی نہیں دے رہیں اور انھیں مسلسل تیسرے اوور میں چوکا لگا ہے۔ 12 اوورز کے اختتام پر پاکستان کا سکور 69 رنز ہے۔

19. 18 جون 2017پاکستان: 0-63, اظہر علی 30، فخر زمان 22

    جسپریت بھمرا ایک مرتبہ پھر واپس آئے ہیں لیکن اس اوور میں انھیں پھر ایک چوکا لگا ہے۔ 11 اوور کے اختتام پر پاکستان کا سکور 63 تک پہنچ گیا ہے۔

20. 18 جون 2017پاکستان: 0-55, اظہر علی 29، فخر زمان 15

    سیمی فائنل کے برعکس فائنل میں اظہر علی نے تیز کھیلنے کی ذمہ داری سنبھالی ہوئی ہے اور دسویں اوور میں بھی ایک چوکا لگایا ہے۔