اوول کے میدان میں پاکستان چیمپیئن: کب کیا ہوا؟

لائیو کوریج

1. 18 جون 2017بریکنگ, یوراج سنگھ کے خلاف پاکستان کا ریویو

   شاداب خان کے پہلے ہی اوور میں امپائر نے یوراج سنگھ کو ایل بی ڈبلیو کی اپیل پر ناٹ آؤٹ قرار دیا تاہم شاداب کے اصرار پر کپتان نے اس فیصلے کے خلاف ریویو لیا ہے

2. 18 جون 2017انڈیا کی نصف سنچری مکمل

   • انڈیا کی نصف سنچری 12ویں اوور میں مکمل ہوئی ہے اور اس وقت کریز پر دھونی اور یوراج موجود ہیں

3. 18 جون 2017گیند ٹورنامنٹ کے سب سے کامیاب بولر کے پاس

   حفیظ کے ایک اوور میں 14 رنز بننے کے بعد سرفراز نے تبدیلی کی ہے اور ٹورنامنٹ میں اب تک دس وکٹیں لینے والے حسن علی کو بلایا ہے۔

4. 18 جون 2017انڈیا: 3-47, یوراج سنگھ 18، مہندر دھونی 1

   محمد عامر نے اپنے پہلے سپیل کا آخری اوور میڈن کروایا ہے۔ اس سپیل میں انھوں نے چھ اوورز میں 16 رنز کے عوض تین اہم وکٹیں لیں اور روہت شرما، وراٹ کوہلی اور شیکھر دھون کو پویلین میں بھیجا۔

5. 18 جون 2017بریکنگ, حفیظ کے ایک اوور میں یوراج کے تین چوکے, انڈیا: 3-47

   پاکستانی کپتان سرفراز احمد کا حفیظ کو بولنگ کے لیے لانے کا فیصلہ مہنگا پڑا ہے اور یوراج سنگھ نے ان کے پہلے ہی اوور میں تین چوکے لگا کر دباؤ کم کر دیا ہے۔ یہ اننگز کا 10واں اوور تھا اور اس میں 14 رنز بنے

6. 18 جون 2017بریکنگ, عامر نے شیکھر دھون کی اننگز بھی تمام کر دی

   محمد عامر نے اپنے پانچویں اوور میں پاکستان کو شیکھر دھون کی قیمتی وکٹ دلوا دی ہے۔ دھون اس ٹورنامنٹ میں سب سے زیادہ رنز بنانے والے بلے باز ہیں

7. 18 جون 2017دھون ٹیم کو دباؤ سے نکالنے کی کوشش میں, انڈیا: 2-31

   انڈیا کے شیکھر دھون اپنی ٹیم کو دباؤ سے نکالنے کے لیے کوشاں ہیں اور انھوں نے جنید خان کے چوتھے اور اننگز کے آٹھویں اوور میں بھی دو چوکے لگائے ہیں

8. 18 جون 2017دس کے دس ٹرینڈ کرکٹ سے متعلق

   اس میچ کی مقبولیت کا اندازہ اس بات سے لگایا جا سکتا ہے کہ اس وقت پاکستان میں ٹوئٹر پر دس کے دس ٹاپ ٹرینڈ پاکستان اور انڈیا سے کھیلے جانے والے فائنل سے متعلق ہیں

9. 18 جون 2017انڈیا 2-22, شیکھر دھون 11، یوراج سنگھ 5

   محمد عامر کے چوتھے اوور میں صرف ایک رن ہی بن سکا اور گذشتہ دو اوورز میں لگنے والے تین چوکوں کا اثر زائل ہوتا دکھائی دے رہا ہے

10. 18 جون 2017انڈیا: 2-21, شکھر دھون 11، یوراج سنگھ 5

    آئی سی سی چیمپیئنز ٹرافی کے فائنل میں چھ اوورز کا کھیل مکمل ہو چکا ہے اور پاکستانی فاسٹ بولر انڈین بلے بازوں کو باندھ کر رکھے ہوئے ہیں۔

11. 18 جون 2017’کوہلی دو گیندوں میں دو بار آؤٹ, سری لنکا کے کھلاڑی تھریمانے کا محمد عامر کو خراجِ تحسین

12. 18 جون 2017انڈیا: 2-16, شکھر دھون 10 ، یوراج سنگھ 1

    شکھر دھون نے محمد عامر کے تیسرے اوور میں دو چوکے لگا کر دباؤ کم کرنے کی کوشش کی ہے۔

13. 18 جون 2017جنوبی افریقہ کے سابق کپتان گریم سمتھ بھی اس میچ سے لطف اندوز ہو رہے ہیں

14. 18 جون 2017انڈیا: 2-7, شکھر دھون 1، یوراج سنگھ 1

    جنید خان کا پہلا میڈن اوور۔ انڈیا کے بلے باز دو وکٹیں گرنے کے بعد دباؤ کا شکار نظر آ رہے ہیں اور محتاط انداز میں کھیل رہے ہیں

15. 18 جون 2017انڈیا: 2-7, شکھر دھون 1، یوراج سنگھ 1

    انڈین اننگز کے تین اوور مکمل ہو چکے ہیں اور سکور بورڈ پر مجموعہ ابھی دوہرے ہندسوں تک نہیں پہنچا ہے۔

16. 18 جون 2017بریکنگ, کوہلی اگلی ہی گیند پر آؤٹ

    محمد عامر نے اپنی اگلی ہی گیند پر کوہلی کو شاداب خان کے ہاتھوں کیچ کروا دیا ہے۔

17. 18 جون 2017بریکنگ, کوہلی کا کیچ ڈراپ

    محمد عامر کے دوسرے اوور میں اظہر علی نے وراٹ کوہلی کا ایک آسان کیچ گرا دیا ہے۔

18. 18 جون 2017جنید بمقابلہ کوہلی

    جنید خان اب تک ایک روزہ میچوں میں وراٹ کوہلی کو تین مرتبہ آؤٹ کر چکے ہیں اور ان دونوں کے درمیان دلچسپ مقابلے کی امید کی جا رہی ہے

19. 18 جون 2017انڈیا:1-4, وراٹ کوہلی 2، شکھر دھون 1

    دوسرے اینڈ سے جنید خان نے گیند سنبھالی ہے جبکہ ان کا سامنا اس ٹورنامنٹ میں ایک سنچری اور دو نصف سنچریاں بنانے والے شکھر دھون کر رہے ہیں۔ اس اوور میں بھی صرف دو رنز بنے ہیں۔

20. 18 جون 2017انڈیا: 1-2

    محمد عامر نے پہلے ہی اوور میں وکٹ لے کر ٹیم کے حوصلے بلند کر دیے ہیں۔ روہت شرما کی جگہ کپتان وراٹ کوہلی میدان میں آئے ہیں۔