بریکنگ, انگلینڈ 2-125
انگلش بلے باز جو روٹ نصف سنچری کی جانب بڑھ رہے ہیں اور 27ویں اوور کے اختتام پر ٹیم کا مجموعی سکور دو وکٹوں کے نقصان پر 127 رنز ہے
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
پاکستان اور انگلینڈ کا سیمی فائنل: کب کیا ہوا
کارڈف کے میدان پر آئی سی سی چیمپیئنز ٹرافی کے پہلے سیمی فائنل میں پاکستان انگلینڈ کو آٹھ وکٹوں سے شکست دے کر فائنل میں پہنچ گیا ہے۔
لائیو کوریج
بریکنگ, مورگن کا کامیاب ریویو
اننگز کے 26ویں اوور میں اوئن مورگن نے کاٹ بی ہائینڈ آؤٹ دیے جانے کے بعد ریویو لیا جس پر انھیں ناٹ آؤٹ قرار دیا گیا ہے
انگلینڈ 2-118
انگلینڈ نے 25 اوورز میں 118 رنز بنا لیے ہیں اور اس دوران گیند صرف دس مرتبہ ہی باؤنڈری کے پار گئی ہے
بریکنگ, پاکستانی سپنرز کی عمدہ کارکردگی
انگلش اننگز کے 24 اوورز میں سے 12 پاکستانی سپنرز نے کیے ہیں جن میں مجموعی طور پر 48 رنز بنے ہیں۔ ایک سیدھی وکٹ پر یہ اچھی کارکردگی کہی جا سکتی ہے۔
انگلینڈ 2-111
24 اوور کا کھیل ہو چکا ہے اور شاداب خان کو ایک بار پھر گیند دی گئی ہے۔ اب تک انھوں نے چار اوورز میں 19 رنز دیے ہیں تاہم انھیں کوئی وکٹ نہیں مل سکی ہے۔
انگلینڈ 2-108
23 ویں اوور میں حسن علی کی گیند پر اوئن مورگن خوش قسمت رہے کہ گیند وکٹ کیپر سرفراز احمد کی پہنچ سے دور تھی۔ نتیجہ چوکے کی شکل میں نکلا اور انگلینڈ کا سکور 108 تک پہنچ گیا ہے۔
بریکنگ, انگلینڈ کے سو رنز مکمل
انگلینڈ نے 22 اوورز میں دو وکٹوں کے نقصان پر سو رنز مکمل کر لیے ہیں اور کریز پر مورگن اور روٹ موجود ہیں۔
انگلینڈ 2-96
حسن علی اس میچ میں بھی وہی عمدہ کارکردگی دکھا رہے ہیں جس کا مظاہرہ وہ اس ٹورنامنٹ میں کرتے آئے ہیں۔ اننگز کے 21ویں اور اپنے کوٹے کے تیسرے اوور میں انھوں نے صرف تین رنز دیے ہیں۔
انگلینڈ 2-93
20 اوورز کا کھیل مکمل ہو چکا ہے اور انگلینڈ کے رنز بنانے کی رفتار میں کمی آئی ہے۔ محمد حفیظ نپی تلی گیند بازی کر رہے ہیں اور اس اوور میں بھی انھوں نے چار رنز ہی دیے۔
انگلینڈ 2-89
دو وکٹیں گرنے کے بعد جو روٹ اور کپتان اوئن مورگن محتاط ہو گئے ہیں اور 19ویں اوور میں بھی سکور میں پانچ رنز کا اضافہ ہی ہوا ہے
انگلینڈ 2-84
انگلش اننگز کا 18واں اوور محمد حفیظ نے کیا اور اس میں صرف تین رنز بنے
گیند رک کر آ رہی ہے
مضمون کی تفصیل - مصنف, فراز ہاشمی، بی بی سی اردو ڈاٹ کام، کارڈف
چیمپیئنز ٹرافی کا پہلا سیمی فائنل اس پچ پر کھیلا جا رہا ہے جس پر دو دن قبل پاکستان نے سری لنکا کو شکست دی تھی۔
ابتدائی اوورز میں ایک دو گیندیں نیچی رہیں اور گیند بلے پر نہیں آ رہی تھی جس سے بلے بازوں کو شاٹس کھیلنے میں معمولی سی دشواری پیش آ رہی تھی۔
مبصرین کے مطابق یہ پچ تین سو سے زیادہ رنز کی نہیں کیونکہ گیند تھوڑی رک کے آ رہی ہے۔
پاکستان نے اس میچ میں دوسری اننگز کھیلنی ہے اور دوسری اننگز میں انھیں زیادہ مشکل درپیش آ سکتی ہے۔
انگلینڈ 2-81
حسن علی نے اس میچ میں اپنے پہلے اوور میں صرف ایک رن دیا اور پاکستان کو دوسری وکٹ لے کر دی۔ 17 اوور کے اختتام پر انگلینڈ کا سکور دو وکٹوں کے نقصان پر 81 رنز ہے
بریکنگ, حسن علی نے دوسری کامیابی دلوا دی
سرفراز احمد نے روٹ اور بیرسٹو کی شراکت توڑنے کی کوشش میں بولنگ کے لیے ٹورنامنٹ میں اب تک بہترین کارکردگی دکھانے والے بولر حسن علی کا انتخاب کیا جنھوں نے تیسری ہی گیند پر جونی بیرسٹو کو کیچ آؤٹ کروا دیا
انگلینڈ 1-80
شاداب خان کے تیسرے اور اننگز کے 16ویں اوور میں جونی بیرسٹو کا ایک مشکل کیچ گرا دیا گیا۔
انگلینڈ 1-77
انگلش اننگز میں 15 اوورز کا کھیل مکمل ہوگیا ہے اور انگلینڈ نے ایک وکٹ کے نقصان پر 77 رنز بنائے ہیں۔
پاکستان کو پارٹنر شپ توڑنے کی ضرورت
پاکستانی کپتان اب دونوں اینڈز سے سپن بولرز استعمال کر رہے ہیں تاہم روٹ اور بیرسٹو کی شراکت توڑنے کے لیے ان کی کوششیں بارآور ثابت ہوتی دکھائی نہیں دے رہیں۔
انگلینڈ 1-73
انگلش اوپنر جونی بیرسٹو خطرناک موڈ میں دکھائی دیتے ہیں جس کا ثبوت ان کے چار چوکوں کی مدد سے بنائے گئے 39 رنز ہیں۔ 14 اوورز کے اختتام پر انگلینڈ کا سکور73 رنز ہے۔
انگلینڈ 1-65
جو روٹ کے چوکے کی بدولت انگلینڈ نے اننگز کے 12ویں اوور میں سات رنز بنائے ہیں اور مجموعی سکور 65 تک پہنچ گیا ہے
گیند شاداب خان کے ہاتھ میں
12ویں اوور میں پاکستانی کپتان نے گیند نوجوان لیگ سپنر شاداب خان کو دی ہے جن کی پہلی ہی گیند بیرسٹو سمجھ نہیں پائے اور ایک اونچ شاٹ کھیل بیٹھے تاہم گیند ایسی جگہ گری جہاں کوئی فیلڈر موجود نہ تھا