آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دنیا میں کورونا وائرس کے مریضوں کی تعداد 9 لاکھ سے اور ہلاکتیں 45 ہزار سے زیادہ ہو چکی ہیں۔ صرف امریکہ میں مریضوں کی تعداد 2 لاکھ سے زیادہ ہے۔ یورپ میں 30 ہزار سے زیادہ اموات ہو چکی ہیں۔ غیر یقینی صورتحال کے پیشِ نظر سعودی عرب نے مسلمانوں پر زور دیا ہے کہ وہ بکنگ کروانے سے پہلے مزید انتظار کریں۔ اس کے علاوہ برطانیہ میں ٹینس کا ٹورنامنٹ ومبلڈن بھی کینسل ہو گیا ہے۔
انڈیا میں حکومت نے ایک روزہ جنتا کرفیو کے بعد اتوار کی شام کو دارالحکومت نئی دہلی سمیت ملک کی 22 ریاستوں کے 75 اضلاع میں 31 مارچ تک لاک ڈاؤن کا اعلان کر دیا ہے۔
آئی سی ایم آر اور وزارت صحت کی مشترکہ پریس کانفرنس میں بتایا گیا کہ یہ وہ اضلاع ہیں جہاں کورونا وائرس کے انفیکشن کے کیس رپورٹ ہوئے ہیں۔
واٹس ایپ پر کورونا وائرس سے متعلق بہت سارا مواد شیئر کیا جارہا ہے جس میں بہت کچھ سچ نہیں ہے۔ خاص طور پر ایک پوسٹ جس میں کچھ معلومات صحیح اور کچھ غلط ہیں۔
واٹس ایپ پر ایک وائس نوٹ شیئر کیا جا رہا ہے جسے گزشتہ چند گھنٹوں میں متعدد افراد نے بی بی سی کو بھیجا ہے۔ یہ کہنا مشکل ہے کہ کتنے لوگ اسے سن چکے ہیں لیکن یہ کہنا غلط نہیں ہوگا کہ یہ وائس نوٹ وائرل وہ چکا ہے۔
اس میں جس خاتون کی آواز سنائی دے رہی ہے ان کا کہنا ہے کہ ان کے ساتھ کام کرنے والے ایک شخص کا دوست سپین کے گرین کینیریا آئی لینڈ کے ایک ہسپتال میں کام کرتا ہے۔ اس نوٹ میں متعدد نسخے بتائے گئے ہیں جن میں چند فائدہ مند ہیں، مثال کے طور پر زیادہ مقدار میں گرم ڈرنکس پینا اور سطحوں کو دھونا۔ صفائی رکھنا اور جسم میں پانی کی مقدار بنائے رکھنا، بے شک ایک اچھا مشورہ ہے۔
لیکن اس کے ساتھ ہی اس وائس نوٹ میں چند غلط مشورے بھی دیے جا رہے ہیں۔ اس میں کہا گیا ہے کہ کورونا وائرس سورج کی گرم شعاعوں اور ہر بیس منٹ بعد گرم مشروب پینے سے مر جاتا ہے۔ ان دعووں کے کوئی سائنسی شواہد موجود نہیں ہیں۔
شمالی آئرلینڈ میں کورونا وائرس سے دوسری ہلاکت کی تصدیق کر دی گئی ہے۔ ملک میں اب تک وائرس کے 108 کیسز کی تصدیق ہوئی ہے۔
انڈیا میں وفاقی محکمہ صحت نے بتایا ہے کہ انڈیا میں کورونا وائرس سے ہلاک ہونے والوں کی تعداد بڑھ کر سات ہو گئی ہے۔
اس کے علاوہ متاژرین کی تعداد بڑھ کر 360 ہو گئی ہیں۔
سکاٹ لینڈ میں تین مزید افراد کورونا وائرس سے متاثر ہونے کے بعد ہلاک ہو گئے ہیں۔ سکاٹ لینڈ کے سرکاری اعداد و شمار کے مطابق وہاں مرنے والوں کی تعداد دس ہو چکی ہے۔
سکاٹ لینڈ میں کورو وائرس کے متاثرین کی تعداد 416 تک پہنچ گئی ہے۔ صرف سنیچر کے روز متاثرین میں 43 معاملوں کا اضافہ ہوا۔
سکاٹ لینڈ کی فرسٹ منسٹر نکولا سٹرجن نے کہا کہ موجودہ صورت حال میں زندگی معمول پر نہیں معلوم ہونی چاہیے۔ اور اگر کسی کو اپنی زندگی معمول پر محسوس ہو رہی ہے تو انہیں ترز زندگی میں ضروری تبدیلیاں شامل کرنے پر غور کرنا چاہیے۔
انھوں نے ریستورانوں اور مے خانوں کو بند کرنے کا حکم دیا اور کہا کہ آنے والے دنوں میں لائسینس یافتہ دکانوں کو بند کرنے کے لیے حکومتی طاقت کا استعمال بھی کیا جا سکتا ہے۔
اتر پردیش کے وزیر اعلیٰ یوگی آدتیہ ناتھ نے ریاست کے پندرہ اضلاع میں لاک ڈاوٴن ک اعلان کیا ہے۔ یہ لاک ڈاوٴن 25 مارچ تک جاری رہے گا۔
یوپی کے یہ اضلاع ہیں لکھنوٴ، بنارس، گورکھپور، کانپور، میرٹھ، بریلی، آگرا، پریاگ راج، غازی آباد، نوئڈا، علی گڑھ، سہارن پور، لکھیم پور، عاظم گڑھ اور مراد آباد۔
سپین کے دارالحکومت میڈرڈ میں ایک کانفرنس سینٹر میں عارضی پسپتال قائم کیا گیا ہے۔ میڈرڈ ان شپروں میں شامل ہے جہاں کیسز کی تعداد زیادہ ہے۔
اس عارضی ہسپتال میں 5500 بستر لگائے جائیں گے اور یہ یورپ میں اپنے طرز کی سب سے بڑآ ہسپتال ہوگا۔ اس کے ڈارئریکٹر اینتونیوں ذاپاٹیرو نے اخبار ایل مونڈو نیوز کو بتایا کہ وہاں ابتدائی طور پر 300 مریضوں کو منتقل کیا جا رہا ہے۔ سپین میں اب تک اس وائرس سے 1700 سےہ زیادہ اموات ہو چکی ہیں۔ ملک میں 28572 کیسز کی تصدیق ہو چکی ہے۔ سپین میں اس وقت لاک ڈاؤن میں ہے۔
سخت اقدامات کے باوجود سنیچر کو وزیراعظم پیڈرو سنچیز نے خبردار کیا ہے کہ ابھی حالات مزید خراب ہوں گے اور اس کا موازنہ انھوں نے 1930 کی دہائی میں سپین میں ہونے والی خانہ جنگی کے اثرات سے کیا۔ سپین میں صحت کے نظام کی مدد کے لیے 14 ہزار ریٹائرڈ ڈاکٹروں اور ارسوں کو واپس بلایا گیا ہے۔
انڈیا میں عوام کے خود ساختہ کرفیو کو کامیاب بنانے کے لیے وزیر اعظم نریندر مودی نے ملک کی عوام کا شکریہ ادا کیا۔ کورونا وائرس کے پھیلاوٴ کو روکنے کے لیے دن رات محنت کرنے والے ہیلتھ ورکرز، مزدوروں اور صحافیوں کا شکریہ ادا کرنے کے لیے ملک بھر میں عام لوگ اور سیاسی رہنما بھی گھروں کی چھتوں پر نظر آئے۔
نریندر مودی نے ایک ٹوئیٹ کر کے سبھی کا شکریہ ادا کیا۔
وزیر اعظم مودی نے یہ بھی کہا کہ یہ ایک طویل جنگ کا آغاز ہے۔ سبھی کو طویل جنگ کے لیے صبر کے ساتھ تیار رہنا چاہیے اور خود کو سوشل ڈسٹینسنگ کے ساتھ باندھ لینا چاہیے۔
کورونا وائرس کے خطرے کے مد نظر دلی میں پیر صبح چھ بجے سے لاک ڈاوٴن کا اعلان کر دیا گیا ہے۔
وزیرا علیٰ اروند کیجریوال نے بتایا کہ لاک ڈاوٴن 31 مارچ رات بارہ بجے تک جاری رہے گا۔ اس لاک ڈاوٴن کے دوران دلی میں پبلک ٹرانسپورٹ بند رہے گی اور سرحد سیل کر دی جائے گی۔
انہوں نے یہ بھی اعلان کیا کہ صحت، خوراک، پانی اور بجلی کی فراہمی جاری رہے گی۔
اروند کیجریوال نے بتایا کہ ’ڈیری کی اشیاء کی دکانیں، ادویات کی دکانیں، پیٹرول پمپ کھلے رہیں گے اور بے حد ضروری کام کے لیے باہر نکلنے والوں کو آنے جانے کی چھوٹ ہوگی۔’
اروند کیجریوال نے کہا کہ ’ہم جانتے ہیں کہ لوگوں کو اس سے تکلیف ہوگی، لیکن کورونا وائرس کے پھیلاوٴ کو روکنے کے لیے لاک ڈاوٴن ایک ضروری قدم ہے۔’
دلی میں کورونا وائرس کے اب تک چھ معاملے سامنے آ چکے ہیں۔
ایران کے رہبر اعلیٰ آیت اللہ خامنہ ای نے اتوار کو امریکی امداد کی پیشکش کو مسترد کرتے ہوئے کہا ہے کہ کورونا وائرس امریکہ کا پیدا کردہ مسئلہ ہو سکتا ہے۔
ٹی وی پر اپنے خطاب میں ایرانی رہنما کا کہنا تھا کہ امریکہ نے متعدد بار کورونا وائرس کے خلاف تعاون کی پیشکش کی ہے، جس کے بارے میں یہ شبہ ہے کہ یہ امریکہ کا ہی پیدا کردہ ہے، امریکی پیشکش اس وجہ سے بھی عجیب ہے کہ وہ خود کورونا کے خلاف طبی سہولیات کے فقدان کا سامنا کر رہا ہے۔
آسٹریلیا کے دو بڑے شہروں سڈنی اور میلبرن میں آنے والے 48 گھنٹوں میں تمام غیر ضروری کاروبار بند ہونے جا رہے ہیں۔
ملک میں کورونا وائرس کے مریضوں میں اضافہ ہوا ہے۔
ریاستی حکومتوں کے اعلان کے بعد ملکی دارالحکومت کینبرا کے علاوہ سڈنی اور میلبرن میں تمام کیفے، پب اور ریستوران بند ہو جائیں گے۔
وزیر اعظم سکاٹ موریسن نے کہا ہے کہ وبا روکنے کے لیے مکمل لاک ڈاؤن کی ضرورت پڑ سکتی ہے۔
گذشتہ ہفتوں کے دوران کیسز میں اضافہ ہوا ہے اور کل تعداد 1315 ہوگئی ہے۔
ریاست نیو ساؤتھ ویلز، جہاں سڈنی واقع ہے، میں سب سے زیادہ 533 تصدیق شدہ کیسز ہیں۔
وکٹوریا، جہاں میلبرن واقع ہے، میں 296 کیسز ہیں۔ کوئنزلینڈ میں 259 کیسز ہیں۔
تمام کاروبار بند رکھے جائیں گے جبکہ سپر مارکیٹس، پٹرول سٹیشن، دوا خانے اور ہوم ڈیلیوری سروس کھلی رہے گی۔
نیو ساؤتھ ویلز میں سکول کھلے ہیں جبکہ وکٹوریا میں سکول منگل سے بند ہو جائیں گے۔
انڈیا کے وزیر اعظم نریندر مودی کی جانب سے اعلان کے بعد ملک بھر میں 14 گھنٹے کا ’جنتا کرفیو‘ نافذ کیا گیا ہے۔
یہ اقدام کورونا وائرس کے خدشے کے پیش نظر اٹھایا گیا۔ مقامی میڈیا کے مطابق اعلان کے بعد ملک بھر میں نقل و حمل محدود جبکہ ٹرینیں بند ہیں۔
کرفیو سے پہلے سے چلنے والی گاڑیوں کو نہیں روکا جائے گا۔
تصاویر میں دیکھا جا سکتا ہے کہ سڑکیں سنسان ہیں اور لوگ گھروں میں موجود ہیں۔
دلی میں صرف وہ دکانیں کھلی ہیں جن سے ضروری سامان اور ادویات خریدی جا سکتی ہیں۔
انڈیا کے زیر انتظام کشمیر کے شہر سرینگر میں بھی لاک ڈاؤن کا منظر دیکھا جاسکتا ہے۔
نریندر مودی نے قوم سے کہا ہے کہ وہ اتوار کی شب اپنے گھروں کی بالکونی پر آکر ڈاکٹروں، نرسوں اور صفائی کرنے والے عملے کے لیے تالیاں بجائیں۔
انڈیا میں اب تک 315 سے زیادہ کیسز کی تصدیق ہوئی ہے۔
ملک کے کچھ علاقوں میں کاروبار بند رکھے گئے ہیں جبکہ انڈیا نے برطانیہ اور یورپی ممالک سے آنے والے مسافروں پر سرحدی پابندی عائد کی ہے۔
دوسرے ممالک سے آنے والے کئی لوگوں کے ویزا منسوخ کر دیے گئے ہیں۔ تاج محل سمیت کئی سیاحتی مقامات بھی بند ہیں۔
بنگلہ دیش محکمہ تعلیم کی جانب سے سرکاری ٹیلی ویژن چینل کے ذریعے بہترین اساتذہ کے ریکارڈ کیے گئے لیکچرز نشر کرے گا تاکہ سکول بند ہونے کے باعث طلبا کی تعلیم کا حرج نہ ہو۔
خیال رہے کہ ملک میں کورونا وائرس کے پھیلاؤ کے خدشے کے باعث سکول اور کالج 31 مارچ تک بند کر دیے گئے تھے۔ پرائمری تعلیم کا محکمہ بھی اس حوالے سے اقدامات اٹھانے پر غور کر رہا ہے اور آج ہی اس حوالے سے کوئی فیصلہ متوقع ہے۔
سکول اور کالجز کی بندش کے باعث ملک میں تقریباً چار کروڑ طلبا گھروں تک محدود ہو کر رہ گئے ہیں جن میں سے ایک کروڑ 75 لاکھ یہ کلاسز صبح نو بجے سے رات نو بجے کے درمیان ایک مضمون پر کم از کم 35 کلاسز نشر کی جائیں گی۔
خیال رہے کہ کورونا وائرس کے باعث بنگلہ دیش میں اب تک 25 کیسز سامنے آئے ہیں جبکہ اب تک دو افراد ہلاک ہو چکے ہیں۔
کورونا وائرس کی عالمی وبا سے اب تک دنیا بھر میں 13,049 افراد ہلاک ہو چکے ہیں جبکہ 307,278 افراد میں اس کووڈ 19 کی تشخیص ہوئی ہے۔
اب تک دنیا کے 171 ممالک کو اس وائرس نے متاثر کیا ہے اور اب تک برِاعظم یورپ میں اس کے باعث سب سے زیادہ اموات ہوئی ہیں۔
اٹلی میں اب تک اس وائرس سے ہونے والی اموات کی تعداد 4825 ہو چکی ہے اور کل اٹلی میں دنیا بھر میں ایک دن میں اب تک کی ریکارڈ 793 اموات ہوئیں۔
اگرچہ یہ وائرس چین کے صوبہ ہوبائی کے شہر ووہان سے شروع ہوا تھا لیکن اس کے نتیجے میں ہونے والی اموات میں اٹلی سرِفہرست ہے۔
سپین میں اب تک کورونا وائرس کے 25,496 مریض سامنے آ چکے ہیں جبکہ اس سے ہونے والی اموات کی کل تعداد 1381 ہے جبکہ فرانس میں کل 112 اموات ہوئیں جس سے ملک میں کل اموات 562 ہو گئی ہیں۔
اٹلی اور چین کے بعد اس وائرس نے ایران کو سب سے زیادہ متاثر کیا جہاں اب تک 1556 افراد ہلاک ہو چکے ہیں۔
برطانیہ میں معمولات زندگی تقریباً ٹھپ ہو کر رہ گئے ہیں، جس سے کاروبار اور ملازمین کی بڑی تعداد متاثر ہو رہی ہے۔ کئی شعبوں میں ملازمین کو فارغ کیا جا رہا ہے اور ان کمپنیوں نے خبردار کیا ہے کہ مزید ملازمین کو بھی نوکریوں سے ہاتھ دھونے پڑ سکتے ہیں۔
28 برس کی ہولی آئر کا کہنا ہے کہ وہ بالکل ناراض نہیں ہیں اور نہ ہی وہ اس کے لیے کسی کو مورد الزام ٹھہراتی ہیں۔
وہ نیو کیسل میں آٹھ سال رہنے کے بعد اپنی پسندیدہ بار اور ریسٹورنٹ کے منیجر کی ملازمت ختم ہونے کے بعد اپنے والدین کے ساتھ لیڈز دوبارہ لوٹ آئی ہیں۔ ہولی آئر کی ماہانہ تنخواہ 30 ہزار پاؤنڈ بنتی تھی۔
ہولی آئر کا کہنا ہے کہ وائرس کی وجہ سے ریسٹورنٹ کا آدھا عملہ برطرف کر دیا گیا ہے۔ ان کا کہنا ہے کہ جب سفری پابندیوں سے متعلق اعلان کیا گیا تو انھیں صارفین کی طرف سے بکنگ منسوخی کی کالز آنا شروع ہو گئیں۔
ہولی آئر جنھوں نے انگلش زبان میں ماسٹرز کر رکھا ہے اب اپنا شعبہ تبدیل کرنا چاہتی ہیں۔ ان کا خیال میں آئندہ چند ماہ میں ہوٹل کا شعبہ مزید زبوں حالی کا شکار ہو گا۔
آسٹریلیا کے وزیر اعظم سکاٹ مورسن نے خبردار کیا ہے کہ کورونا وائرس کی وبا کی روک تھام کے لیے ملک میں لاک ڈاؤن کیا جا سکتا ہے۔
ان اقدامات کا اعلان اس وقت سامنے آیا جب سماجی دوری کے اصولوں کو بالائے طاق رکھتے ہوئے لوگوں کی بڑی تعداد سنیچر کو سڈنی کے ساحل سمندر پر مختلف جگہوں پر جمع ہوئی۔
آسٹریلیا کے وزیر اعظم کا کہنا تھا کہ ساحل سمندر پر اس قدر زیادہ لوگوں کا جمع ہونا آنکھیں کھول دینے کے لیے کافی ہے کہ اب اس وائرس سے بچاؤ جیسے اقدامات پر سنجیدگی سے غور کیا جائے۔
اس بحران کے دور میں ملک کی معیشیت کو سہارا دینے کے لیے انھوں نے مالی پیکج کا بھی اعلان کیا ہے۔ آسٹریلیا میں کورونا وائرس کے متاثرین کی تعداد ایک ہزار سے بڑھ گئی ہے جبکہ اس وائرس سے سات افراد ہلاک ہو گئے۔
انڈیا کے وزیرِ اعظم نریندر مودی کی جانب سے کورونا وائرس سے نمٹنے کے لیے جنتا کرفیو کے نفاذ کے بعد کلکتہ کی سڑکیں اور عام طور پر مصروف مقامات اتوار کے روز خالی دکھائی دیے۔
14 گھنٹے طویل اس ’جنتا کرفیو‘ کے دوران عوام سے سماجی دوری اختیار کرنے کا کہا گیا ہے تاکہ وائرس کے پھیلاؤ کو روکا جا سکے۔
اس کا نفاذ آج صبح سات بجے سے رات نو بجے تک ہو گا۔ عام طور پر مصروف مقامات جیسے دلہاؤس، ایسپلیناڈ، ایئرپورٹ اور ریلوے سٹیشن سب ہی سنسان دکھائی دیے۔
تاہم جن افراد کے ذمے ضروری سروسز فراہم کرنا ہے وہ ضرور باہر نظر آئے۔ مشرقی اور جنوب مشرقی ریلوے نے دو زونز سے آنے والی تمام ٹرینیں معطل کرنے کا اعلان کیا ہے جس کا اطلاق اتوار کی صبح چار بجے سے رات دس بجے تک ہو گا۔
تاہم چند مقامی ٹرینیں ضرور چلتی رہیں گی۔ ریاست میں اب تک کے مصدقہ کیسز کی تعداد چار ہو چکی اور ریاستی حکومت پہلے ہی مصروف مقامات، ریستوارنوں، شراب خانوں، پارکس، میوزیمز اور چڑیا گھروں کو بند کرنے کا حکم دے چکی ہے۔