عمران خان کا چیف جسٹس سے ’جوڈیشل کمپلیکس میں قتل کی سازش‘ پر تحقیقات کرانے کا مطالبہ

لائیو کوریج

1. 15 مار چ 2023بریکنگ, مجھے نہیں پتا جیل میں کیا ہو گا مگر میں تیار ہوں: عمران خان

   بی بی سی اردو سے بات کرتے ہوئے عمران خان نےکہا ہے کہ وہ جیل جانے کو تیار ہیں۔ عمران خان نے کہا کہ حکومت کے موجودہ اقدامات اسٹیبلشمنٹ کی حمایت کے بغیر ممکن نہیں۔ انہوں نے موجودہ فوجی قیادت پر بھی تنقید کی اور یہ الزام لگایا ہے کہ انہیں افسوس ہے کہ وہ وعدے پورے کیے جا رہے ہیں جو موجودہ آرمی چیف کی تعیناتی کے موقع پر سابق وزیراعظم نواز شریف سے کیے گئے ۔ متعلقہ حکام نے بی بی سی سے بات کرتے ہوئے ان الزامات کو ’جھوٹ اور بے بنیاد‘ قرار دیا ہے۔

2. 15 مار چ 2023رینجرز اور پولیس کے دستے ایک بار پھر زمان پارک کے قریب پہنچ گئے, ترہب اصغر، بی بی سی اردو

   منگل کو دن بھر تحریکِ انصاف کے کارکنوں سے شدید تصادم کے بعد پیچھے ہٹ جانے والے قانون نافذ کرنے والے اداروں کے دستے ایک مرتبہ پھر رات گئے زمان پارک میں عمران خان کی رہائش گاہ کے قریب پہنچ گئے ہیں۔

   لاہور اور اسلام آباد کی پولیس کے علاوہ رینجرز کے دستے بھی زمان پارک پہنچے ہیں اور پولیس کی جانب سے وہاں موجود افراد پر شیلنگ کا سلسلہ بھی ایک بار پھر شروع ہو گیا ہے

3. 15 مار چ 2023راولپنڈی میں پی ٹی آئی کے مظاہرین پر مقدمے

4. 15 مار چ 2023بریکنگ, رینجرز اور پولیس کے دستے ایک مرتبہ پھر زمان پارک کے قریب موجود, ترہب اصغر، بی بی سی اردو

   منگل کی شام عمران خان کی رہائش گاہ پر پی ٹی آئی کے کارکنوں سے شدید تصادم کے بعد پیچھے ہٹ جانے کے چند گھنٹے بعد رات گئے رینجرز اور لاہور اور اسلام آباد کی پولیس کے دستے ایک بارپھر زمان پارک کے قریب پہنچ گئے ہیں۔

   پولیس کی جانب سے زمان پارک کے اردگرد موجود افراد پر آنسو گیس کی شیلنگ کا سلسلہ بھی ایک بار پھر شروع ہو گیا ہے۔

5. 15 مار چ 2023عمران خآن نے قانونی یقین دہانی کروا دی کہ 18 مارچ کو پیش ہوں گے: فرخ حبیب

6. 15 مار چ 2023جیل جانے کو تیار ہوں، سمجھ نہیں آ رہا کہ آرمی چیف کیوں ان کی پشت پناہی کر رہے ہیں: عمران خان

7. 15 مار چ 2023بریکنگ, عمران خان کارکنوں کو ڈھال کے طور پر استعمال کر رہے ہیں: مریم اورنگزیب

   وزیرِ اطلاعات مریم اورنگزیب کا کہنا ہے کہ جہاں حکومت کا عمران خان کی گرفتاری سے کوئی تعلق نہیں وہیں اس گرفتاری کا ملک میں الیکشن سے بھی کوئی تعلق نہیں ہے۔

   ایک بیان میں ان کا کہنا تھا کہ پولیس صرف عدالت کی جانب سے عمران خان کی گرفتاری کے احکامات پر عملدرآمد کروا رہی ہے۔

   مریم اورنگزیب نے کہا کہ عمران خان قانون شکنی کر رہے ہیں، عدالتی احکامات کی خلاف ورزی کر رہے ہیں اور اپنے کارکنوں، عورتوں اور بچوں کو گرفتاری سے بچنے کے لیے ڈھال کے طور پر استعمال کر رہے ہیں

8. 14 مار چ 2023زمان پارک کے باہر پی ٹی آئی کارکنان کی بڑی تعداد موجود، پولیس عمران خان کو گرفتار کرنے میں ناکام

   چیئرمین پاکستان تحریک انصاف (پی ٹی آئی) عمران خان کے ناقابل ضمانت وارنٹ گرفتاری جاری ہونےکے بعد اسلام آباد پولیس کی ٹیم لاہور پولیس کی بھاری نفری کے ہمراہ زمان پارک پر موجود ہے جہاں اسے پی ٹی آئی کارکنان کی جانب سے مزاحمت کا سامنا ہے۔

   اس وقت بھی پولیس اور پی ٹی آئی کارکنان پر لاہور کی کینال روڈ پر مال روڈ کے پل پر معمولی جھڑپیں جاری ہیں۔

   پارٹی کارکنان کی بڑی تعداد اس وقت زمان پارک میں عمران خان کی رہائش گاہ کے باہر موجود ہے جبکہ پولیس کچھ دیر کے لیے پیچھی ہٹی ہے۔

   پولیس کو کارکنان کی جانب سے شدید مزاحمت کا سامنا ہے۔ اس کے علاوہ راولپنڈی سمیت ملک کے مختلف شہروں میں بھی پی ٹی آئی کارکنوں کی جانب سے احتجاج کیا جا رہا ہے۔

   واضح رہے کہ لاہور کا زمان پارک منگل کی دوپہر سے پولیس اور پی ٹی آئی کارکنان کے درمیان میدان جنگ بنا رہا۔

9. 14 مار چ 2023رانا ثنااللہ کے بیانات کھلی قتل کی دھمکیاں ہیں: فواد چوہدری

   پاکستان تحریکِ انصاف کے رہنما فواد چوہدری کا کہنا ہے کہ عمران خان عدالت میں پیش ہوں گے تاہم وزی داخلہ رانا ثنااللہ کے بیانات میں انھیں دھمکی نظر آ رہی ہیں۔

   ایک ٹویٹ میں ان کا کہنا تھا کہ اس وقت عمران خان کی گرفتاری کا مطلب ’خود کو قاتلوں کے حوالے کرنا ہے۔‘

10. 14 مار چ 2023زمان پارک میں بجلی اور انٹرنیٹ کی سہولت معطل، صورتحال تاحال کشیدہ

    لاہور کے علاقے زمان پارک میں آج دوپہر سے پولیس پاکستان تحریک انصاف کے چیئرمین عمران خان کو گرفتار کرنے کی کوشش کر رہی ہے۔

    پارٹی کارکنان اور پولیس اہلکاروں کے درمیان جھڑپوں کے بعد اس وقت علاقے کا گھیراؤ کیا گیا ہے اور وہاں بجلی اور انٹرنیٹ سروس معطل کی گئی ہے۔ تاکہ مزید کارکنوں کی رسائی کو روکا جا سکا۔

    پارٹی کے مزید کارکن زمان پارک جانے کی کوشش کر رہے ہیں۔ تاہم پولیس مزید لوگوں کو علاقے تک جانے سے روکنے کی کوشش کر رہی ہے۔

    وہاں موجود بی بی سی کی نامہ نگار ترہب اصغر کے مطابق دوپہر کے بعد سے کارکنان کو روکنے کے لیے آنسو گیس کی شدید شیلنگ کی جا رہی ہے۔ پولیس نے واٹر کینن کا بھی استعمال کیا۔ آج شام ایک موقعے پر پولیس عمران خان کے گھر کے گیٹ تک پہنچ گئی تھی تاہم اندر سے کارکنوں کی جانب سے شدید مزاحمت کی گئی اور پولیس پر پتھراؤ کیا گیا۔

    پولیس کا کہنا ہے کہ اسلام آباد پولیس کے چند اہلکار پتھراؤ سے زخمی ہوئے ہیں۔

    پولیس مظاہرین کی جانب سے پتھراؤ کے بعد پیچھے ہٹ جاتی ہے تاہم پولیس نے متعدد بار اندر جانے کی کوثشش کی جسے کارکنوں نے ناکام بنایا۔ زمان پارک میں اسلام آباد پولیس کی مدد کے لیے پنجاب پولیس اور رینجرز اہلکار بھی موجود ہیں۔

    زمان پارک اور اس کے قریبی علاقوں میں صورتحال اس وقت بھی کشیدہ ہے۔

    پاکستان کے دیگر شہروں میں بھی عمران حان کی ممکنہ گرفتاری کے خلاف پی ٹی آئی کے کارکنوں کی جانب سے احتجاج کا سلسلہ شروع ہو گیا۔

11. 14 مار چ 2023عمران خان نے گرفتاری سے بچنے کی بھر پور کوشش کی، ہر جگہ انھیں ریلیف ملتا رہا: شہباز شریف۔

    پاکستان کے وزیراعظم شہباز شریف کا کہنا ہے کہ عمران خان نے اب تک اپنی گرفتاری سے بچنے کی بھر پور کوشش کی ہے۔

    ان کا جیو نیوز کے پروگرام میں بات کرتے ہوئے کہنا تھا کہ ’تاریخ میں پہلی مرتبہ، بیماری کا، لاچاری کا اور بزرگی کا نہ جانے کیا کیا سہارے ڈھونڈے۔ ہر جگہ انھیں ریلیف ملتا رہا۔‘

    شہباز شریف کا کہنا تھا کہ ’آپ تقابلی جائزہ کر سکتے ہیں۔ ہم اپوزیشن میں تھے تو رانا ثنااللہ کو گرفتار کیا تو واٹس ایپ پر جج کو ہٹا دیا گیا۔ مریم اپنے والد سے ملنے آئیں تو انھیں نیب کے حکم پر وہیں سے گرفتار کیا گیا۔ ہمیں کہا گیا کہ حکم ہے یہیں سے گرفتار کیا جائے‘۔

    شہباز شریف کا کہنا تھا کہ ’میری بیٹیوں کے گھروں کا گھیراؤ کیا گیا حالانکہ ان کا کسی کیس سے کوئی تعلق نہیں تھا۔‘

    انھوں مزید کہا کہ آج خود عمران خان تمام عدالتوں کے احکامات سے انکار کر رہے ہیں۔

12. 14 مار چ 2023بریکنگ, سات گھنٹے سے آپریشن جاری، زمان پارک کے باہر کی صورتحال پر بی بی سی اردو کا فیس بک لائیو

13. 14 مار چ 2023وزارت دفاع کی صوبہ پنجاب میں عمومی الیکشن ڈیوٹی کے لیے فوج کی خدمات فراہم کرنے سے معذرت

14. 14 مار چ 2023زمان پارک میں پی ٹی آئی کارکنوں کی مزاحمت جاری، عمران خان پولیس کی گرفت سے تاحال دور

15. 14 مار چ 2023صدر علوی عمران خان کے تحفظ اور وقار کے لیے فکرمند

16. 14 مار چ 2023جنرل باجوہ نے2018 میں وزیر اعظم بنانے کی پیش کش کی تھی، جو ٹھکرا دی: شہباز شریف

    پاکستان کے وزیر اعظم شہباز شریف نے 2018 میں جنرل باجوہ جنرل ندیم مختار اور جنرل فیض سے اس ملاقات کا اعتراف کیا جس میں انھیں وزیر اعظم بننے کی پیش کش کی گئی تھی۔

    جیو نیوز کے پروگرام میں گفتگو کرتے ہوئے شہباز شریف نے تسلیم کیا کہ انھیں سابق آرمی چیف جنرل قمر جاوید باجوہ کی جانب سے وزیر اعظم بننے کی پیش کش کی گئی تھی۔

    اس پیش کش کا انھوں نے کیا جواب دیا اس پر شہباز شریف کا کہنا تھا کہ ’میں نے کہا نواز شریف میرے بڑے بھائی اور لیڈر ہیں۔ اختلاف رائے ہونا سیاست کا حسن ہے۔ میں انھیں اپنی رائے دیتا ہوں۔‘

    ’لیکن اگر کوئی یہ سمجھتا ہے کہ میں اپنے بھائی کو چُھرّا گھونپ کر وزیر اعظم بن جاؤں گا تو میں ایسا وزرات عظمیٰ کو دس مرتبہ قربان کرتا ہوں۔‘

    ’پاکستان کے مفاد میرے لیے اہم ہیں میں یہ آفر نہیں لے سکتا۔‘

17. 14 مار چ 2023آرمی چیف کی تعیناتی کے لیے کوئی نیا قانون نہیں بنایا: شہباز شریف

    پاکستان کے وزیر اعظم شہباز شریف کا کہنا ہے کہ ان کی جنرل عاصم منیر سے آرمی چیف تعیناتی سے پہلے کوئی باقاعدہ ملاقات نہیں رہی۔

    جیو نیوز پر حامد میر کو دیے گئے انٹرویو میں ان کا کہنا تھا کہ ’میں جنرل عاصم منیر کو پہلی بار تب ملا جب جنرل راحیل سپہ سالار تھے۔ یہ شاید اس وقت ڈی جی ایم آئی تھے۔ اس میٹنگ کے بعد ان سے کبھی ملاقات نہیں ہوئی۔ میرا ان سے ذاتی یہی تعلق ہے۔ ‘

    ان کا کہنا تھا کہ ’ہمیں بہت سے قانونی پہلو دیکھنے پڑے۔ میرا بندہ اور تیرا بندہ جیسی باتیں ہوئیں۔‘

    آرمی چیف کی تعیناتی کے معاملے پر وزیر اعظم شہباز شریف نے وضاحت دیتے ہوئے کہا ’جی ایچ کیو کو کہا تھا کہ (ممکنہ نئے آرمی چیف کے لیے) ناموں کی فہرست بھجوائیں انھوں نے کہا مناسب وقت پر بھیجیں گے۔ اس فہرست میں عاصم منیر کا نام سنیارٹی پر پہلا تھا۔ ہمیں کچھ قانونی پیش بندی کرنی پڑی۔‘

    ان کا کہنا تھا ک ٹیلی وژن پر اس حوالے سے بات کی گئی اور صحافیوں نے ٹویٹس کیے۔ انھوں بے کہا کہ آرمی چیف کی تعیناتی کے لیے ’ہم نے کوئی نیا قانون نہیں بنایا۔ کہا گیا کہ من پسند بندہ لایا گیا۔ ‘

18. 14 مار چ 2023عمران خان کے گھر کی چھت سے پتھراؤ، پانچ اہلکار زخمی: اسلام آباد پولیس

19. 14 مار چ 2023زمان پارک کے باہر کے مناظر

20. 14 مار چ 2023بریکنگ, پی ٹی آئی کارکنوں کی جانب سے پتھراؤ، پولیس عمران خان کے گھر داخل ہونے سے تاحال قاصر

    لاہور میں زمان پارک کے علاقے میں پاکستان تحریک انصاف کے چیئرمین عمران خان کی گرفتاری کے لیے پولیس کی کارروائی جاری ہے۔

    اسلام آباد سے جانے والی وفاقی پولیس کو پنجاب پولیس اور رینجرز کی مدد حاصل ہے لیکن مظاہرین کی جانب سے پتھراؤ کی وجہ سے پولیس کی پیش قدمی سست روی کا شکار ہے۔

    بی بی سی کی نامہ نگار کے مطابق بظاہر پولسی اب تک عمران خان کی رہائش گاہ کے اندر نہیں جا پائی ہے۔ اندر سے پی ٹی آئی کارکنوں کی جانب سے مسلسل پتھراؤ کیا جا رہا ہے۔

    دوسری جانب پولیں کی جانب سے بھی آنسو گیس کی شیلنگ جاری ہے۔

    یاد رہے کہ پولیس کا کہنا ہے کہ بلوہ پولیس کے پاس صرف حفاظتی ڈھالیں اور ڈنڈے ہیں تاہم ان کے پاس کوئی آتشیں اسلحہ نہیں ہے۔