سپریم کورٹ کا نیب ریفرنسز کا ریکارڈ محفوظ بنانے کا حکم، الیکشن کمشنر کی برطرفی کے لیے ریفرنس دائر

لائیو کوریج

1. 17 اکتوبر 2022شیخ رشید احمد نے لال حویلی خالی کرنے کا نوٹس چیلنج کر دیا

   سابق وزیر داخلہ شیخ رشید احمد نے سات روز میں لال حویلی خالی کرنے کا حکم عدالت میں چیلنج کر دیا ہے۔

   متروکہ وقف املاک بورڈ راولپنڈی نے اُنھیں لال حویلی خالی کرنے کا حکم دیتے ہوئے کہا تھا کہ بصورتِ دیگر ان سے یہ جگہ زبردستی خالی کروا لی جائے گی۔

   شیخ رشید احمد کے بھتیجے شیخ راشد شفیق آج ان کی جانب سے عدالت میں اپنے وکیل کے ہمراہ پیش ہوئے اور عدالت سے اس حکم کو معطل کرنے کی استدعا کی۔

   ایڈیشنل ڈسٹرکٹ اینڈ سیشن جج کی عدالت نے متروکہ وقف املاک بورڈ کو نوٹس جاری کرتے ہوئے ڈپٹی ایڈمنسٹریٹر کو منگل کو عدالت میں طلب کر لیا۔

2. 17 اکتوبر 2022اے این پی کی ثمر ہارون بلور کی پی ٹی آئی کو کامیابی پر مبارکباد

   پاکستان میں حکومت اور حزب اختلاف میں جہاں سیاسی کشیدگی عروج پر ہے وہاں حالیہ انتخابات میں ایک ایسی خاتون سیاستدان بھی سامنے آئی ہیں جنھوں نے پاکستان تحریک انصاف کو کامیابی پر مبارکباد دی ہے اور اپنی جماعت کی ٹیم ورک کو سراہا ہے۔

   یہ خاتون پشاور میں عوامی نیشنل پارٹی کی رہنما ثمر ہارون بلور ہیں جنھوں نے قومی اسمبلی کے حلقہ این اے 31 پر حاجی غلام احمد بلور کی انتحابی مہم چلائی تھی۔

   ثمر ہارون بلور نے گھر گھر جا کر اپنی جماعت کے امیدوار کے لیے ووٹ مانگے تھے اور بازاروں میں تاجروں کے پاس بھی ٹیم کے ہمراہ گئی تھیں۔

   اس حلقے کے غیر حتمی غیر سرکاری نتجے کے مطابق پی ٹی آئی کے سربراہ عمران خان کامیاب ہوئے ہیں جبکہ حاجی غلام احمد بلور دوسرے نمبر پر آئے ہیں۔

   گذشتہ روز ضمنی انتخابات کے نتائج آنے کے بعد پی ڈی ایم میں شامل جماعتوں کے رہنماؤں نے اسے ’دھاندلی اور وسائل کے ناجائز استعمال‘ کا نتیجہ قرار دیا تھا۔

   غلام احمد بلور سے منسوب ایک بیان شروع میں آیا تھا جس میں انھوں نے شکست تسلیم کی تھی لیکن بعد میں انھوں نے ایک چینل کو بیان میں کہا تھا کہ وہ یہ نتیجہ تسلیم نہیں کرتے اور یہ کہ ان کے ساتھ زیادتی ہوئی ہے۔

   عوامی نیشنل پارٹی کے سربراہ ایمل ولی خان نے بھی نتائج تسلیم نہیں کیے اور اسے ’دھاندلی‘ قرار دیا اور کہا کہ وہ عدالت میں جائیں گے۔

   ایسے وقت میں سوشل میڈیا پر ثمر ہارون بلور کے اس بیان کو سراہا گیا ہے۔

3. 17 اکتوبر 2022وزیرِ اعظم شہباز شریف آج بلوچستان کا دورہ کریں گے

   وزیر اعظم شہباز شریف آج بلوچستان کا ایک روزہ دورہ کریں گے جہاں وہ صحبت پور اور خضدار جائیں گے۔

   وزیر اعظم ہاؤس کے ایک اعلامیے کے مطابق شہباز شریف سیلاب متاثرین کے ریلیف اور بحالی کے لیے جاری کاوشوں کا جائزہ لینے کے لیے ضلع صحبت پور کا دورہ کریں گے جہاں اُنھیں امداد اور بحالی کے لیے جاری مختلف اقدامات پر بریفنگ دی جائے گی۔

   اس کے علاوہ وزیر اعظم وڈھ، ضلع خصدار میں بلوچستان نیشنل پارٹی (مینگل) کے سربراہ نواب اختر جان مینگل کی رہائش گاہ جائیں گے اور ان کے چچا کی وفات پر تعزیت کا اظہار کریں گے۔

4. 17 اکتوبر 2022بریکنگ, پنجاب اسمبلی کی تین نشستوں میں سے دو پر پی ٹی آئی کامیاب

   پنجاب اسمبلی کی تین کی نشستوں پر بھی ضمنی انتخابات ہوئے جن میں پی پی 139 شیخوپورہ، پی پی 209 خانیوال اور پی پی 241 بہاولنگر شامل ہیں۔

   پی ٹی آئی نے تین میں سے دو صوبائی نشستوں پر کامیابی حاصل کی جبکہ مسلم لیگ (ن) نے پنجاب اسمبلی کی ایک نشست جیتی۔

   پی پی 209 خانیوال کی نشست پی ٹی آئی نے جیت لی اور تمام 176 پولنگ سٹیشنز کے غیر سرکاری و غیر حتمی نتائج کے مطابق پی ٹی آئی کے محمد فیصل خان نیازی 71156 ووٹ لے کر کامیاب ہوئے۔ جبکہ ان کے مخالف امیدوار چوہدری ضیا الرحمان 57603 ووٹ حاصل کر سکے۔

   بہاولنگر کی نشست بھی تحریک انصاف نے حاصل کی اور پی پی 241 بہاولنگر 5 کے تمام 168 پولنگ سٹیشنز کے غیر سرکاری غیر حتمی نتیجے کے تحت پاکستان تحریک انصاف کے ملک محمد مظفر خان 59957 ووٹ لے کر کامیاب ہوئے۔

   پاکستان مسلم لیگ ن کے امان اللہ ستار 48147 ووٹ حاصل کر کے دوسرے نمبر پر رہے۔

   شیخورپورہ کی نشست ن لیگ کے حصے میں آئی اور ن لیگ کے چوہدری افتخار احمد بھنگو جیت گئے۔

   پی پی 139 شیخوپورہ 5 کے تمام 153 پولنگ سٹیشنز کے غیر سرکاری و غیر حتمی نتیجے کے مطابق پاکستان مسلم لیگ ن کے چوہدری افتخار احمد بھنگو 40829 ووٹ لے کر پہلے نمبر رہے۔

   ان کے مدمقابل پاکستان تحریک انصاف کے محمد ابوبکر 37712 ووٹ لے سکے۔

5. 17 اکتوبر 2022بریکنگ, ضمنی انتخابات: عمران خان کا نیا ریکارڈ، قومی اسمبلی کی چھ نشستوں پر کامیاب، دو پیپلز پارٹی کے نام

   پاکستان تحریک انصاف کے چیئرمین اور سابق وزیر اعظم عمران خان نے ضمنی انتخابات میں قومی اسمبلی کی سات میں سے چھ نشستیں جیت کرنیا ریکارڈ قائم کر دیا ہے۔

   قومی اسمبلی کے آٹھ حلقوں کے ضمنی انتخابات میں پاکستان تحریک انصاف نے میدان مار لیا ہے اور اب تک کے غیر حتمی و غیر سرکاری نتائج کے مطابق قومی اسمبلی کی آٹھ میں سے چھ نشستوں پر پاکستان تحریک انصاف کو کامیابی ملی ہے جبکہ ملیر اور ملتان کی دو نشستیں پیپلز پارٹی نے جیتی ہیں۔

   قومی اسمبلی کے آٹھ اور پنجاب اسمبلی کے تین حلقوں سے غیر حتمی و غیر سرکاری نتائج آنے کا سلسلہ مکمل ہو گیا ہے۔

   پی ٹی آئی چیئرمین عمران خان قومی اسمبلی کے سات حلقوں سے انتخاب لڑ رہے تھے اور انھیں اب تک صرف ایک ہی نشست پر ناکامی کا سامنا کرنا پڑا اور وہ این اے 237 ملیر میں پیپلزپارٹی کے امیدوار عبدالحکیم بلوچ سے ہار گئے۔

   اب تک کے غیر حتمی اور غیر سرکاری نتائج کے مطابق ضمنی انتخابات میں پاکستان تحریک انصاف قومی اسمبلی کی آٹھ نشستوں میں سے چھ جیت لی ہیں جبکہ پاکستان پیپلز پارٹی ملتان اور ملیر سے کامیاب ہو گئی ہے۔

   عمران خان نے پشاور کی نشست جیت لی اور اے این پی امیدوار غلام احمد بلور کو شکست دی۔ اس حلقے سے غیر حتمی نتیجے کے مطابق عمران خان 57 ہزار 824 ووٹ لے کر کامیاب قرار پائے۔

   اے این پی کے غلام احمد بلور 32 ہزار 253 ووٹ حاصل کرسکے اور یوں غلام بلور کو 25 ہزار 571 ووٹوں سے شکست ہوئی۔

   سابق وزیراعظم عمران خان نے پشاور کے بعد مردان کا میدان بھی مار لیا جہاں این اے 22 مردان تین کے تمام 330 پولنگ سٹیشنز کے غیر سرکاری و غیر حتمی نتائج کے مطابق عمران خان 76681 ووٹ لے کر کامیاب ہوئے۔

   جبکہ جمعیت علمائے اسلام کے محمد قاسم 68181 ووٹ حاصل کرسکے اور انھیں 8500 ووٹوں سے شکست ہوئی۔

   پی ٹی آئی چیئرمین عمران خان نے این اے 24 چارسدہ سے عوامی نیشنل پارٹی کے رہنما ایمل ولی خان کو بھی شکست دی۔ این اے 24 چارسدہ کے تمام 384 پولنگ سٹیشنز کے غیر سرکاری اور غیر حتمی نتیجے کے مطابق عمران خان 78589 ووٹ لے کر کامیاب ہوئے اور عوامی نیشنل پارٹی کے ایمل ولی خان 68356 ووٹحاصل کرسکے۔

   فیصل آباد میں عمران خان نے مسلم لیگ (ن) کے امیدوار عابد شیر علی کو ہرایا اور 24471 ووٹوں کے مارجن سے شکست دی۔ این اے 108 فیصل آباد کےتمام 354 پولنگ سٹیشنز کے غیر سرکاری غیر حتمی نتیجے کے مطابق عمران خان 99602 ووٹ لے کر پہلے نمبر پر رہے۔ جبکہ مسلم لیگ ن کے عابد شیر علی 75131 ووٹ لے سکے۔

   عمران خان نے قومی اسمبلی کے حلقے این اے 118 ننکانہ صاحب میں بھی بڑے مارجن سے کامیابی حاصل کی۔ این اے 118 ننکانہ صاحب 2کے تمام319 پولنگ سٹیشنز کے غیر سرکاری و غیر حتمی نتیجے کے تحت عمران خان 90180 ووٹ لے کر کامیاب قرار پائے۔

   جبکہ ان کی مخالف امیدوار پاکستان مسلم لیگ ن کی شذرہ منصب علی نے 78024 ووٹ حاصل کیے اور انھیں 12156 ووٹوں سے شکست ہوئی۔

   این اے 239 کراچی کورنگی 1 کے 330 پولنگ سٹیشنز کے غیر سرکاری غیر حتمی نتائج کے مطابق پاکستان تحریک انصاف کے عمران خان نے وہاں سے کامیابی اپنے نام کر لی ہے۔ جبکہ متحدہ قومی موومنٹ کے سید نیئر رضا دوسرے نمبر پر رہے ہیں۔

   جبکہ ملتان میں پی ٹی آئی رہنما شاہ محمود قریشی کے بیٹے زین قریشی کی خالی کردہ نشست این اے 157 پر بھی ضمنی انتخاب ہوا جس پر سابق وزیر اعظم یوسف رضا گیلانی کے بیٹے موسیٰ گیلانی نے شاہ محمود قریشی کی بیٹی مہربانو قریشی کو شکست دے دی۔

   این اے 157 ملتان فور کے تمام پولنگ سٹیشنز کے غیر سرکاری اور غیر حتمی نتیجے کے مطابق پاکستان پیپلز پارٹی کے سید علی موسیٰ گیلانی 107327 ووٹ لے کر کامیاب ہو گئے۔

   ان کے مدمقابل پاکستان تحریک انصاف کی مہر بانو قریشی نے 82141 ووٹ حاصل کیے۔

6. 16 اکتوبر 2022مردان کے حلقہ این اے 22 میں عمران خان جیت گئے!

   تحریک انصاف کے سربراہ عمران خان نے 76 ہزار سے زیادہ ووٹ حاصل کر کے مردان کے حلقہ این اے 22 کا ضمنی الیکشن جیت لیا ہے۔

   دوسرے نمبر پر جے یو آئی کے امیدوار محمد قاسم کو 68181 ووٹ ملے۔

   ووٹنگ کی شرح فیصد 30 ریکارڈ کی گئی۔

7. 16 اکتوبر 2022این اے 237 ملیر میں پیپلز پارٹی کی واضح برتری, غیر حتمی و غیر سرکاری نتائج

8. 16 اکتوبر 2022پشاور کے حلقہ این اے 31 میں عمران خان کی فتح, غیر حتمی و غیر سرکاری نتائج

   الیکشن کمیشن کی جانب سے جاری کردہ غیر حتمی و غیر سرکاری نتائج کے مطابق تحریک انصاف کے سربراہ عمران خان نے قریب 25 ہزار ووٹوں کی برتری سے پشاور کے حلقہ این اے 31 کا ضمنی الیکشن جیت لیا ہے۔

9. 16 اکتوبر 2022این اے 239 کورنگی، کراچی: عمران خان کی برتری, غیر حتمی و غیر سرکاری نتائج

10. 16 اکتوبر 2022پشاور کا حلقہ جیتنے پر اے این پی کی تحریک انصاف کو مبارکباد

11. 16 اکتوبر 2022چارسدہ اور مردان میں بھی عمران خان کی برتری, غیر حتمی و غیر سرکاری نتائج

12. 16 اکتوبر 2022این اے 237 ملیر: 131 پولنگ سٹیشنز میں پیپلز پارٹی کے عبدالحکیم بلوچ کی برتری، غیر حتمی و غیر سرکاری نتائج

13. 16 اکتوبر 2022این اے 157 ملتان میں علی موسیٰ گیلانی کی برتری، غیر حتمی و غیر سرکاری نتائج

    این اے 157 ملتان کے ضمنی الیکشن کے غیر حتمی و غیر سرکاری نتائج کے مطابق پیپلز پارٹی کے امیدوار علی موسیٰ گیلانی کو 44310 ووٹوں کے ساتھ برتری حاصل ہے۔

    جبکہ تحریک انصاف کی امیدوار مہربانو قریشی 33725 ووٹوں کے ساتھ دوسرے نمبر پر ہیں۔

14. 16 اکتوبر 2022عمران خان کی پشاور اور فیصل آباد میں واضح برتری، غیر حتمی و غیر سرکاری نتائج

    سربراہ تحریک انصاف اور سابق وزیر اعظم قومی اسمبلی کے آٹھ میں سے سات حلقوں پر الیکشن لڑ رہے ہیں۔ اب تک کے غیر حتمی و غیر سرکاری نتائج کے مطابق انھیں پشاور اور فیصل آباد میں واضح برتری حاصل ہوچکی ہے۔

15. 16 اکتوبر 2022این اے 22 مردان: عمران خان کی 134 پولنگ سٹیشنز میں برتری، غیر حتمی و غیر سرکاری نتائج

16. 16 اکتوبر 2022این اے 24 چارسدہ: 174 پولنگ سٹیشنز میں عمران خان آگے، غیر حتمی و غیر سرکاری نتائج

17. 16 اکتوبر 2022این اے 237 ملیر: پیپلز پارٹی کے عبدالحکیم بلوچ آگے، غیر حتمی و غیر سرکاری نتائج

18. 16 اکتوبر 2022این اے 31 پشاور: عمران خان کی واضح برتری، غیر حتمی و غیر سرکاری نتائج

19. 16 اکتوبر 2022آٹھ قومی حلقوں کے 776 پولنگ سٹیشنز میں پی ٹی آئی کے 51.2 فیصد ووٹ، غیر حتمی نتائج

    قومی اسمبلی کے آٹھ حلقوں پر ضمنی انتخابات میں اب تک 2440 پولنگ سٹیشنز میں سے 776 کے غیر حتمی و غیر سرکاری نتائج سامنے آئے ہیں۔

    اس کے مطابق پی ٹی آئی کو 51.2 فیصد ووٹ ملے ہیں جبکہ اے این پی کو 13.5، مسلم لیگ ن کو 12.2، پیپلز پارٹی کو 10.6، جے یو آئی کو 5.6 فیصد اور ٹی ایل پی کو 2.8 فیصد ووٹ ملے ہیں۔

20. 16 اکتوبر 2022تمام نشستوں پر عمران خان کی واضح برتری: فواد چوہدری

    رہنما تحریک انصاف فواد چوہدری کا کہنا ہے کہ ’قوم نے ایک بار پھر عمران خان کو اپنی امیدوں کا محور ثابت کیا۔ تمام نشستوں پر عمران خان کی واضح برتری ہے۔‘

    ’حکومت اور اسٹیبلشمنٹ سے کہتا ہوں عوام کی خواہش کا احترام کریں فوری طور پر ملک میں نئے انتخابات کا اعلان کریں۔ حکومت سے الیکشن کے فریم ورک پر گفتگو کے لیے تیار ہیں۔‘