کورونا: ’جمعرات سے احساس پروگرام کا آغاز، 20 لاکھ خاندانوں کی مالی امداد‘

لائیو کوریج

1. 7 اپريل 2020وزیراعلیٰ سندھ کا ڈاکٹر عبدالقدیر سومرو کے انتقال پر افسوس کا اظہار

   وزیراعلیٰ سندھ مراد علی شاہ نے ڈاکٹر عبدالقدیر سومرو کے انتقال پر افسوس کا اظہار کیا ہے۔

   ڈاکٹر عبدالقادر سومرو کورونا وائرس میں مبتلا ہونے کے بعد کئی دن سے انڈس اسپتال میں زیرعلاج تھے جہاں ان کا گزشتہ روز انتقال ہو گیا تھا۔

2. 6 اپريل 2020پنجاب میں 1918 مصدقہ متاثرین کی تفصیلات

   اب تک کورونا وائرس سے پاکستان میں سب سے زیادہ متاثرہ صوبہ پنجاب میں کل 1918 متاثرین کی تصدیق ہوئی ہے اور یہ عالمی وبا اب صوبے کے 28 اضلاع میں پھیل چکی ہے۔

   گذشتہ 24 گھنٹوں کے دوران پنجاب میں 500 سے زیادہ مریضوں کی تصدیق ہو چکی ہے۔

   صوبے میں اب تک 15 اموات ہوچکی ہیں جبکہ 25 افراد کووڈ 19 سے بیمار ہونے کے بعد صحتیاب ہوئے ہیں۔

   صوبائی دارالحکومت لاہور میں سب سے زیادہ 293 عام شہریوں میں کووڈ 19 کی تصدیق ہوئی ہے۔

   تازہ اعداد و شمار کے مطابق کل 1918 متاثرین میں 667 زائرین، رائے ونڈ تبلیغی جماعت سے منسلک 536 افراد، 49 قیدی، 666 عام شہری شامل ہیں۔

   ان کی تفصیل مندرجہ ذیل ہے:

   زائرین کی تفصیل

   • ڈی جی خان میں 213، ملتان میں 449، فیصل آباد میں 5 افراد میں کورونا وائرس کی تصدیق

   رائے ونڈ مرکز سمیت تبلیغی ارکان کی تفصیل

   • رائے ونڈ مرکز میں 404، منڈی بہاوالدین میں 3، سرگودھا 16، وہاڑی 14، راولپنڈی میں 6، جہلم میں 10 افراد میں کورونا کی تصدیق
   • ننکانہ میں 2، گجرات 8، رحیم یار خان 15، بھکر 1، خوشاب 4، راجن پور 1، حافظ آباد میں 31، سیالکوٹ 4، لیہ میں 13 افراد میں کورونا کی تصدیق
   • رائے ونڈ اجتماع میں شرکت کرنے والے 10263 تبلیغی ارکان کو قرنطینہ مراکز میں رکھا گیا ہے

   عام شہروں میں مریضوں کی تفصیل

   • عام شہروں میں سب سے زیادہ لاہور میں کورونا وائرس کے 293 مصدقہ مریض
   • ننکانہ 13، قصور 8، شیخوپورہ 1، راولپنڈی 58، جہلم 30، اٹک 1، گوجرانوالہ 32، سیالکوٹ 17، ناروال 6، گجرات میں 93 شہریوں میں کورونا کی تصدیق
   • حافظ آباد 6، منڈی بہاوالدین 14، ملتان 4، وہاڑی 13، فیصل آباد 21، چینیوٹ 6، رحیم یار خان 3، سرگودھا میں 6 شہریوں میں کورونا کی تصدیق
   • میانوالی 3، خوشاب 1، بہاولنگر 9، بہاولپور 3، لودھراں 3، ڈی جی خان 18، لیہ اور اوکاڑہ میں کورونا کے ایک، ایک مریض کی تصدیق

   ترجمان کے مطابق تمام مصدقہ مریضوں کو آئسولیشن وارڈز میں داخل کیا گیا ہے۔

3. 6 اپريل 2020بریکنگ, پنجاب میں مزید 102 مریض، کل تعداد 1918 ہو گئی, پاکستان میں متاثرین 3767، ہلاکتیں 52

   پنجاب کے محکمہ صحت کے مطابق صوبے میں کورونا وائرس کے 102 نئے مریضوں کی تصدیق ہوئی ہے جس کے بعد مصدقہ متاثرین کی تعداد 1918 ہوگئی ہے۔

   تازہ اعداد و شمار کے مطابق کل 1918 متاثرین میں 667 زائرین، رائے ونڈ تبلیغی جماعت سے منسلک 536 افراد، 49 قیدی، 666 عام شہری شامل ہیں۔

   ترجمان کے مطابق عام شہروں میں سب سے زیادہ لاہور میں کورونا وائرس کے 293 مصدقہ مریض ہیں۔

   وزیر اعلیٰ پنجاب عثمان بزدار کا کہنا ہے کہ صوبے میں آٹھ مریضوں کی حالت تشویشناک ہے۔

   دن میں 1929 کورونا ٹیسٹ کیے گئے جب میں سے 425 کے نتائج مثبت آئے۔

4. 6 اپريل 2020بریکنگ, بلوچستان: لاک ڈاؤن میں 21 اپریل تک توسیع

   بلوچستان حکومت نے لاک ڈاؤن میں مزید 14 روز کی توسیع کر دی ہے اور اب صوبے بھر میں اس کے تحت کیے گئے اقدامات کا اطلاق 21 اپریل تک ہوگا۔

   محکمہ داخلہ حکومت بلوچستان کی طرف سے جاری کردہ نوٹیفیکیشن کے مطابق 14 روز تک کاروباری مراکز اور پبلک ٹرانسپورٹ پر پابندیاں برقرار رہیں گی۔

   تاہم نوٹیفیکیشن کے مطابق بلوچستان بھر میں تعلیمی ادارے 31 مئی تک بند رہیں گے۔

5. 6 اپريل 2020’حفاظتی سامان کی فراہمی کے حوالے سے بدھ کو اعلان کیا جائے گا‘

   وزیر مملکت برائے صحت ڈاکٹر ظفرمرزا نے یقین دلایا ہے کہ ملک کے تمام طبی عملے کو حفاظتی سامان فراہم کیا جائے گا۔

   پیر کو اسلام آباد میں ایک نیوز بریفنگ سے خطاب کرتے ہوئے انھوں نے کہا کہ ہسپتالوں کو حفاظتی سامان کی فراہمی کے حوالے سے بدھ کو اعلان کیا جائے گا۔

   ان کا کہنا ہے کہ ملک میں ڈاکٹروں اور طبی عملے کو فراہم کرنے کے لیے پانچ لاکھ این 95 ماسکس موصول ہوئے ہیں۔

6. 6 اپريل 2020پنجاب اسمبلی میں پارلیمانی سرگرمیاں شروع کرنے کا فیصلہ

   پنجاب اسمبلی میں پارلیمانی سرگرمیاں شروع کرنے کا فیصلہ کیا گیا ہے۔

   تفصیلات کے مطابق پنجاب میں کورونا وائرس کے باعث جاری لاک ڈاون میں بتدریج نرمی آئی ہے۔ پیر سے بڑی صنعتیں بھی کھول دی گئی ہیں۔

   منگل کو صوبائی اسمبلی کے سیکرٹریٹ میں دوبارہ کام شروع کیا جائے گا۔ اسمبلی اور سیکرٹریٹ کا صرف ضروری عملہ دفتر میں موجود ہوگا۔

   نوٹیفیکیشن کے مطابق صوبائی اسمبلی کا عملہ روزانہ چار گھنٹے کام کرے گا۔

   ان اقدامات کا اطلاق 16 اپریل تک جاری رہے گا۔

7. 6 اپريل 2020بریکنگ, بلوچستان میں مصدقہ متاثرین کی تعداد 202 ہوگئی، 63 افراد صحتیاب

   بلوچستان کے محمکہ صحت کے مطابق صوبے میں کورونا وائرس کے چار نئے مریضوں کے اضافے کے بعد متاثرین کی کل تعداد 202 ہوگئی ہے۔

   صوبے میں کووڈ 19 سے تین ضلعے متاثر ہوئے ہیں جبکہ ایک ہلاکت اور 63 افراد صحتیاب ہوچکے ہیں۔

   محکمہ صحت کا کہنا ہے کہ فی الحال مشتبہ مریضوں کی تعداد 3153 ہے جن کے کورونا ٹیسٹ کے نتائج کا انتظار ہے۔

   صوبائی دارالحکومت کوئٹہ میں سب سے زیادہ 157 ایسے افراد ہیں جن میں کووڈ 19 کے ٹیسٹ کے نتائج مثبت آئے تھے۔

   بلوچستان میں اب تک 18 ڈاکٹرز اور ہیلتھ کیئر ورکرز میں کورونا کی تشخیص ہوئی ہے جبکہ صوبائی ہیلتھ ڈائریکٹریٹ کے ایسے ملازمین جو اس وائرس سے متاثر ہوئے ہیں ان کی تعداد چھ ہے۔

8. 6 اپريل 2020بریکنگ, پاکستان کے زیرِ انتظام کشمیر میں خاتون سمیت دو نئے مریض، کل 18 متاثرین, ایم اے جرال، صحافی

   پاکستان کے زیر انتظام کشمیر کے وزیر صحت ڈاکٹر نجیب نقی کے مطابق میرپور سے ایک خاتون سمیت مزید دو افراد میں کورونا وائرس کی تشخیص ہوئی ہے جس کے بعد اس خطے میں کورونا وائرس سے متاثر ہونے والے افراد کی تعداد 18 ہوگی ہے۔

   وہ کہتے ہیں کہ ان میں چھ خواتین سمیت دو بچے بھی شامل ہیں۔

   انھوں نے بتایا ہے کہ میرپور میں کورونا سے متاثر ہونے والا شخص گذشتہ ماہ برطانیہ سے آیا تھا جبکہ خاتون نے بیرون یا اندرون ملک کوئی سفر نہیں کیا تاہم برطانیہ سے آنے والے رشتہ داروں سے میل جول رکھا تھا۔

   دوسری جانب میرپور ڈویژن کے کمشنر محمد رقیب خان نے بی بی سی کو بتایا ہے کہ میرپور میں کورونا وائرس سے متاثر ہونے والی خاتون اور برطانیہ سے آئے شخص کے خاندان کو قرنطینہ مرکز منتقل کیا گیا ہے۔

   ان کا کہنا ہے کہ متاثرہ علاقوں کو فوج اور پولیس کی مدد سے سیل کر دیا گیا ہے۔

   اس خطے میں کورونا وائرس سے متعلق قائم کنٹرول روم کے مطابق کل 484 مشتبہ افراد کو قرنطینہ مراکز لایا گیا ہے۔ ان میں سے 395 افراد کے کورونا ٹیسٹ کے نتائج آچکے ہیں جبکہ 89 مثتبہ متاثرین کے نتائج کا انتظار ہے۔

9. 6 اپريل 2020عمران خان: ’کورونا کے خلاف ڈاکٹر، طبی عملہ ہمار ہر اول دستہ ہے‘

   وزیراعظم عمران خان کی زیر صدارت ایک اجلاس میں ملک میں کورونا وائرس کی صورتحال کے حوالے سے کیے گئے اقدامات کا جائزہ لیا گیا ہے۔

   وزیراعظم ہاؤس کے بیان کے مطابق عمران خان نے اجلاس سے خطاب کرتے ہوئے کہا کہ کورونا جیسی وبا کے خلاف ڈاکٹر اور طبی عملہ ہمارا ہر اول دستہ ہے۔

   اجلاس کے دوران چیئرمین این ڈی ایم اے نے وزیرِ اعظم کو بتایا کہ این ڈی ایم اے کے پاس حفاظتی کٹس اور ماسکس کی کوئی کمی نہیں ہے۔ ’ہمارا ہدف مطلوبہ تعداد میں وینٹی لیٹرز کی دستیابی کو یقینی بنانا ہے جس کے لیے ہنگامی بنیادوں پر اقدامات جاری ہیں۔‘

   شرکا کو آگاہ کیا گیا کہ ملک میں روزانہ کی بنیاد پر کورونا ٹیسٹ کی استعداد میں اضافہ کرنے پر خصوصی توجہ دی جا رہی ہے اور اس سلسلے میں ترجیحی بنیادوں پر اقدامات کیے جا رہے ہیں۔اس کے ساتھ ساتھ تکنیکی عملے کی دستیابی اور ان کی تربیت کے حوالے سے بھی خصوصی اقدامات لیے جا رہے ہیں۔

   وزیراعظم نے ہدایت جاری کی ہے کہ حکومتی ڈویلپمنٹ پروگرام کے فنڈز کا استعمال ان منصوبوں پر کیا جائے جن سے چھوٹے درجے اور درمیانے درجے کی صنعتیں وابستہ ہیں۔

   اعلان کردہ جامع پیکیج پر بات کرتے ہوئے وزیرِ اعظم نے ہدایت کی کہ اس شعبے کی بحالی کے ثمرات نچلے طبقے، خصوصاً مزدوروں، تک پہنچانے کو یقینی بنایا جائے۔

10. 6 اپريل 2020’کورونا کے ساتھ ساتھ غلط معلومات سے بھی بچیں‘

    وزیرِ مملکت برائے صحت ظفر مرزا چاہتے ہیں کہ آپ چہرے کے ماسک کے ساتھ ساتھ کانوں پر بھی ایک ماسک چڑھا لیں تاکہ اس عالمی وبا کے دوران جھوٹ پر مبنی خبروں سے بچ سکیں۔

    وہ کہتے ہیں کہ ’کورونا کے ساتھ ساتھ غلط معلومات سے بھی بچیں۔‘

11. 6 اپريل 2020کراچی، پشاور میں لاک ڈاؤن کی خلاف ورزی پر کارروائی

    پاکستان کے دو بڑے شہروں کراچی اور پشاور میں لاک ڈاؤن کی خلاف وزری کرنے والوں کے خلاف کارروائی کی گئی ہے۔

    کراچی میں پولیس کے مطابق انھوں نے اپنی مانیٹرنگ ایپ کے ذریعے دیکھا ہے کہ لاک ڈاؤن کے باوجود 25 ہزار 700 شہری گھروں سے باہر نکلے جبکہ 539 شہریوں کو کئی بار لاک ڈاون کی خلاف ورزی پر مختلف مقامات پر روکا گیا۔

    دوسری طرف پشاور میں ضلعی انتظامیہ نے دفعہ 144 کی خلاف ورزی پر 55 افراد کو گرفتار کیا۔

    ترجمان ڈی سی پشاور کے مطابق صدر کے علاقے میں لوگوں کی بڑی تعداد موجود ہونے کی بنا پر تین بینک سیل کیے گئے۔

12. 6 اپريل 2020’ہاتھ دھونے کی تاکید کے علاوہ کچھ نہیں ہو رہا‘

13. 6 اپريل 2020بریکنگ, پنجاب میں شہروں کی صورتحال

    پنجاب میں صوبائی محکمہ صحت کے ترجمان کے مطابق اب تک 1816 متاثرین کی تصدیق ہوچکی ہے اور یہ ملک میں کورونا وائرس سے سب سے زیادہ متاثرہ صوبہ ہے۔

    عام شہروں میں سب سے زیادہ لاہور میں کورونا وائرس کے 291 مصدقہ مریض ہیں جبکہ متاثرین میں 577 زائرین، 527 رائے ونڈ سے منسلک افراد، 49 قیدی اور 663 عام شہری شامل ہیں۔

    اب تک کورونا وائرس پنجاب کے 28 اضلاع میں پھیل چکا ہے۔

    ترجمان کے مطابق مزید تفصیل مندرجہ ذیل ہے:

    زائرین کی تفصیل

    • کل متاثرین میں ڈی جی خان میں 213 افراد، ملتان میں 359 اور فیصل آباد میں 5 مصدقہ زائرین موجود ہیں۔

    رائے ونڈ مرکز سمیت تبلیغی ارکان کی تفصیل

    • رائے ونڈ مرکز میں 398، منڈی بہاوالدین میں 3، سرگودھا 13، وہاڑی 14، راولپنڈی میں 6 اور جہلم میں 10 تبلیغی ارکان میں کووڈ 19 کی تصدیق ہوئی ہے۔
    • ننکانہ میں 2، گجرات 8، رحیم یار خان 15، بھکر 1، خوشاب 4، راجن پور 1، حافظ آباد میں 31، سیالکوٹ 4 اور لیہ میں 13 افراد میں کووڈ 19 کی تصدیق ہوئی ہے۔
    • اس کے علاوہ اجتماع میں شرکت کرنے والے 10,263 تبلیغی ارکان کو قرنطینہ مراکز میں رکھا گیا ہے۔

    عام شہروں میں مریضوں کی تفصیل

    • لاہور میں 291، ننکانہ 13، قصور 8، شیخوپورہ 1، راولپنڈی 58، جہلم 30، اٹک 1، گوجرانوالہ 32، سیالکوٹ 17، ناروال 6، گجرات میں 93، حافظ آباد 6، منڈی بہاوالدین 14، ملتان 4، وہاڑی 13، فیصل آباد 21، چینیوٹ 6، رحیم یار خان 3، سرگودھا میں 5، میانوالی 3، خوشاب 1، بہاولنگر 9، بہاولپور 3، لودھراں 3، ڈی جی خان 18، لیہ اور اوکاڑہ میں ایک، ایک مصدقہ متاثرین موجود ہیں۔

14. 6 اپريل 2020بریکنگ, پاکستان میں متاثرین کی تعداد 3650 سے بڑھ گئی، 52 ہلاکتیں, پنجاب میں متاثرین کی تعداد مجموعی تعداد کے نصف کے قریب

15. 6 اپريل 2020بریکنگ, پنجاب: مصدقہ متاثرین کی تعداد 1816 ہوگئی

    پنجاب میں کورونا وائرس کے نئے مریضوں کی تصدیق کے بعد مصدقہ متاثرین کی تعداد 1816 ہوگئی ہے۔

    صوبائی محکمہ صحت کے مطابق مصدقہ متاثرین میں 577 زائرین، 527 رائے ونڈ سے منسلک افراد، 49 قیدی اور 663 عام شہری شامل ہیں۔

    ترجمان کے مطابق صوبے کے 28 اضلاع میں کووڈ 19 کے مریضوں کی تصدیق ہوچکی ہے۔ عام شہروں میں سب سے زیادہ لاہور میں کورونا وائرس کے 291 مصدقہ مریض ہیں۔

16. 6 اپريل 2020بریکنگ, بلوچستان میں متاثرہ افراد کی تعداد 198 ہوگئی

    حکومتِ بلوچستان کے ترجمان لیاقت شاہوانی کے مطابق صوبے میں کورونا وائرس سے متاثرہ افراد کی تعداد 198 ہوگئی ہے۔

    ان کا کہنا تھا کہ کوئٹہ میں مزید 6 افراد میں کرونا وائرس کی تصدیق ہوئی ہے۔

    لیاقت شاہوانی نے کہا ہے کہ شہر بھر سے 126 ٹیسٹ رپورٹس میں 6 مثبت اور 120 منفی نتائج سامنے آئے۔

17. 6 اپريل 2020’ترقی پذیر ملکوں کے قرضوں کی ادائیگی پر نظرثانی کی جائے‘

    وزیر خارجہ شاہ محمود قریشی نے کورونا وائرس کی وبا پر قابو پانے کے لیے شنگھائی تعاون تنظیم کے ذریعے مشترکہ لائحہ عمل وضع کرنے پر زور دیا ہے۔

    سرکاری ٹی وی کے مطابق انھوں نے یہ تجویز پیر کو شنگھائی تعاون تنظیم کے سیکرٹری جنرل ولادی میر نوروف سے ٹیلیفون پر گفتگو کرتے ہوئے پیش کی۔

    اس دوران انھوں نے کورونا وائرس کی عالمی وبا سے نمٹنے کے لیے مؤثر حکمت عملی وضع کرنے پر تبادلہ خیال کیا۔

    وزیر خارجہ نے تنظیم کے سیکرٹری جنرل کو کورونا وائرس کی روک تھام کے لیے پاکستان کے اقدامات سے آگاہ کیا۔

    وزیر خارجہ نے ولادی میر نوروف کو ترقی پذیر ملکوں کی مدد کے لیے ان کے قرضوں کی ادائیگی کے عمل پر نظرثانی سے متعلق پاکستان کی تجویز کے بارے میں بتایا۔

    انھوں نے امید ظاہر کی کہ شنگھائی تعاون تنظیم اس تجویز پر عملدرآمد کے لیے مؤثر کردار ادا کرے گی۔

18. 6 اپريل 2020سٹیٹ بینک ’کبھی براہِ راست ذاتی معلومات نہیں پوچھتا‘

    سٹیٹ بینک آف پاکستان نے صارفین کی مدد کے لیے ایک ہیلپ لائن سروس متعارف کرائی ہے جس سے فائدہ اٹھاتے ہوئے لوگ اپنی شکایات اور سوالات درج کروا سکیں گے۔

    ہیلپ لائن نمبر: 021111727273

    ایس بی پی نے یہ اقدام کووڈ 19 کے بعد پیدا ہونے والی صورتحال کے پیش نظر اٹھایا ہے۔

    سٹیٹ بینک کی ہیلپ لائن 24 گھنٹے دستیاب ہوگی۔ اس کا کہنا ہے کہ وہ کبھی بھی صارفین سے براہِ راست ان کی ذاتی معلومات دریافت نہیں کرتا۔

    مرکزی بینک نے یہ تنبیہ اس لیے جاری کی ہے تاکہ لوگ کووڈ 19 کے نام پر ہونے والی جعل سازی سے بچ سکیں۔

19. 6 اپريل 2020’آئندہ تین ہفتوں میں مقامی سطح پر وینٹی لیٹرز بننا شروع ہو جائیں گے‘

    وفاقی وزیر سائنس اینڈ ٹیکنالوجی فواد چوہدری نے کہا ہے کہ پاکستان میں مقامی سطح پر آئندہ تین ہفتوں کے دوران وینٹی لینٹرز بننا شروع ہو جائیں گے۔

    سرکاری خبر رساں ادارے اے پی پی نے کہا ہے کہ ڈرگ ریگولیٹری اتھارٹی سے منظوری کے بعد پاکستان مقامی سطح پر ٹیسٹنگ کٹس اور وینٹی لیٹرز بنانا شروع کر دے گا تاکہ کورونا وائرس کے مریضوں کی زندگیاں بچائی جا سکیں۔

    ان کا کہنا تھا کہ ملک میں وینٹی لیٹرز بنائے گئے ہیں جو اس عالمی وبا کے مقابلے کے لیے ضروری ہے۔

    اس سے قبل چیئرمین این ڈی ایم اے نے کہا تھا کہ پاکستان میں 3800 سے زیادہ وینٹی لیٹرز موجود ہیں۔

20. 6 اپريل 2020بریکنگ, ’نجی سکول بچوں کی فیس میں رعایت دیں‘

    سندھ کے صوبائی وزیر سعید غنی نے کہا ہے کہ انھوں نے نجی سکولوں کے لیے لازم کیا ہے کہ بچوں کی فیس میں والدین کو ریلیف دیں۔

    صحافیوں سے گفتگوں میں ان کا کہنا تھا کہ فیسوں میں ریلیف 20 سے 50 فیصد تک رعایت کی صورت میں دیا جا سکتا ہے۔

    یاد رہے کہ ملک بھر میں لاک ڈاؤن کے دوران سکول سمیت دیگر تعلیمی ادارے بند ہیں۔ والدین کی جانب سے یہ سوال اٹھایا جا رہا ہے کہ بچے سکول نہیں جا رہے تو فیس کس بات کی وصول کی جا رہی ہے۔

    اس کے علاوہ انھوں نے کہا ہے کہ صوبائی حکومت نے ایسے اقدامات کیے ہیں تاکہ دیہاڑی دار مزدوروں کی مدد ہو سکے۔

    ان کا کہنا تھا کہ ’فلاحی تنظیمیں جسے امداد دیں گی ان کےشناختی کارڈ کے نمبر ایپ میں شامل کریں گی۔‘