آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کشمیر کے معاملے پر پاکستان میں پارلیمان کے مشترکہ اجلاس اور انڈین لوک سبھا میں آرٹیکل 370 کے خاتمے پر بحث پر بی بی سی اردو کی لائیو کوریج۔
ذیشان حیدر, عابد حسین and دانش حسین
انڈیا کے آئین میں جموں کشمیر کی خصوصی شہریت کے حق سے متعلق دفعہ 35-A کا مسئلہ کشمیر سے بھی پرانا ہے۔ اس قانون کی رُو سے جموں کشمیر کی حدود سے باہر کسی بھی علاقے کا شہری ریاست میں غیرمنقولہ جائیداد کا مالک نہیں بن سکتا، یہاں نوکری حاصل نہیں کرسکتا اور نہ کشمیر میں آزادانہ طور سرمایہ کاری کرسکتا تھا۔
کشمیر میں 25 برس سے جاری شورش نے نئی نسل کے ذہن و دماغ اور زندگیوں پر بہت گہرا اثر ڈالا ہے۔ گزرے ہوئے برسوں میں انھوں نے صرف پرتشدد حالات ہی دیکھے ہیں۔
انڈیا کی حکمراں جماعت بی جے پی کی طرف سے جہاں آئین کے آرٹیکل 370 اور 35 اے کے خاتمے کے بعد اب کشمیر کو مرکز کے زیرِ انتطام علاقہ بنا دیا گیا ہے تو وہیں کئی قانونی سوالات نے بھی جنم لے لیا ہے۔
جموں اور کشمیر کی موجودہ قانونی حیثیت پر اب بھی سوالیہ نشان لگا ہے اور پاکستان اور انڈیا دونوں میں موجود اکثر آئینی ماہرین سمجھتے ہیں کہ اس اقدام سے کشمیر کا دیرینہ مسئلہ مزید قانونی پیچیدگیاں اختیار کر لے گا۔
انڈین حکومت کی جانب سے کشمیر کو خصوصی درجہ دینے والی آئینی شق کے خاتمے کے اقدام سے انڈیا اور پاکستان کے درمیان گزشتہ 73 سالوں سے جاری کشمیر کے تنازعے کی نوعیت تبدیل ہونے کا امکان ہے۔