اہلیہ کو ہوش آتے ہی پاکستان آؤں گا: نواز شریف

اسلام آباد میں ایون فیلڈ ریفرنس کی سماعت کرنے والی احتساب عدالت نے پاکستان کے سابق وزیراعظم نواز شریف کو دس،ان کی بیٹی مریم نواز کو سات جبکہ داماد کیپٹن (ر) صفدر کو ایک سال قید بامشقت کی سزا سنا دی ہے جبکہ نواز شریف کو 80 لاکھ جبکہ مریم نواز کو 20 لاکھ پاؤنڈ جرمانہ بھی کیا گیا ہے۔

لائیو کوریج

ذیشان حیدر، رضا ہمدانی، ذیشان علی، حمیرا کنول

6 جولائی 2018سماعت کا آغاز!
بی بی سی کے نامہ نگار عابد حسین کے مطابق احتساب عدالت کے جج محمد بشیر کمرہِ عدالت میں پہنچ گئے ہیں۔
6 جولائی 2018نواز شریف کے نمائندے ظافر خان عدالت میں
احتساب عدالت میں نواز شریف کے نمائندے ظافر خان پہنچ گئے ہیں۔ گذشتہ برس اکتوبر میں جب اس ریفرنس میں سابق وزیراعظم کی غیر موجودگی میں فرد جرم عائد کی گئی تھی تو اس وقت بھی ظافر خان ان کے نمائندے کے طور پر عدالت میں موجود تھے
6 جولائی 2018کارروائی کا انتظار
اسلام آباد کی نیب عدالت میں وکلا اور صحافیوں کی بڑی تعداد موجود ہے تاہم ابھی تک سماعت کا آغاز نہیں ہوا ہے۔
6 جولائی 2018بریکنگ, ایون فیلڈ ہے کیا؟
،ویڈیو کیپشنلندن کے علاقے پارک لین میں واقع ایون فیلڈ فلیٹس کے بارے میں مزید جانیے۔
6 جولائی 2018فیصلے کو 'چند روز' تک مؤخر کرنے کی مخالفت
سابق وزیراعظم نواز شریف نے احتساب عدالت سے استدعات کی ہے کہ وہ فیصلے کو 'چند روز' تک مؤخر کرے لیکن پاکستان کی دو بڑی سیاسی جماعتوں پیپلز پارٹی اور تحریک انصاف نے فیصلے کو مؤخر کرنے کی درخواست کی مخالفت کرتے ہوئے مطالبہ کیا ہے کہ فیصلہ آج جمعے کو ہی سنانا چاہیے
،تصویر کا ذریعہGetty Images
6 جولائی 2018احتساب عدالت کے باہر سکیورٹی سخت لیکن مسلم لیگ نون کے کارکن غائب
اسلام آباد کی احتساب عدالت کے باہر موجود نامہ نگار عابد حسین کا کہنا ہے کہ اگرچہ سکیورٹی کے سخت انتطامات کیے گئے ہیں تاہم ماضی میں اس ریفرنس کی سماعت کے موقع پر دیکھی جانے والی گہما گہمی نہیں ہے اور سکیورٹی اہلکاروں کی بڑی تعداد تو موجود ہے لیکن مسلم لیگ نون کے کارکن دکھائی نہیں دے رہے ہیں
6 جولائی 2018ریفرنس گذشتہ برس 8 ستمبر کو دائر کیا گیا تھا
،تصویر کا ذریعہGETTY IMAGES
نیب نے سابق وزیر اعظم نواز شریف، ان کے بچوں اور داماد کے خلاف ایون فیلڈ ریفرنس گذشتہ برس 8 ستمبر میں دائر کیا تھا۔ 23 جنوری کو نیب نے مزید شواہد حاصل ہونے پر ایک ضمنی ریفرنس دائر کیا تھا۔ عدالت نہ 19 اکتوبر کو مریم نواز اور کیپٹن ریٹائرڈ محمد صفدر پر فرد جرم عائد کی تھی جبکہ 8 نومبر کو سابق وزیراعظم نواز شریف پر براہ راست فرد فرم عائد کی تھی۔
عدالت نواز شریف کے بیٹے حسن نواز اور حسین نواز کو اس ریفرنس میں عدم حاضری پر اشتہاری قرار دے چکی ہے۔ عدالت نے اس ریفرنس کی سماعت 9 ماہ اور 20 دن تک کی اور منگل کو سماعت پر فیصلہ محفوظ کر لیا تھا جو آج جمعے کو سنایا جا رہا ہے۔
6 جولائی 2018بریکنگ, عدالتی کمپلیکس کے گرد سکیورٹی کے سخت انتظامات
پاکستان کے سرکاری ذرائع ابلاغ کے مطابق جوڈیشل کمپلیکس کے گرد 500 رینجرز اور 1400 پولیس اہلکار تعینات کیے گئے ہیں۔
6 جولائی 2018پہلے نواز شریف کی درخواست پر فیصلہ سنایا جائے گا
سرکاری خبر رساں ادارے کے مطابق عدالت پہلے فیصلہ موخر کرنے کے حوالے سے نواز شریف کی درخواست پر فیصلہ سنائے گی۔ اگر یہ درخواست مسترد ہوگئی تو پھر عدالت ایون فیلڈ کیس کا فیصلہ سنائے گی تاہم اگر یہ درخواست منظور کر لی گئی تو عدالت دوسرا فیصلہ موخر کر دے گی۔
6 جولائی 2018کیا فیصلہ آج آئے گا؟
ماہرین قانون ایک نکتے پر متفق نظر آتے ہیں کہ عدالتیں ہمیشہ ہمدردی کے جذبے کو ملحوظ خاطر رکھتی ہیں اور اگر ملزم ایسی ٹھوس وجہ بیان کر سکے جس سے یہ ثابت ہو کہ عدالت میں پیش ہونا ملزم کے اختیار میں نہیں ہے تو ایسے میں عدالتیں اپنی صوابدید پر درخواست پر فیصلہ کرنے کا اختیار رکھتی ہیں۔
،تصویر کا ذریعہReuters
6 جولائی 2018بریکنگ, ’کیپٹن صفدر کا فون کل سے بند ہے‘
مریم نواز اور کیپٹن صفدر کے وکیل امجد پرویز نے میڈیا سے بات کرتے ہوئے کہا ہے کہ ہمارا کیس بہت مضبوط ہے امید ہے فیصلہ ہمارے حق میں ہوگا۔ صحافیوں کے سوالات کا جواب دیتے ہوئے ان کا کہنا تھا کہ کیپٹن صفدر کا فون کل سے بند ہے اور کل سے ان سے رابطہ نہیں ہوا۔
6 جولائی 2018بریکنگ, نیب کی ٹیم عدالت پہنچ گئی
،ویڈیو کیپشننیب عدالت
6 جولائی 2018مجرم کا عدالت میں ہونا ضروری نہیں
ماہرین قانون کا خیال ہے کہ سی آر پی کی سیکشن (3) 366 واضح ہے کہ کسی عدالتی فیصلے کو اس بنیاد پر غیر موثر قرار نہیں دیا جا سکتا ہے کہ عدالتی فیصلے کے وقت ملزم عدالت میں موجود نہیں تھا۔
6 جولائی 2018نواز شریف اور عدالتیں
ملک کے تین مرتبہ وزیراعظم رہنے والے میاں نواز شریف کے ستارے کئی مرتبہ گردش میں رہے ہیں۔ تفصیلات جاننے کے لیے کلک کیجیے۔
،تصویر کا ذریعہAFP
6 جولائی 2018نہ معافی مانگوں کا نہ بریت کی اپیل کروں گا: نواز شریف
سابق وزیراعظم نواز شریف ماضی میں یہ کہہ چکے ہیں کہ وہ کسی بھی کیس میں سزا سنائے جانے کی صورت میں نہ معافی مانگیں گے اور نہ ہی رحم کی اپیل کریں گے۔
تفصیلات یہاں پڑھیے
6 جولائی 2018پارک لین کے فلیٹس کب خریدے گئے، کب بِکے
بی بی سی اردو کو حاصل شدہ سرکاری دستاویزات کے مطابق انیس سو نوے کی دہائی سے یہ چار فلیٹس نیسکول اور نیلسن کے نام پر ہی ہیں اور ان دونوں کمپنیوں کی ملکیت کا اعتراف وزیر اعظم نواز شریف کے صاحبزادے حسین نواز کر چکے ہیں۔ تفصیلات پڑھنے کے لیے یہاں کلک کیجیے۔
6 جولائی 2018نوے کی دہائی سے فلیٹس کی ملکیت تبدیل نہیں ہوئی
،ویڈیو کیپشنشریف خاندان کے زیرِ استعمال پارک لین کے فلیٹس کی ملکیت نوے کی دہائی سے تبدیل نہیں ہوئی ہے۔
6 جولائی 2018نواز شریف پر فردِ جرم آٹھ نومبر کو
نواز شریف پر احتساب عدالت کی جانب سے آٹھ نومبر 2017 کو فردِ جرم عائد کی گئی تھی۔
6 جولائی 2018کل 18 گواہوں کے بیانات قلم بند
سرکاری ٹی وی کے مطابق ایون فیلڈ ریفرنس کیس میں احتساب عدالت میں کل 18 گواہان نے بیانات قلم بند کروائے
6 جولائی 2018نہ معافی مانگوں کا نہ بریت کی اپیل کروں گا: نواز شریف
سابق وزیراعظم نواز شریف نے مئی میں بیان دیا تھا کہ وہ کسی بھی کیس میں سزا سنائے جانے کی صورت میں نہ معافی مانگیں گے اور نہ ہی رحم کی اپیل کریں گے۔
مزید تفصیل کے لیے یہاں کلک کریں