عمران نااہلی سے بچ گئے، جہانگیر نااہل: کب کیا ہوا؟

لائیو کوریج

1. 15 دسمبر 2017جہانگیر ترین کی لندن کی پراپرٹی

   حنیف عباسی نے اپنی دائر کی گئی پٹیشن میں جہانگیر ترین کی برطانیہ میں موجود 12 ایکڑ کی زمین کے بارے میں سوال اٹھایا جو کہ شائنی ویو نامی آف شور کمپنی کی ملکیت میں ہے۔

   اس کے بارے میں جہانگیر ترین کا کہنا تھا کہ یہ ڈسکریشنری فنڈ کے تحت ای ایف جی ٹرسٹ کے کنٹرول میں ہے لیکن بعد میں بی بی سی کی جانب سے کی گئی تحقیق سے یہ بات سامنے آئی کہ جہانگیر ترین اور ان کی اہلیہ ہی اس ٹرسٹ کے بینیفیشری ہیں، نہ کہ ان کے بچے۔

   

   ،تصویر کا ذریعہGetty Images

2. 15 دسمبر 2017جہانگیر ترین کے جواب میں بھی تضاد

   پاکستان تحریک انصاف کے سیکرٹری جنرل جہانگیر ترین کی نااہلی سے متعلق درخواست کی سماعت کے دوران عدالت کا کہنا تھا کہ لندن میں واقع جائیداد کے بارے میں پیش کی گئی ٹرسٹ ڈیڈ اور جہانگیر ترین کی طرف سے عدالت میں جمع کروائے گئے جواب میں تضاد پایا جاتا ہے۔

   

   ،تصویر کا ذریعہGetty Images

3. 15 دسمبر 2017’آف شور کمپنی کو اثاثوں میں ظاہر نہ کرنا ایک غلطی تھی‘

   پاکستان تحر یک انصاف کے سربراہ کی نااہلی سے متعلق سپریم کورٹ میں درخواستوں کی سماعت کے دوران عمران خان کے وکیل نے تسلیم کیا تھا کہ اُن کے موکل کی طرف سے آف شور کمپنی نیازی سروسز کو اثاثوں میں ظاہر نہ کرنا ایک غلطی تھی تاہم ایسا جان بوجھ کر نہیں کیا گیا۔

4. 15 دسمبر 2017ٹرسٹ کا مالک نہیں، میں تو اس کا تاحیات بینیفیشل اونر ہوں!

   جہانگیر ترین کی جانب سے عدالت میں جمع کروائے گئے تحریری جواب میں کہا گیا ہے کہ وہ ٹرسٹ کے مالک نہیں ہیں جبکہ ٹرسٹ ڈیڈ میں یہ واضح طور لکھا ہے کہ جہانگیر ترین اس کے تاحیات بینیفیشل اونر ہیں۔

   

   ،تصویر کا ذریعہGetty Images

5. 15 دسمبر 2017بنی گالہ کی رہائش گاہ کا معاملہ

   گذشتہ سال عمران خان نے اپنے جمع کرائے گئے گوشواروں میں کہا تھا کہ زمین انھیں جمائما خان نے تحفتاً دی ہے لیکن بعد میں انھوں نے موقف اختیار کیا کہ زمین انھوں نے خود خریدی ہے۔ اس کے بعد عمران خان نے کہا کہ انھوں نے 300 ایکڑ پر محیط زمین خریدنے کے لیے اپنی بیوی سے پیسے قرض کے طور پر لیے تھے جس کے پیسے انھوں نے لندن فلیٹ کی فروخت کے بعد واپس کر دیے تھے۔

   

   ،تصویر کا ذریعہGetty Images

6. 15 دسمبر 2017الزامات پر عمران خان کا جواب

   عمران خان نے لگائے گئے الزامات کے بارے میں کہا ہے کہ ان کا آف شور کمپنی نیازی سروس لمیٹیڈ سے کوئی تعلق نہیں تھا اور وہ کمپنی صرف ان کے لندن فلیٹ سے متعلق تھی۔ عمران خان کی جانب سے کہا گیا کہ فلیٹ کی فروخت کے بعد اس کمپنی سے ان کا تعلق ختم ہو گیا تھا۔ساتھ ساتھ لندن میں ہونے کی وجہ سے اس فلیٹ پر لگائئے گئے ٹیکس کا پاکستان سے کوئی تعلق نہیں تھا۔

   

   ،تصویر کا ذریعہGetty Images