عمران نااہلی سے بچ گئے، جہانگیر نااہل: کب کیا ہوا؟

لائیو کوریج

1. 15 دسمبر 2017بریکنگ, عمران خان نا اہل نہیں

   

   پاکستان کی سپریم کورٹ نے عمران خان کی اہلیت کے حوالے سے دائر درخواست مسترد کر دی ہے۔ یہ درخواست اثاثوں کے حوالے سے غلط بیانی پر مسلم لیگ ن کے حنیف عباسی نے دائر کی تھی۔

   عمران خان کے خلاف درخواست مسترد کرتے ہوئے فیصلے میں کہا گیا ہے کہ عمران خان نیازی سروسز کے ڈائریکٹر نہیں تھے اور انھوں نے ایمنٹسی سکیم میں یہ کمپنی ظاہر بھی کر دی تھی۔

   فیصلے میں کہا گیا ہے کہ بنی گالہ کی جائیداد کے بارے میں عمران خان نے تمام تفصیلات فراہم کی ہیں اس لیے ان کی نااہلی نہیں بنتی

2. 15 دسمبر 2017تاخیر پر معذرت

   سپریم کورٹ اپنا فیصلہ ڈیڑھ گھنٹے کے بعد سنا رہی ہے۔ چیف جسٹس نے تاخیر ہونے پر معذرت بھی کی ہے۔

3. 15 دسمبر 2017بریکنگ, ’فیصلہ تحمل سے سنا جائے‘

   چیف جسٹس آف پاکستان عمران خان کی اہلیت کے حوالے سے فیصلہ سنا رہے ہیں۔ چیف جسٹس نے کہا کہ ایک صفحے میں غلطی تھی جس کی وجہ سے 250 صفحے ہڑھنے پڑے۔

4. 15 دسمبر 2017بریکنگ, فیصلہ سنایا جا رہا ہے

   سپریم کورٹ کی جانب سے عمران خان اور جہانگیر ترین کی اہلیت کے حوالے سے فیصلہ سنایا جا رہا ہے۔

5. 15 دسمبر 2017کارکنان کو ٹنڈو محمد خان جانے کی ہدایت

   نامہ نگار سحر بلوچ کے مطابق کراچی کے ہوٹل موون پک کے باہر صرف میڈیا موجود ہے کیونکہ پارٹی کے کارکنان کو ہدایت کی گئی تھی کہ وہ ٹنڈو محمد خان کےلیےجالیں۔ واضح رہے کہ تحریک انصاف کے رہنما عمران خان فی الوقت کراچی میں واقع ہوٹل موون پک میں قیام کیے ہوئے ہیں۔

   

6. 15 دسمبر 2017بریکنگ, جج صاحبان کمرۂ عدالت میں پہنچ گئے

   چیف جسٹس ثاقب نثار سمیت سپریم کورٹ کے تین رکنی بینچ کے تینوں ارکان کورٹ روم نمبر 1 میں پہنچ گئے ہیں جو کہ کھچا کھچ بھرا ہوا ہے

7. 15 دسمبر 2017ایک گھنٹہ گزر گیا مگر فیصلہ نہیں آیا

   سپریم کورٹ نے عمران خان اور جہانگیر ترین کی اہلیت کے حوالے سے فیصلہ سنانے کے لیے دوپہر دو بجے کا وقت مقرر کیا تھا تاہم ایک گھنٹے سے زیادہ وقت ہو چکا ہے اور فیصلہ نہیں آیا۔

8. 15 دسمبر 2017’مائی لارڈ یہ میاں بیوی کا آپس کا معاملہ ہے ‘

   گذشتہ مئی میں اسی کیس کی سماعت کے دوران ایک موقع پر جب عدالت نے نعیم بخاری سے پوچھا کہ ان کے موکل کی سابقہ بیوی جمائما خان نے بنی گالہ میں خریدی گئی اراضی سے زائد رقم کیوں بھیجی تو ان کا کہنا تھا کہ مائی لارڈ یہ میاں بیوی کا آپس کا معاملہ ہے اور میں کیسے ان سے پوچھ سکتا ہوں کہ انھوں نے زیادہ رقم کیوں بھجوائی ہے؟اس یادگار سماعت کا حال پڑھنے کے لیے یہاں کلک کریں۔

   http://bbc.com.im/urdu/pakistan-40095024%3C/p%3E%3C/div%3E%3Cfigure class="mediaStyles css-1ckhn36">

   

   ،تصویر کا ذریعہGetty Images

9. 15 دسمبر 2017بریکنگ, ’سوشل میڈیا پہ گردش کرنے والی تصاویر پرانی‘

   پاکستان تحریک انصاف کے سندھ کے میڈیا کوآرڈینیٹر جاوید اعوان نے بی بی سی کی سحر بلوچ کو بتایا کہ سوشل میڈیا پہ عمران خان اور جہانگیر ترین کی گردش کرنے والی تصویریں پرانی ہیں۔ واضح رہے ان تصاویر میں دونوں رہنما عبادت کرتے اور دعائیں مانگتے ہوئے دیکھے جاسکتے ہیں۔

10. 15 دسمبر 2017سپریم کورٹ کے کمرہ نمبر ایک کی تاریخ

    

    ،تصویر کا ذریعہGetty Images

    سپریم کورٹ کے کمرہ نمبر ایک کے بارے میں مزید پڑھیے

11. 15 دسمبر 2017کمرہ عدالت کے باہر بڑھتی بے چینی

    

    عدالت کے باہر موجود نامہ نگار شیراز حسن کے مطابق فیصلے کے انتظار میں بے چینی بڑھتی جارہی ہے۔ کچھ دیر پہلے تک تو مسلم لیگ ن اور پاکستان تحریک انصاف کے کارکنان نعرے بازی کررہے تھے البتہ اب وہاں بھی خاموشی پائی جاتی ہے ۔

12. 15 دسمبر 2017’فیصلہ خلاف آنے کا امکان نہیں ہے‘

    پاکستان تحریکِ انصاف کے رہنما عمران اسماعیل کا کہنا ہے کہ فیصلہ ان کے خلاف آنے کا کوئی امکان دکھائی نہیں دیتا۔ انھوں نے کہا کہ عمران خان نے جتنی دستیاب دستاویزات تھیں عدالت میں پیش کر دی۔

13. 15 دسمبر 2017’مٹھائی پہنچ گئی ہے‘

    نامہ نگار ریاض سہیل نے بتایا ہے کہ کراچی کے موون پک ہوٹل جہاں عمران خان اس وقت موجود ہیں، وہاں پی ٹی آئی کے کارکن مٹھائی لے کر پہنچ گئے ہیں۔

    

14. 15 دسمبر 2017’عمران کیس کے فیصلے کا انتظار کر رہے ہیں‘

    کراچی سے نامہ نگار سحر بلوچ نے بتایا کہ فرید سمین محمد شامل ویئت جیٹ ایئر لائن کے پائلٹ ہیں۔ ان کا تعلق سری لنکا سے ہے۔ وہ کراچی کے اس ہوٹل کی تیسری منزل پر ٹھہرے ہوئے ہیں جہاں عمران خان بھی ٹھہرے ہوئے ہیں۔ جب ان کو معلوم چلا کہ سابق کرکٹر عمران خان بھی اسی ہوٹل کے نویں فلور پر ہیں تو وہ ان سے ملنے گئے لیکن میڈیا کوآرڈینیٹر نے ان کو یہ کہہ کر نہ ملنے دیا کہ ’عمران کیس کے فیصلے کا انتظار کر رہے ہیں‘۔

15. 15 دسمبر 2017عمران خان کے حق میں فیصلے کے لیے دعائیہ تقریبات

    نامہ نگار سحر بلوچ نے بتایا کہ پاکستان تحریکِ انصاف کے چیئرمین عمران خان کے حق میں فیصلہ آنے کے سلسلے میں پی ٹی آئی رہنما حلیم عادل شیخ کے گھر قرآن خوانی و دعائیہ تقریب کا انعقاد کیا گیا۔

    اس کے علاوہ پی ٹی آئی کے اقلیتی ونگ سندھ کے صدر جے پرکاش اکرانی کے گھر پر بھی پراتھنا کا اہتمام کیا گیا۔

    

16. 15 دسمبر 2017

    

17. 15 دسمبر 2017’گو عمران گو‘

    نامہ نگار شیراز حسن نے بتایا ہے کہ مقدمے کے مدعی اور مسلم لیگ کے رکنِ قومی اسمبلی سپریم کورٹ پہنچ چکے ہیں اور عدالت کے باہر ن لیگ کے کارکنان ’گو عمران گو‘ کے نعرے لگا رہے ہیں۔

18. 15 دسمبر 2017

    

19. 15 دسمبر 2017عمران، جہانگیر نااہلی کیس کے اہم نکات

    عمران خان اور جہانگیر ترین کے خلاف نااہلی کیس کے اہم نکات جاننے کے لیے یہاں کلک کریں۔

20. 15 دسمبر 2017