کرکٹ ورلڈ کپ 2019 میں لارڈز کے میدان میں ہونے والے میچ میں پاکستان نے بنگلہ دیش کو 94 رنز سے ہرا دیا ہے۔ شاہین آفریدی نے عمدہ بولنگ کرتے ہوئے چھ کھلاڑیوں کو آؤٹ کیا۔
امام الحق نے سنچری مکمل کرنے کے فورا بعد ایک شاٹ کھیلتے ہوئے پاؤں وکٹوں میں مارا اور اس طرح ہٹ وکٹ آؤٹ ہو گئے۔ حارث سہیل کھیلنے کے لیے آئے ہیں۔ نامہ نگار عبدالرشید شکور کے مطابق امام الحق ورلڈ کپ میں مصباح الحق کے بعد ہٹ وکٹ ہونے والے دوسرے پاکستانی بیٹسمین ہیں۔
امام الحق نے ورلڈ کپ میں اپنی پہلی سنچری مکمل کر لی ہے۔ امام الحق نے 23 سال کی عمر میں لارڈزکے میدان میں سنچری بنا کر اپنا نام لارڈز کی ہسٹری بک میں درج کروا لیا ہے۔ امام الحق ورلڈ کپ میں سب سے کم عمر سنچری بنانے والے کھلاڑی بن گئے۔ سلیم ملک نے24 برس کی عمر میں ورلڈ کپ میں سنچری سکور کی تھی۔
،تصویر کا ذریعہGetty Images
پاکستان نے 36 اووروں میں دو وکٹوں کے نقصان پر 204 رنز بنائے ہیں۔ امام الحق نے 77 گیندوں پر 79 رنز بنا کر کریز پر موجود ہیں۔محمد حفیظ آٹھ رنز بنا کر کھیل رہے ہیں۔
پاکستان نے 35 اووروں میں دو وکٹوں کے نقصان پر 197 رنز بنائے ہیں۔ امام الحق 78 اور محمد حفیظ 2 رنز بنا کر کھیل رہے ہیں۔
بابر اعظم ایک ورلڈ کپ میں سب سے زیادہ رنز بنانے والے پاکستانی بیٹسمین بن گئے۔ انھوں نے 2019 کے جاری ورلڈ کپ میں 67.71 کی اوسط سے 474 رنز بنائے ہیں جن میں ایک سنچری اور تین نصف سنچریاں شامل ہیں۔ ورلڈ کپ میں زیادہ رنز بنانے والے پاکستانیوں میں جاوید میانداد دوسرے نمبر پر ہیں۔ انھوں نے 1992 ورلڈکپ میں 437 رنز بنائے تھے۔ سعید انور 368 رنز کے ساتھ تیسرے نمبر پر ہیں۔
بابر اعظم 96 رنز بنا کر آؤٹ ہو گئے۔ بابر اعظم نے فوراً ریویو لیا لیکن تھرڈ امپائر نے فیلڈ امپائر کا فیصلہ برقرار رہا۔ محمد حفیظ کھیلنے کے میدان میں اترے ہیں۔
،تصویر کا ذریعہGetty Images
پاکستان نے ٹاس جیت کر پہلے کھیلتے ہوئے تیس اووروں میں ایک وکٹ کے نقصان 163 رنز بنائے ہیں۔ بابر اعظم 86 اور امام الحق 57 رنز بنا کر کھیل رہے ہیں۔
،تصویر کا ذریعہGetty Images
پاکساتان نے 26 اووروں میں ایک وکٹ کے نقصان پر136 رنز بنائےہیں ۔ بابر اعظم اور امام الحق نصف سنچریاں مکمل کر کے کھیل رہے ہیں۔
،تصویر کا ذریعہGetty Images
بنگلہ دیش کے فیلڈروں نے بابر اعظم کو آؤٹ کرنے کے دو سنہری موقع گنوا دیئے ہیں۔ پہلے مصدق حسین نے بابر اعظم کا نسبتاً آسان کیچ ڈراپ کیا اور پھروکٹ کیپر مشفیق الرحمن ایک کیچ نہ پکڑ سکے۔ یہ ڈراپ کیچ بنگلہ دیش کو انتہائی مہنگے پڑ سکتے ہیں۔
فخر زمان اس ورلڈ کپ میں صرف 26 کی اوسط سے 186 رنز سے بناسکے ہیں۔ فخر رمان کی واحد نصف سنچری انڈیا کے خلاف تھی جس میں وہ ایک انوکھا شاٹ کھیلنے کی کوشش میں آؤٹ ہو گئے تھے۔
،تصویر کا ذریعہGetty Images
بابر اعظم نے ایک خوبصورت کور ڈرائیو لگا کر ٹورنامنٹ میں اپنی چوتھی نصف سنچری مکمل کر لی ہے۔ بابر اعظم ایک سنچری بھی بنا چکے ہیں۔
،تصویر کا ذریعہGetty Images
پاکستان نے ابتدائی 22 اووروں میں ایک وکٹ کے نقصان پر 103 رنز بنائے ہیں۔ بابر اعظم 48 اور امام الحق 37 رنز بنا کر کھیل رہے ہیں۔
،تصویر کا ذریعہGetty Images
پاکستان نے ابتدائی21 اوورو ں میں ایک وکٹ کے نقصان پر 98 رنز بنائے ہیں۔ بابر اعظم 45 اور امام الحق 35 رنز بنا کر کھیل رہے ہیں۔
یہ اس ٹیم کی طرف سے ایک ’بیزارکن‘ آغاز ہے جو 400 رنز بنانے کی کوشش کر رہی ہے۔
پاکستان نے ٹاس جیت کر پہلے کھیلتے ہوئے ابتدائی 18 اووروں میں ایک وکٹ کےنقصان پر 84 رنز بنائے ہیں۔ بابر اعظم 36 اور امام الحق 28 رنز بنا کر کریز پر موجود ہیں۔
رواں ٹورنامنٹ میں ورلڈ ریکارڈ قائم کرنے والے شکیب الحسن بولنگ کے لیے آئے ہیں۔ شکیب الحسن رواں ٹورنامنٹ میں 542 رنز بنا چکے ہیں۔ شکیب دنیا کے واحد کھلاڑی ہیں جنہوں نے ایک ورلڈ کپ کے دوران پانچ سو رنز اور دس سے زیادہ وکٹیں حاصل کی ہوں۔
،تصویر کا ذریعہGetty Images
پاکستان نے ٹاس جیت کر پہلے کھیلتے ہوئے ایک وکٹ کے نقصان پر 50 رنز بنائے ہیں۔ بابر اعظم اور امام الحق کریز پر موجود ہیں۔ بابر اعظم کے کریز پر آنے کے بعد پاکستان کے رنز بنانے کی رفتار بہتر ہو گئی ہے۔ بابر اعظم 22 گیندوں پر 23 رنز بنا کر کھیل رہے ہیں۔
،تصویر کا ذریعہGetty Images
پاکستان نے پہلے بیٹنگ کرتے ہوئے ابتدائی دس اووروں میں ایک وکٹ کے نقصان پر 38 رنز بنائے ہیں۔ بنگلہ دیشی سپن بولر مہدی حسن نے اپنے پانچ اووروں میں صرف نو رنز دیے۔
پاکستان کا ایک روزہ میچوں میں پہلے بیٹنگ کرتے ہوئے سب سے زیادہ سکور 399 ہے۔
پاکستان نے ٹاس جیت کر پہلے بیٹنگ کرتے ہوئے ابتدائی نو اووروں میں ایک وکٹ کے نقصان پر31 رنز بنائے ہیں۔ بنگلہ دیش نے آف سپنر مہدی حسن اور میڈیم پیس بولر سیف الدین سے بولنگ شروع کی۔ دنوں بولر پاکستانی بیٹسمینوں کو کھل نہیں کھیلنے دے رہے۔
،تصویر کا ذریعہGetty Images
