پاکستان کی سپریم کورٹ نے وزیر اعظم نواز شریف اور ان کے اہل خانہ کے خلاف دائر پاناما کیس کے فیصلے میں وزیر اعظم میاں نواز شریف کو نااہل قرار دیا ہے جس کے بعد نواز شریف وزیر اعظم کی ذمہ داریوں سے سبکدوش ہو گئے ہیں۔
سپریم کورٹ نے اپنے فیصلے میں قومی احتساب بیورو کو حکم دیا ہے کہ اسلام آباد اور راولپنڈی کی احتساب عدالتوں میں چھ ہفتوں کے اندر چار ریفرنس دائر کرے۔
ان میں سے ایک ریفرنس مریم نواز کے خلاف اور ایک مریم نواز کے شوہر کیپٹن صفدر کے خلاف درج کیا جائے۔
،تصویر کا ذریعہAFP
پاکستان تحریک انصاف کے ترجمان فواد چوہدری کا کہنا ہے کہ اس فیصلے کے بعد اب کوئی بھی وزیر نہیں رہا ’سب سابق وزیر ہیں۔‘
وفاقی دارالحکومت اسلام اباد میں پاناما کیس سے متعلق فیصلہ آنے کے بعد جگہ جگہ جشن منایا جا رہا ہے اور میٹھائیاں تقسیم کی جا رہی ہیں۔
،تصویر کا ذریعہbbc
پاناما کیس میں سپریم کورٹ کا فیصلہ آنے کے بعد پاکستان تحریک انصاف کے رہنما جہانگیر ترین نے کہا ہے کہ عمران خان نے کبھی بھی ہمت نہیں ہاری ہے۔
اسلام آباد میں میڈیا سے بات کرتے ہوئے ان کا کہنا تھا کہ نواز شریف کو عدالت کا فیصلہ ماننا ہو گا۔
جہانگیر ترین کے مطابق یہ جمہوریت کے لیے بہترین وقت ہے۔
ان کا مزید کہنا تھا کہ یہ پی ٹی آئی اور اس کے کارکنوں کی کاوش کا نتیحہ ہے اور اب ہم بنی گالا جا کر شکرانے کے نفل ادا کریں گے۔
،تصویر کا ذریعہAFP
جماعت اسلامی کے سربراہ سراج الحق نے سپریم کورٹ کے فیصلے کے بعد کہا ہے آج ہم سپریم کورٹ سے سرخرو ہو کر نکل رہے ہیں۔
ان کا کہنا تھا کہ آج 35 سالہ بادشاہت کا خاتمہ ہو گیا ہے۔
سراج الحق کے مطابق ہم کرپشن کے خلاف جدوجہد کر رہے ہیں۔
انھوں نے قانون اور آئین کی بالادستی، جے ٹی آئی اور ساتھی ورکروں کا ساتھ دینے پر شکریہ ادا کرتا ہوں۔
نامہ نگار شہزاد ملک نے بتایا کہ عدالت نے اپنے فیصلے میں حکم دیا ہے کہ احتساب عدالتیں ان ریفرنس کا فیصلہ چھ ماہ کے اندر کریں۔
اس کے علاوہ سپریم کورٹ کے چیف جسٹس سے درخواست کی گئی ہے کہ ایک جج کو تعینات کیا جائے گا جو قومی احتساب بیورو کی ان ریفرنس کی کارروائی کی نگرانی کریں گے۔
نامہ نگار شہزاد ملک نے بتایا کہ سپریم کورٹ نے اپنے فیصلے میں قومی احتساب بیورو کو حکم دیا ہے کہ اسلام آباد اور راولپنڈی کی احتساب عدالتوں میں چھ ہفتوں کے اندر چار ریفرنس دائر کرے۔
ان میں سے چار میاں نواز شریف اور ان کے بیٹے حسن نواز اور حسین نواز کے خلاف، ایک مریم نواز کے خلاف اور ایک مریم نواز کے شوہر کیپٹن صفدر کے خلاف درج کیا جائے۔
انھوں نے مزید کہا کہ ایک ریفرنس وزیر خزانہ اسحاق ڈار کے خلاف بھی ریفرنس دائر کیا جائے۔
فیصلے کے مطابق وزیراعظم نواز شریف کو آئین کی شق 62 اور 63 کے مطابق صادق اور امین نہ رہنے پر نااہل قرار دیا گیا ہے۔
،تصویر کا ذریعہAFP
پاکستان کی سپریم کورٹ نے پاناما کیس کا فیصلہ سناتے ہوئے وزیر اعظم پاکستان کو نا اہل قرار دے دیا ہے۔
پانچ رکنی بینچ نے فیصلہ سناتے ہوئے کہا کہ میاں نواز شریف فوری طور پر وزیر اعظم نہیں رہے ہیں۔
عدالت عظمیٰ نے الیکشن کمیشن کو حکم دیا کہ اس حوالے سے ڈی نوٹیفائی کرنے کی کارروائی کا آغاز کرے۔
عدالت کے باہر موجود پاکستان تحریک انصاف کے کارکنوں اور وزرا نے فیصلہ آنے کے فوراً بعد جشن منانا شروع کر دیا، اور اعلان کیا ہے کہ وہ بنی گالہ جا کر بھر پور جشن منائیں گے۔
نئے پاکستان کی بنیاد رکھ دی گئی ہے۔ یہ وہی پاکستان ہے جس کے عوام منتظر ہیں۔ جمہوری نظام کا صحیح طریقے سے چلنا ضروری ہے اور ہم اپنی ذمہ داری صحیح طریقے سے پوری کریں گے۔
عدالت نے نیب کو نواز شریف کے علاوہ وزیرِ خزانہ اسحاق ڈار، مریم نواز، حسن نواز، حسین نواز اور کیپٹن صفدر کو شاملِ تفتیش کرنے اور ان کے خلاف ریفرنس بھیجنے کا حکم دیا ہے
،تصویر کا ذریعہAFP
پاکستان تحریک انصاف کے رہنما شاہ محممود قریشی نے سپریم کورٹ کا فیصلہ آنے کے بعد کہا ہے کہ عمران خان بنی گالہ میں شکرانے کے نوافل ادا کر رہے ہیں۔
پاناما کیس میں سپریم کورٹ کا فیصلہ آنے کے بعد پاکستان تحریک انصاف کے کارکنان مٹھائیاں بانٹ رہے ہیں۔
،تصویر کا ذریعہaf
سپریم کورٹ کے پانچ رکنی بینچ نے اپنے متفقہ فیصلے میں وزیر اعظم نواز شریف کو نااہل قرار دے دیا ہے۔
سپریم کورٹ کے پانچ ججوں پر مشتمل بینج نے پاناما کیس سے متعلق اپنا فیصلہ سنانا شروع کر دیا ہے۔
سپریم کورٹ کے پانچ ججوں پر مشتمل بینج پاناما کیس سے متعلق اپنا فیصلہ سنانے کے لیے بیٹھ گیا ہے۔ ان ججز میں جسٹس اعجاز الاحسن، جسٹس اعجاز افضل اور جسٹس عظمت سعید شیخ کے علاوہ جسٹس آصف سعید کھوسہ اور جسٹس گلزار احمد بھی شامل ہیں۔
پاکستان تحریکِ انصاف کی جانب سے کراچی میں پاناما کیس کا فیصلہ آنے سے قبل قرآن خوانی کی گئی۔
پی ٹی آئی رہنما حلیم عادل شیخ نے عادل ہاؤس میں قرآن خوانی کا اہتمام کیا۔
اس موقع پر بات کرتے ہوئے حليم عادل شيخ نے کہا ’آج پوری قوم کی ایک ہی دعا گو نواز گو‘
پاکستان پیپلز پارٹی کی سابق رکن جنھوں نے حال ہی میں پاکستان تحریک انصاف میں شمولیت اختیار کی، پاناما کیس کا فیصلہ سننے کے لیے سپریم کورٹ پہنچ گئی ہیں۔
پنجاب کے شہر لاہور میں پاکستان تحریک انصاف کے سیکریٹیریٹ میں جماعت کی خواتین مٹھائی کے ٹوکرے کے ہمراہ فیصلے کے انتظار میں ہیں۔
