BBC News, اردو
مواد پر جائیں

اسرائیلی فوج نے حزب اللہ کے مُمکنہ سربراہ ہاشم صفی الدین کو ہلاک کر دیا ہے: نیتن یاہو

اسرائیل کے وزیر اعظم نیتن یاہو نے کہا ہے کہ ’وہ اپنے لوگوں کو بحفاظت وطن واپس لانے اور حزب اللہ کو ختم کرنے کے لیے جو بھی ضروری ہوگا کریں گے۔‘ حزب اللہ کا کہنا ہے کہ اُن کی جانب سے منگل کے روز شمالی اسرائیل کے شہروں حیفہ اور کریوت پر 100 سے زائد راکٹ داغے گئے۔

خلاصہ

  • اسرائیلی فوج نے حزب اللہ کے مُمکنہ سربراہ ہاشم صفی الدین کو ہلاک کر دیا ہے: نیتن یاہو
  • بیروت کے میئر نے بی بی سی کو بتایا کہ گزشتہ چند ہفتوں کے دوران اسرائیلی حملوں نے بیروت میں ’کوئی محفوظ جگہ‘ نہیں چھوڑی۔
  • حزب اللہ کے حیفہ پر راکٹ حملے میں سات اسرائیلی زخمی، غزہ میں اسرائیلی کارروائی میں 56 فلسطینی ہلاک
  • لبنانی حکومت کا کہنا ہے کہ اسرائیلی حملوں سے بچنے کے لیے چار لاکھ سے زیادہ لوگ شام نقل مکانی کر چکے ہیں۔
  • اسرائیلی فوج نے منگل کے روز علی الصبح کیے گئے ایک حملے میں حزب اللہ کے کمانڈر سہیل حسین الحسینی کو ہلاک کرنے کا دعویٰ کیا ہے۔

لائیو کوریج

  1. گذشتہ روز کی اہم خبریں

    • اتوار کی شب ایران نے ملک کے ہوائی اڈوں سے تمام پروازوں کو منسوخ کردی تھیں۔ ایران کے مطابق پروازیں منسوخ کرنے کے حکم کا اطلاق مقامی وقت کے مطابق اتوار کی رات نو بجے سے سوموار کی صبح چھ بجے تک تھا۔
    • لبنان میں اسرائئلی حملوں کے باعث صورتحال کشیدہ ہے اور ایسے میں لبنان کے وزیر تعلیم نے نئے تعلیمی سال کے آغاز کو موخر کرنے کا اعلان کر دیا ہے۔ لبنان کے وزیر تعلیم کے مطابق اس عمل سے 10 لاکھ سے زائد طلبا متاثر ہوں گے۔
    • جنوبی اسرائیل کے شہر بیر شیبہ میں فائرنگ کے نتیجے میں ایک خاتون پولیس اہلکار ہلاک اور 10 دیگر زخمی ہو گئے ہیں۔ حملہ بیر شیبہ کے مرکزی بس سٹیشن ٹرمینل کے اندر واقع میکڈونلڈ کے قریب ہوا۔
    • حزب اللہ نے دعویٰ کیا ہے کہ عراق کے اسلامی مزاحمتی گروہ (اسلامک ریزیسٹینس گروپ) نے گذشتہ روز صبح سویرے اسرائیل کے زیر قبضہ گولان کی پہاڑیوں میں تین اہداف پر ڈرون حملے کیے تھے۔

  2. بی بی سی کے لائیو پیج میں خوش آمدید!

    مشرق وسطیٰ سمیت دنیا بھر کی اہم خبروں اور تجزیوں کے متعلق جاننے کے لیے بی بی سی کی لائیو پیج کوریج جاری ہے۔

    گذشتہ روز تک کی خبریں جاننے کے لیے یہاں کلک کیجیے۔