ህንዲ፡ ህቦቡላ ፋኒ ኣብ ምብራቓዊ ህንዲ ከጥቅዕ ጀሚሩ

ኣሽሓት ሰባት ኣብ መዕቆቢ ቦታታት ኣጽሊሎም ይርከቡ

ምንጪ ስእሊ, AFP

መግለጺ ስእሊ, ኣሽሓት ሰባት ኣብ መዕቆቢ ቦታታት ኣጽሊሎም ይርከቡ
Published
ንባብ: 1 ደቓይቕ

ፋኒ ዝተሰመየ ብርቱዕ ህቦቦላ ዝተሓወሶ ዝናብ ኣብ ምብራቓዊ ገማግም ህንዲ ከጥቕዕ ከም ዝጀመረ ኣገልግሎት ትንበያ ኩነታት ኣየር እታ ሃገር ሓቢሩ።

እዚ ኣብ ስዓት 195 ኪሎ ሜተር ዝሕምበብ ዘሎ ንፋስ ምስ ምሉእ ሓይሉ'ዩ ኣብ ምብራቓዊ ገማግም ህንዲ በጺሑ ዘሎ።

ካብታ ብሓያል ክትጥቃዕ ትጽቢት ዝግበረላ ዞባ ኡዲሻ፡ ልዕሊ ሓደ ሚልዮን ሰባት ናብ ውሑስ ቦታ ይግዕዙ ኣለዉ።

ብዙሓት ካልኦት ዞባታት'ውን ኣብ ተጠንቀቕ ክጸንሓ ተነጊርወን ኣሎ።

Skip X post
ንትሕዝቶ X ተፍቅድ ዶ?

እዚ ጽሑፍ ካብ X ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ X ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

Warning: Third party content may contain adverts

End of X post

ህቦቡላ ፋኒ ኣብ ኡዲሻ ጥራይ፡ መስሕብ በጻሕቲ ዝኾነት ከተማ ፑሪን፡ 858 ዓመት ዝዕድሚኡ ቤት መቅደስ ጃጋናታህ ዝርከበን 15 ቀበሌታት ክጥቐዓ ትጽቢት ኣሎ።

ኣብ ምብራቓዊ ገማገም ህንዲ ዝርከባ ሰለስተ ወደባት፡ ብዙሕ በረራታትን ናይ ባቡር መጓዝያን ተቋሪጹ ይርከብ።

መንግስቲ ብሓይሊ ሓይሊ ባሕርን ሓይሊ ኣየርን ካልኦት ውሃብቲ ኣገልግሎታትን ተሓጊዙ ንግዳያት ኣብ ምሕጋዝ ይነጥፍ ምህላዉ ክፍለጥ ተኻኢሉ'ሎ።

858 ዓመት ዝዕድሚኡ ቤት መቅደስ ጃጋናታህ

ምንጪ ስእሊ, Getty Images

መግለጺ ስእሊ, 858 ዓመት ዝዕድሚኡ ቤት መቅደስ ጃጋናታህ

ህቦቡላ፡ ኣብ ዝሓለፈ ሳላሳ ዓመታት ንራባዓይ ግዚኡ'ዩ ንምብራቃዊ ገማግም ህንዲ ዘጥቅዕ ዘሎ።

ኣብ 2017 ህቦቡላ ኦክሂ ዝተብሃለ ልዕሊ 200 ሰባት ክቀትል እንከሎ፡ ኣብ ዝሓለፈ ዓመት ወርሒ ጥቅምቲ'ውን ኣብ ዞባ ኦሪሳ ተመሳሳሊ ህቦቡላ ብምኽሳቱ ብዙሓት ሰባት ካብ ቤት ንብረቶም ተመሳዘቢሎም'ዮም።

እቲ ክሳብ ሕጂ ዝኸፈአ ዝተብሃለሉ ከኣ ኣብ 1999 ዘጋጠመ ህቦቡላ ኮይኑ በቲ ሽዕኡ ዝነበረ ህቦቡላ ኣስታተ 10,000 ህንዳውያን ምሟቶም ይዝከር።