మూడు రాష్ట్రాల్లో గెలుపు దిశగా ట్రంప్
ఫొటో సోర్స్, Getty Images
మరో మూడు రాష్ట్రాలలో ట్రంప్ ఆధిక్యంలో ఉన్నారు. లూసియానా, నెబ్రాస్కా, యూటా రాష్ట్రాల్లో ఆయన గెలుపు దిశగా వెళ్తున్నట్లు ఓటింగ్ సరళి చెబుతోంది.
2016లో ఈ మూడు రాష్ట్రాల్లోనూ ట్రంప్ విజయం సాధించారు.
గత ఐదు అధ్యక్ష ఎన్నికల్లోనూ దక్షిణ రాష్ట్రం లూసియానాలో రిపబ్లికన్లే విజయం సాధించారు. అంతకుముందు రెండుసార్లు బిల్ క్లింటన్ ఇక్కడ గెలిచారు.
2016లో యూటాలో 46 శాతం ఓట్లతో ట్రంప్ విజయం సాధించారు.
ఎలక్టోరల్ కాలేజీ ఓట్లు చీలే అవకాశమున్న రెండు రాష్ట్రాల్లో నెబ్రాస్కా కూడా ఒకటి. అయితే 2016 ఎన్నికల్లో ఐదు ఎలక్టోరల్ కాలేజీ ఓట్లూ ట్రంప్కే వెళ్లాయి.
