Mzozo wa Ukraine: Siku ya saba ya uvamizi wa Urusi kwenye ramani

Usomaji maandishi tu kupunguza gharama za data

Iliyochapishwa 2 Machi 2022

Wiki moja baada ya Urusi kuvamia Ukraine, vikosi vyake vimepiga hatua kuingia nchini humo lakini kufikia sasa havijafanikiwa kuuteka mji mkuu Kyiv na miji mingine mikubwa.

Haya ndio matukio ya hivi punde siku hiii ya saba tangu uvamizi huo ulipoanza:

Wanajeshi wa Urusi wanaotumia parachuti wametua Kharkiv- mji wa pili kwa ukubwa nchini Ukraine
Wizara ya Ulinzi ya Urusi pia imedai kuteka bandari ya kusini ya Kherson.
Urusi imewaomba wakazi kuondoka Kyiv kabla ya kufanyika kwa shambulio la kupangwa dhidi ya jiji hilo.
Msafara wa magari ya vita ya umbali wa maili 40 umesalia kaskazini mwa Kyiv.

Urusi ilianzisha mashambulizi yake mapema Alhamisi iliyopita kutoka pande tatu kuu: kaskazini, kusini na mashariki.

Tangu wakati huo, wanajeshi wake wamemiminika nchini Ukraine na maeneo kadhaa yamelipuliwa kwa mizinga kutoka angani.

Kupigania Kyiv

Wanajeshi wa Urusi wamekuwa wakielekea mjini Kyiv kutoka upande wa kaskazini, ingawa juhudi hizo zimefifia katika kipindi cha saa 24 zilizopita.

Msafara huo wenye urefu wa maili 40 ulionaswa katika picha za satelaiti umetatizwa na magari yaliyoharibika, kulingana na wachambuzi.

Lakini mji mkuu umekubwa na mashambulio kadhaa kutoka angani.

Siku ya Jumanne, wanajeshi wa Urusi walishambulia mnara wa Televisheni mjini Kyiv, kuua watu watano na kukatiza matangazo ya vituo kadhaa ya habari.

Skip Iliyosomwa zaidi and continue reading

Iliyosomwa zaidi

End of Iliyosomwa zaidi

Uwanja wa ndege wa Hostomel umeshhudia makabiliano makali na kudhibitiwa na pande tofauti katika siku chache zilizopita, kulingana na Taasisi ya Mafunzo ya Vita (ISW).

Vikosi vya Urusi karibu na Obolon viungani mwa Kyiv siku ya Ijumaa na mkabiliano yaliripotiwa kaskazini -magharibi mwa Kyiv mnamo wikendi.

Lakini kufikia sasa vifar vya Urusi na magari ya silaha hayajaonekana katika mji mkuu.

Urusi yaishambulia Ukraine:Mengi zaidi

Mashambulio kutoka kaskazini

Wanajeshi wa Urusi waliokuwa wakielekea Kyiv walivuka mpaka na kuingia Ukraine kwenye makutano ya njia tatu kati ya Ukraine, Urusi na Belarus, huko Senkivka.

Wizara ya Ulinzi ya Uingereza (MoD) siku ya Jumanne ilisema kwamba sehemu kubwa ya vikosi vya ardhini vya Urusi bado vimesalia zaidi ya kilomita 30 (maili 19) kutoka Kyiv.

Nguzo za kivita, ikiwa ni pamoja na mizinga na mifumo mingi ya kurusha roketi, zimeelekea Chernihiv, ambako zimekabiliwa na upinzani mkali kutoka Ukraine. Mji huo ulishambuliwa kwa makombora mazito kutoka kwa wanajeshi wa Urusi lakini bado uko mikononi mwa Ukraine.

Hatua ya pili, ya haraka zaidi imefika upande wa magharibi wa mto Dnieper kupitia Chernobyl, ikichukua udhibiti wa eneo kubwa kaskazini na magharibi mwa Kyiv.

Mashambulizi kutoka mashariki

Wanajeshi wa Ukraine wanasema wanajeshi wa Urusi wa kuruka kwa miavuli wametua mjini Kharkiv,kufuatia mashambulizi makali ya angani dhidi ya mji huo katika siku za hivi karibuni.

Siku ya Jumatano, meya wa jiji hilo amesema mashambulia hayo yaliwaua karibu watu 21 na kuwajeruhi wengine zaidi ya 100.

Athari ya mashambulio ya maroketi dhidi ya ofisi ya polisi ya kikanda mjini Kharkiv baada ya mashambulio ya makombora ya Urusi - Machi 2, 2022 — Maelezo ya picha, Athari ya mashambulio ya marokrti dhidi ya idara ya polisi ya kikanda mjini Kharkiv

Vikosi vya Urusi mara ya kwanza viliingia Kharkiv siku ya Jumapili lakini shambulio hilo lilidhibitiwa.

Picha ziliibuka zikionyesha wanajeshi wa Ukraine wakirusha makombora ya kurushwa kwenye kando ya barabara na wanajeshi wa Urusi, waliokuwa wakitembea kwa miguu, wakisonga nyuma ya magari ya kivita.

Ripoti zinasema kuwa mashambulizi ya makombora yameendelea karibu na Donetsk, ambayo imeshambuliwa na wanajeshi wanaovuka kutoka Belgorod magharibi mwa Urusi.

Wanadhaniwa kuwa karibwapiganaji 15,000 wanaoungwa mkono na Urusi huko Donetsk na Luhansk, ambao wanaweza kusaidia Urusi kusonga mbelee. Ukraine inaamini takwimu hiyo iko juuzaidi.

Mapigano pia yameendelea karibu na Sumy.

Mashambulizi kutoka kusini

Vikosi vya Urusi vimepiga hatua kubwa kutoka Crimeana magharibu na kuelekea Kherson kwenda Mariupol.

Wanajeshi wake walisemekana kuingia Kherson siku ya Jumanne usiku, huku wizara ya ulinzi ya Urusi ikidai kuwa iliuteka mji huo wa kusini Jumatano asubuhi.

Katika siku chache kabla ya uvamizi huo, Urusi ilitumia meli za kutua zenye uwezo wa kupeleka mizinga kuu ya vita, magari ya kivita na wafanyikazi, nje ya pwani ya Ukraine katika eneo kubwa la Bahari Nyeusi na Bahari ya Azov.