Wiki moja baada ya uasi wa Wagner, Warusi wanafikiria nini?

Imepita wiki moja tangu ghasia kubwa za mamluki wa Wagner nchini Urusi. Wakazi wa eneo la Rostov-on-Don inayokaliwa na Wagner kusini magharibi mwa nchi wanafikiria nini juu ya matukio ambayo yalitikisa nchi nzima?

Ndani ya masaa 24 za siku ya tarehe 23 Juni 23, mwanzilishi wa Wagner, Evgeny Prigozhin, alikuwa ameanzisha uasi , na kutuma askari wake katika jiji la watu milioni moja na kisha kwenda Moscow.

Urusi sasa ina sheria inayopiga marufuku ukosoaji wa kile inachoita "operesheni maalum za kijeshi." Kwa hivyo, BBC haiwezi kufichua utambulisho wa raia aliyejibu ombi hili.

Vadim (sio jina lake halisi) alikiambia kipindi cha BBC World Service cha The Weekend kuwa aliviona vikosi vya Wagner mjini.

"Nilitakiwa kuondoka nyumbani kwangu siku hiyo kwenda kufanya kuhemea. Majira ya saa 10 au 11 asubuhi, niliona watu wenye silaha wakifunga barabara. Tuliomba, lakini wapita njia waliweza kuendelea kutembea."

Vadim alipokuwa ameketi nyumbani kwake huko Rostov-on-Don, Anastasia (jina bandia) alikuwa akitembelea Moscow kutoka St.Petersburg.

"Tuliketi usiku wote kutazama habari pamoja, na tulipoamka asubuhi kulikuwa na habari zaidi," anakumbuka. "Ilikuwa kali."

Anastasia alikuwa akiishi katika nyumba ya rafiki yake kusini-magharibi mwa Moscow. Maandalizi yameanza mjini humo kwa ajili ya kuwasili kwa wanajeshi wa Wagner. Hakuogopa Wagner kuchukua Moscow. Badala yake, alisema alihisi wasiwasi kuhusu kutokuwa na uhakika wa hali hiyo.

"Mambo ambayo yalionekana kuwa si ya kweli yalikuwa yanaanza kutokea. Na sikujua ni nini kingetokea baadaye. Kutokuwa na uhakika huko kulikuwa kunatisha."

"Prigozhin alipoanza kuandamana kwenda Moscow, hapakuwa na hali ya matumaini, hakuna mtu aliyejua nini kitatokea.

"Matukio yote yalionekana kuwa mabaya sana. Kitu pekee ambacho kilinipa matumaini ni kwamba kilikuwa na kitu ambacho kilikaribia kubadilika. Na kisha kilikuwa kimekwisha."

Usiku wa tarehe 24 Juni, mwanzilishi wa Wagner alisitisha maandamano hayo na kuwaamuru watu wake warudi kituoni. Wanajeshi walikuwa kilomita 200 kutoka Moscow.

Wagner ilianza kujiondoa kutoka Rostov-on-Don mnamo tarehe 26.

Vadim alipofika nyumbani, marafiki zake wenye wasiwasi walipiga simu kuuliza iwapo yuko sawa. Aliamua kutotoka nje ya nyumba siku hiyo.

"Ningesema kwamba hisia siku hiyo ilikuwa ya tahadhari na hofu. Kila mtu alijua kwamba Prigozhin alikuwa na kitu, na Wagner ilikuwa maarufu kwa uhalifu wake katika nchi nyingi." "Wagner inajulikana kuua watu kwa nyundo, kwa hivyo niliogopa sana."

Vadim anahisi kwamba vita vya Ukraine vimebadilisha kabisa Rostov-on-Don. Alisema nchi hiyo imekuwa ya kijeshi zaidi, na hospitali nyingi za kijeshi na majeruhi wameongezeka zaidi.

"Mji huu uko karibu sana na maeneo ya vita na unaweza kuhisi hilo."

Kulingana na Vadim, maisha katika Rostov-on-Don yamerudi kawaida. Watu wanatania kuhusu kilichotokea wiki iliyopita.

"Sote tulisema kulikuwa na uasi siku ya Jumamosi (Juni 24), likizo siku ya Jumapili, moto kwenye mbuga ya wanyama siku ya Jumatatu, mvua kubwa na mafuriko siku ya Jumanne, na baadhi ya watu wakipigana kwa visu Jumatano.

Kuhusu hali ya kisiasa nchini Urusi, Vadim alisema hakuna utulivu tangu uvamizi wa Ukraine.

"Kwa maneno ya Chekhov, ikiwa unaning'iniza bastola ukutani katika Sheria ya 1, basi katika Sheria ya 2 unapaswa kupigwa risasi. Unavuna unachopanda, Kuna msemo, na hakuna kile ambacho hakikutarajiwa."