"Harakati za utupu": Kwa nini profesa huyu wa Cambridge huandamana akiwa mtupu?

Dk. Victoria Bateman anafundisha uchumi katika chuo cha Cambridge, mojawapo ya vyuo vikuu bora duniani.

Yeye pia ni mmoja wa wanaopinga, akionyesha kukerwa kwake dhidi ya sheria na kanuni mbalimbali ... akiwa mtupu.

“Wanapoona utupu wangu, husema, ‘Lazima ni kichaa, kichaa, si katika akili yangu timamu.’” Wakati huo, nataka kuwaambia, “Hapana, mimi ni mtu mwenye akili timamu".

Hata hivyo, kuonyesha kutoridhika akiwa katika hyali ya utupu ni suala la utata.

Kwa mujibu wake, tangazo la kitabu chake cha mwisho lilipigwa marufuku na "Amazon". Hii ni kwa sababu jalada la kitabu linachukuliwa kuwa la ngono sana.

Kulingana na yeye, marufuku hiyo iliondolewa baada ya upinzani mkali kwenye mitandao ya kijamii. Wanamtandao walionyesha kutoridhishwa na ukweli kwamba wanawake hawaruhusiwi kumiliki miili yao.

Kutoka mapinduzi ya ngono hadi udhibiti

Katika picha hiyo (hapo juu), mwili wake kamili hauonekani. Tumbo lake tupu na sehemu ya kifua vilionekana.

"Sidhani kama kuonyesha mwili wangu [katika kitabu] kunapunguza kile ninachosema," Bateman anaelezea.

"Historia inaonyesha kwamba kila kuongezeka kwa falsafa ya uliberali husababisha kuongezeka kwa mateso: utupu wa Zama za Kati ulisababisha ukuaji wa imani au kanuni za kundi la Waprotestanti wa Kiingereza.

Kulinda utupu

Huko Uingereza na Wales, hairuhusiwi kutembea mtupu bila nguo katika maeneo ya umma, lakini ni kinyume cha sheria ikiwa inafanywa kuwagusa au kuwashtua wengine. Kama mtu akilalamika, anapaswa kuelezea

Bateman anasisitiza kutofurahishwa kwake hakukuwa kwa fujo.

"Nia yangu sio kuvuruga utaratibu, lakini kuteka hisia kwenye suala hilo, kutokuwepo kwa wanawake katika uchumi, matokeo ya Brexit [kujiondoa kwa Uingereza kutoka Umoja wa Ulaya] kwa wanawake, ukiukwaji wa haki ya wanawake kumiliki miili yao wenyewe."

Mbali na kuwafanya watazamaji kufikiria juu ya uhusiano kati ya mavazi na heshima, kutofurahishwa kwa wazi kunavuta hisia za watu kwenye suala hilo, anasema.

Wanaharakati wanaopigania haki za wanyama wamekuwa wakifanya maandamano ya utupu kwa muda kama ishara ya kupinga matumizi ya manyoya.

Wanaharakati wa mazingira pia hufanya maandamano wakiwa watupu wakidai hatua kali dhidi ya mabadiliko ya hali ya hewa. Lakini katika siasa, maandamano ya utupu si maarufu sana.

Kutoka tabaka la wafanyikazi hadi tabaka la kati

Kulingana na Bateman, alizaliwa katika familia ya wafanyikazi kaskazini mwa Uingereza.

Alisoma katika shule ya umma, kisha akahitimu kutoka Cambridge.

Hivi karibuni, alimaliza shahada yake ya uzamili na PhD huko Oxford. Kisha akaanza kufundisha huko Cambridge.

Katika miaka yake ya ujana, kama wasichana wengi wa rika lake, alianza kwenda kwenye sherehe mbalimbali akiwa na sketi fupi na viatu virefu.

Anaamini kwamba mafanikio yake ya kielimu yalimsaidia kuhama kutoka tabaka la wafanyikazi hadi tabaka la kati. Katika tabaka la kati, wale wanaovaa waziwazi kama Bateman walidharauliwa.

Bateman hakupenda tabia hii. Mwanzoni mwa elimu yake, alilazimika pia kuvaa kwa heshima zaidi ili kudumisha sifa yake ya kiakili.

"Kwa nini nijali kile wanaume wengine wanachofikiria kunihusu? Kuna mambo muhimu zaidi kuliko hayo."

Kuficha uharibu uhuru

Pia kulikuwa na sababu za kiitikadi za uamuzi wake wa kuvua nguo zake.

“Kiukweli adabu ya wanawake inawadhuru, wanaume wana nguvu, unapombana mwanamke kuhusu thamani ya nguo zake inakupa nguvu ya kumwangusha chini, kumdharau, utamfanya mwanamke asiye na tabia utakazo wewe kama kipande cha nyama. ," aliiambia BBC.

Mtazamo huu husababisha aina mbalimbali za uonevu,” anasisitiza.

"Anaunga mkono sera na mila zinazokandamiza wanawake duniani kote - kuanzia kutengwa kwa wasichana shuleni nchini Afghanistan, kulazimishwa kuvaa hijabu na ubikira nchini Iran, mauaji ya heshima na kulipiza kisasi kwa filamu za ngono."

Mwanamitindo wa utupu

Miaka 10 iliyopita, aliamua "kuvuruga" kwa kutumia nafasi yake. Hivyo, alivua nguo zake mbele ya wasanii wa kike ili kuchora picha yake. Baada ya kujiamini, alifanya vivyo hivyo mbele ya wasanii wa kiume.

Picha na sanamu zilizochorwa baadaye zilionyeshwa.

"Niliona kwamba watu walioona picha yangu kwenye majumba ya sanaa walishtuka. Walishangaa kuwa mwanamke kwenye picha ni msomi."

Baadaye, alianza kutumia mwili wake kwa matakwa ya kisiasa na kuonyesha kutoridhika kwa umma.

Kama mchumi kitaaluma, hakupenda ukweli kwamba wanaume walitawala taaluma yake. Kwa mfano, ni wanawake wawili tu wameshinda Tuzo ya Nobel ya Uchumi.

Kulingana na yeye, ukosefu wa wachumi wa kike inamaanisha kuwa uchambuzi wa kiuchumi unatazamwa tu kwa mtazamo wa wanaume.

Mnamo 2018, alitaka kuleta suala hili kwenye mkutano mkubwa zaidi wa wachumi huko Uingereza. Aliingia kwenye chumba kilichojaa wanasayansi wakubwa akiwa mtupu kabisa.

"Mimi ni mdogo kimwili. Sina nguvu za mwili. Mimi si tishio kwa mtu yeyote. Lakini ukiwa mtupu chumbani, watu wanakuona kama tishio fulani."

Wakati wa tukio hili, aliandika "HURMAT" kwenye mwili wake ili kuvutia madai yake, na kwa sababu hiyo, aliweza kuzungumza na waheshimiwa waliohudhuria chakula cha jioni.

Mwitikio mbaya

Katika kampeni ya kisiasa yenye utata, ambayo ilisababisha Uingereza kutoka Umoja wa Ulaya, alifanya maandamano ya wazi.

Alipigwa picha na kuwekwa kwenye mitandao ya kijamii, jambo ambalo lilisababisha maoni mengi yasiyofurahisha kuandikwa.

Wanaume wengine walizungumza juu ya matiti yake na sehemu za siri. Mmoja wao hata aliandika kwamba mwanamke huyu labda alipata digrii yake kwa kulala na maprofesa wake.

Hatimaye, Bateman aliambiwa kwamba kuanika mwili wake kwa ulimwengu kulikuwa kunadhoofisha mafanikio yake ya kisayansi.

"Lakini mashambulizi ya kikatili na makali zaidi kwangu yalifanywa na wanawake. Katika mitandao ya kijamii, mwanamke wa Uingereza aliniandikia kwamba unarudisha harakati za wanawake karne moja nyuma."

Alizungumza na wale ambao waliona tabia yake kuwa ya kuchukiza na kujaribu kuelezea nia yake kuu.

Ameelezea matukio mengi ya nyuma kama haya katika kitabu chake kipya, Naked Feminism.

"Ninaamini kuwa wanawake wote wanastahili kuheshimiwa, bila kujali wanavaa nini."

Uhuru

Anaamini kwamba ikiwa tunaacha kuwa na wasiwasi juu ya sehemu gani ya mwili wetu inayoonekana au iliyofichwa, kutakuwa na mabadiliko makubwa katika maisha ya wanawake wengi. Anawatolea mfano wafanyabiashara ya ngono.

"Tunajaribu kuwapuuza. Tunawapachika majina, tunawaita kila aina ya majina ya kutisha, na kufikiria kuwa hawajui wanachofanya. Na tunasema tunajua vizuri zaidi kuliko kile kinachofaa kwao."

Anaita tabia hii kuwa ya kiburi sana na ya wasomi.

"Bado tuna safari ndefu kubadili jinsi tunavyofikiri."

Kazi nyingi zisizolipwa, kama vile kupika, kusafisha, kubeba chakula au maji, kutunza watoto na wazee, hufanywa na wanawake. Shirika la misaada la Uingereza la Oxfam linasema kwamba ikiwa wanawake wangelipwa hata mshahara wa chini kabisa kwa kazi hiyo, ingekuwa na thamani ya zaidi ya dola trilioni 10. Lakini inazungumzwa mara chache.

Kulingana na Bateman, anachukua kila fursa kuzungumza dhidi ya watu wenye nguvu na sera zao. Pia anatoa hotuba na kushiriki katika matukio ya fasihi akiwa mtupu.

Anasema uanaharakati wake hauna athari mbaya kwa wanafunzi wake, lakini kinyume chake, wanafunzi wake wanamuuliza kuliko wakati mwingine wowote kuhusu ufeministi, wanawake na uchumi.

"Lengo langu ni ulimwengu ambao wanawake wote wanaweza kufanya wanavyotaka kwa miili na akili zao. Mimi napinga marufuku ya hijabu kama vile ninapinga hijab ya kulazimishwa. Jamii na serikali haipaswi kuwaonyesha wanawake nini cha kufanya na miili yao. .