TOOS, Malaayiin qof oo ka qeyb galaya munaasabadda aaska Ayatollah Khamanei

Tebin toos ah

1. 51 Daqiiqadood ka horTrump ayaa sheegay in Balogun uu yahay ciyaartoyga ugu fiican Mareykanka

   Xiriirka kubadda cagta Yurub UEFA ayaa sheegay in ay aad ula yaabeen go’aanka FIFA ay kaga qaaday ganaax hal kulan Folarin Balagan oo ah ciyaartoyga ugu gool-dhaliska badan Mareykanka ee koobkan adduunka kaddib markii madaxweyne Trump uu soo wacay.

   Trump oo ka hadlay qiimaha ciyaartoyga ugu fadhaiyo ayaa sheegay in Balogun uu yahay ciyaartoyga ugu fiican Mareykanka.

   UEFA waxay ka digtay in haddii sharciyada kubadda cagta aan la damaanad qaadi karin, in ay taasi keeneyso khatar la xiriirta hufnaan la’aan.

   Guddoomiyaha Midowga Yurub u qaabilsan ciyaaraha iyo dhaqanka, Glenn Micallef, ayaa tallaabadan ku tilmaamay mid aan la fahmi karin, isagoo sheegay in go’aamada noocaas ah ay tahay in ay gaaraan hay’adaha ciyaaraha, ee aysan ahayn siyaasiyiinta.

   FIFA si buuxda uma aysan sharraxin sababta ganaaxa looga noqday. Madaxweyne Trump, oo xiriir dhow la leh madaxa FIFA, Gianni Infantino, ayaa u mahadceliyay hay’adda isagoo sheegay in ay saxday waxa uu ugu yeeray “caddaalad-darro weyn.”

   Sii akhri

   Puntland oo ku adkeysatay in aan maalgashi kalluumeysi laga sameyn karin xeebaheeda

   Xanuunnada laga qaado uunsiga ay Soomaalida guryaha ku shitaan

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

2. Saacad ka horTottenham ayaa la soo wareegtay xiddga Sandro Tonali

   Kooxda Tottenham Hotspur ayaa si rasmi ah u dhamaystirtay heshiiska ay la galeen ciyaartoyga khadka dhexe ee Newcastle United, Sandro Tonali.

   Laacibkan 26 jirka ah ayaa ku biiraya Tottenham, waxaana qiimaha heshiiska lagu sheegay in uu ka badan yahay boqol milyan oo doolar.

   Tottenham ayaa markii hore u gaartay Newcastle United qiimo gaaraya £80 milyan balse waa laga diiday. Ugu dambeyn waxay ku heshiiyaan in ay bixinayaan £92.5 milyan oo bilow ah iyo in lagu dari karo £7.5 milyan oo gunnooyin.

   Xiddigan xulka Talyaaniga Tonali ayaa markii uu imaanayay Newcastle kaga soo biiray dhinaca naadiga AC Milan bishii Luulyo ee sanadkii 2023-kii, waxayna xiligaas ku soo iibsatay heshiis qiimihiisu ahaa £55 milyan.

   Ciyaartoygan ayaa hore waxaa u ganaaxay xiriirka kubadda cagta Talyaaniga kaddib markii lagu helay in uu jabiyay xeerarka sharadka kubadda cagta.

   Sii akhri

   Warsame: "Marka ay walaalahey iskuulka aadayaan, aniga guriga ayaa leygu heyn jiray xitaa dadka gurigeenna yimaada waa leyga qarin jiray"

   Xanuunnada laga qaado uunsiga ay Soomaalida guryaha ku shitaan

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

3. 2 Saacadood ka horMunaasabadda aaska ayaa sii socon doonta ilaa 5:00 galabnimo waqtiga Tehran.

   Guddiga qabanqaabada aaska Cali Khamenei ayaa ku dhawaaqay in munaasabadda aasku ay sii socon doonto ilaa 5:00-ta galabnimo maanta waqtiga magaalada Tehran.

   Laga bilaabo saaka, naxashka hoggaamiyihii hore iyo tiro ka mid ah ehelkiisa, kuwaas oo lala dilay markii ay Mareykanka iyo Israel weerareen qiyaastii afar bilood ka hor, ayaa gaari looga qaaday Mosallaha Tehran, waxaana la qorsheeyay in uu maro waddo dhererkeedu yahay 10 kiiloomitir oo ku dhammaanaysa Fagaaraha Azadi.

   Hoos ka eeg sawirada halka la marinayo naxashka Cali Khamenei

   Sidoo kale akhriso

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

   Luuqada dahsoon ee uu adeegsan jiray huggaamiyihii Iran Cali Khamenei

   Iiraan: "Haddii Maraykanka iyo Israa'iil ay weeraraan aaska Ayatollah Cali Khamenei waa ka jawaabeynaa"

4. 4 Saacadood ka horShiinaha ayaa tijaabiyay gantaal nooca kuwa meelaha fog gaara

   Shiinaha ayaa tijaabiyay gantaal nooca meelaha fog gaara ee loo yaqaan kuwa riddada-dheer oo lagu riday badda baasifigga, saacado yar kaddib markii Australia ay heshiis cusub oo dhinaca difaaca ah la saxiixatay Fiji.

   Beijing waxay sheegtay in tani ay tahay "qayb caadi ah oo ka mid ah tijaabooyinka sannadlaha ah ee militariga Shiinaha", balse tijaabadan waxay ka careysiisay dalal deris ah oo ay ku jiraan Japan, New Zealand iyo Australia.

   Canberra waxay ku eedeysay Shiinaha in uu "xasillooni darro ka abuurayo" gobolka, inkastoo saraakiishu ay sheegeen in aysan rumaysnayn in tijaabadani jawaab u tahay heshiiska cusub ee amniga.

   Australia ayaa sanadihiii u dambeeyay ku dadaalaysay in ay xoojiso xiriirka difaaca ee ay la leedahay dalalka deriska la ah si ay uga hortagto saameynta sii kordheysa iyo awooda militeri ee shiinaha ku leeyahay gobolka.

   Wasiirka Difaaca Australia, Richard Marles, ayaa shir jaraa'id oo uu qabtay Isniintii ku sheegay in Beijing ay Canberra ku wargelisay qorshaheeda tijaabada gantaalka saacado yar ka hor inta aan la fulin.

   Wasiirka arrimaha dibadda New Zealand, Winston Peters, ayaa sheegay in tijaabadan ay ahayd "mid aan la aqbali karin oo su'aalo badan dhalinaysa", wuxuuna sheegay in dowladdiisu ay wadahadallo la yeelan doonto waddamada ay iskaashiga leeyihiin ee Baasifigga.

   Sii akhri

   Warsame: "Marka ay walaalahey iskuulka aadayaan, aniga guriga ayaa leygu heyn jiray xitaa dadka gurigeenna yimaada waa leyga qarin jiray"

   Xanuunnada laga qaado uunsiga ay Soomaalida guryaha ku shitaan

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

5. 4 Saacadood ka horDiyaaradaha dagaalka UK oo ka hortagay diyaarad Ruushku leeyahay oo ku soo dhawaatay markab dagaal

   Diyaarad Ruushku leeyahay oo ah nooca loo yaqaan Bear-F oo ku duuleysay joog hoose ayaa "si aan loo baahnayn ugu soo dhowaatay" markabka xambaara diyaaradaha ee HMS Prince of Wales.

   Wasaaradda Difaaca ayaa sheegtay in dhaq-dhaqaaqa Ruushka ee Badda Norway uu ahaa “mid khaldan oo halis ah”.

   Arrintan ayaa timid toddobaadyo kaddib markii ciidamada badda ay fuuleen markab shidaal oo ka tirsan kuwa is-qariye ee Ruushka, kaas oo marayay Kanaalka Ingiriiska. Sidoo kale, madaxa ciidamada ayaa sheegay in halista iyo khataraha UK ku soo fool leh ay hadda ka badan yihiin kuwii hore.

   Diyaaradda Ruushku leeyahay ayaa la rumeysan yahay in ay ku ridday biyaha qalab sabbeeya si loo ogaado maraakiibta quusta iyo maraakiibta kale.

   Sii akhri

   Warsame: "Marka ay walaalahey iskuulka aadayaan, aniga guriga ayaa leygu heyn jiray xitaa dadka gurigeenna yimaada waa leyga qarin jiray"

   Xanuunnada laga qaado uunsiga ay Soomaalida guryaha ku shitaan

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

6. 4 Saacadood ka horHay’adda xuquuqda aadanaha HRW ayaa ku eedeysay Tigray in ay dad qasab askar uga dhigeen

   Hay’adda xuquuqda aadanaha ee HRW ayaa sheegtay in maamulka gobolka Tigray ee waqooyiga Itoobiya ay afduubanayeen islamarkaana si sharci-darro ah ciidan ugu qoranayeen dad rayid ah ilaa April 2026-dii. Dadka ay ciidanka ka dhigteen waxaa ku jira carruur 15 jir ah.

   Askar qorista ayaa bilaabatay kaddib markii ay korortay xiisadaha u dhexeeya dowladda federaalka Itoobiya iyo Jabhadda Xoreynta Shacabka Tigray ee loo yaqaan TPLF.

   Warsaxaafadeed ka soo baxay HRW ayaa lagu sheegay in dad ku nool magaalooyinka iyo tuulooyinka ay sheegeen in ciidamada Tigray iyo madaxdooda ay wadooyinka ka qabqabanayaan dagaalyahannadii hore, ragga iyo wiilsha.

   "Mas’uuliyiinta Tigray waxay wadaan olole ay si xoog ah askar uga dhigayaan ragga iyo wiilasha, waxayna gobolka oo dhan ka abuureen jawi cabsi ah”, ayey tiri Laetitia Bader oo ah ku-xigeenka agaasimaha HRW ee Afrika.

   "Maamulka waa in uu si degdeg ah u joojiyo ololahan, isla markaana ay u oggolaadaan in ay dib ugu laabtaan guryahooda dadka si sharci-darrada ah loo askareeyay."

   HRW waxay diiwaangelisay lix kiis oo ku saabsan askareyn khasab ah, iyadoo wareysiyo kula yeelatay internetka 18 qof bishii Juun.

   Dadkii la wareystay waxay sheegeen in uu sii xoogaystay dabayaaqadii bishii April howlgalka ballaaran ee lagu baadi-goobayay dadka, iyadoo mas'uuliyiinta maxalliga ahi adeegsanayeen liisas ay ku qornaayeen dagaalyahannadii hore iyo xog-bixiyeyaal deegaanka ah si loo aqoonsado dadka la doonayay in ciidanka lagu qoro.

   Ururka xuquuqda aadanaha HRW ayaa ugu baaqay Midowga Afrika, dowladihii taageeray heshiiskii Pretoria ee 2022, Mareykanka, iyo Midowga Yurub in ay cadaadis saaraan maamulka Tigray si ay u joojiyaan askareynta khasabka ah, una sii daayaan dhammaan carruurta iyo dadka sida sharci-darrada ah loogu qortay ciidanka.

   Sii akhri

   Warsame: "Marka ay walaalahey iskuulka aadayaan, aniga guriga ayaa leygu heyn jiray xitaa dadka gurigeenna yimaada waa leyga qarin jiray"

   Xanuunnada laga qaado uunsiga ay Soomaalida guryaha ku shitaan

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

7. 6 Saacadood ka horMuxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

   Hoggaamiyaha Sare ee Iiraan, Mojtaba Khamenei, ayaa si muuqata uga maqnaa aaska aabbihii, iyadoo mas'uuliyiin sare oo ka tirsan xukuumadda iyo kumannaan qof ay Axaddii u soo baxeen inay xushmeeyaan aayatullahigii geeriyooday.

   Saddexda wiil ee kale ee Ali Khamenei — Masoud, Mostafa, iyo Meysam — ayaa dhammaantood ka qayb galay munaasabadda aaska Axaddii. Waxaa sidoo kale goob-joog ka ahaa mas'uuliyiin ay ka mid yihiin Madaxweynaha Masoud Pezeshkian iyo taliyaha Ilaalada Kacaanka, Ahmad Vahidi.

   Mala-awaalka ku saabsan xaaladda Mojtaba ayaa sii socday, iyadoo ay sii hurinayeen warar aan la xaqiijin oo sheegaya inuu ku dhaawacmay duqeymihii wadajirka ahaa ee Mareykanka iyo Israa'iil, kuwaas oo lagu dilay aabbihii. Tan iyo markii loo magacaabay xilkiisa horraantii bisha Maarso, kama uusan soo muuqan fagaaraha dadweynaha.

   Ali Khamenei wuxuu hoggaaminayay Jamhuuriyadda Islaamiga ah laga soo bilaabo 1989 ilaa uu geeriyooday bishii Febraayo.

   Sii akhri

8. 7 Saacadood ka horUkraine oo weerartay xarumo muhiim u ah Ruushka

   Ukraine waxay sii wadday weerarradeeda diyaaradaha aan duuliyaha lahayn ee ay ku beegsaneyso xarumaha tamarta ee muhiimka u ah Ruushka.

   Dekedaha laga dhoofiyo shidaalka ee ku yaalla Badda Baltiga, ee Vyssotsk iyo Ust-Luga, kuwaas oo ku yaalla waqooyi iyo galbeed ee St. Petersburg, ayaa mar kale la beegsaday.

   Dekedda Ust-Luga waa marin muhiim ah oo laga dhoofiyo shidaalka.

   Magaalada Sevastopol, oo ku taalla Crimea isla markaana uu Ruushku haysto, ayaa iyaduna la weeraray, taas oo sababtay inay korontada ka go’do.

   Weerarka Ukraine ayaa imanaya iyadoo in ka badan 10 qof lagu dilay weerarro culus oo uu xalay Ruushku ku qaaday Ukraine.

   Dadka deggan caasimadda Ukraine ee Kyiv, ayaa mar kale wajahaya habeen ay hareeyeen weerarro cirka ah oo dhimasho sababay, kadib markii Ruushku uu ku qaaday magaalada Kyiv iyo nawaaxigeeda mowjado gantaallo iyo diyaarado aan duuliye lahayn.

   Moscow ayaa sheegtay in ay qaaday weerarro lagu bartilmaameedsaday xarumo la xiriira warshadaha difaaca ee Ukraine, iyadoo ku tilmaantay jawaab ay ka bixisay weerarro badan oo ay Ukraine ku qaaday warshadaha sifaynta shidaalka ee gudaha Ruushka.

   Dhanka kale, gobolka Crimea ee uu Ruushku haysto, korontada ayaa ka go'day magaalada Sevastopo,l kadib weerar ay Ukraine ku qaaday kaabeyaasha tamarta ee u dhow magaalada.

   Sidoo kale akhriso

   Puntland oo ku adkeysatay in aan maalgashi kalluumeysi laga sameyn karin xeebaheeda

   Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

   Sidee qalabka elektaroonikada u saameeyaan jirkeena?

9. 7 Saacadood ka horGabadhi uu jeclaa ayaa nin kale guursatay isna wax aysan fileyn ayuu hadiyad uga dhigay

   Salma iyo Latesh arooskooda waxaa uu mar qura si lama filaan ah uga baxay jawigii farxadda waxa uuna isu baddalay murugo kaddib markii uu qarax dhacay.

   Harish Dalvi ayaa ka sheekeeyay dhacdadan oo khuseysa gabadhiisa mar dhow la guursaday iyo ninkeeda, oo ah wiilka uu sodogga u yahay.

   "Rajesh waxa uu gabadheyda curadda ah ku khiyaanayay jacayl been ah muddo toddobo sano ah. Waxa uu horay u dhalay gabar, balse ma uusan guursanin gabadheyda. Gabadheyda yar ayuu usoo dhiibay boombale ay ku dhex jirto bambo," ayuu yiri.

   "Hadiyadda islamarkii la furayba waxaa qaraxday bambadii, wiilka aan sodogga u ahayna labada indhood ayuu beelay. Maxaan samayn karaa hadda... Waxaan hal il oo ka mid ah indhahayga u bixin karaa wiilka aan sodogga u ahay," ayuu kusii daray.

   Aabahan waxa uu sheegay in falka naxdinta leh uu dhacay maalintii ku xigtay maalinta uu arooska dhacay, markaasoo la furfurayay hadiyadaha.

   Boombalaha ay bambada ku qarsanayd waxa uu ku dhex jiray hadiyadaha la furayay, markii uu qarxayna wuxuu sababay in ninkii caruuska ahaa ay labada indhood ka dhacaan, dhaawac culusna waxa uu ka gaaray gacanta.

   Harish Dalvi, oo ka mid ah odayaasha ku nool tuulada Meendhabhari ee ka tirsan degmada Navsari ee gobolka Gujarat, waxa uuna leeyahay labo gabdhood.

   Sii akhri

10. 7 Saacadood ka horMadaxweynihii hore ee Iiraan oo ka qayb galay aaska Cali Khamenei oo ka dhacaya Tehran

    Warbaahinta Iiraan ayaa daabacday sawir muujinaya madaxweynihii hore ee Iiraan, Maxamuud Axmedinajad oo ka qayb galaya muaasabadda aaska maanta ee Ayatollah Cali Khamenei oo ka socota magaalada Tehran.

    Axmedinejad lama arag tan iyo dagaalkii dhawaan dhexmaray Mareykanka iyo Israa'iil ee Iiraan, kaas oo sidoo kale lagu bartilmaameedsaday agagaarka gurigiisa.

    Mudane Ahmadinejad waxaa lagu dhawaaqay inuu ku guuleystay doorashadii muranka dhalisay ee 2009, isaga oo madaxweyne ah, waxaa xabsiga la dhigay Mir Hossein Mousavi, Zahra Rahnavard, iyo Mehdi Karroubi.

    Dadweyne aad u tiro badan ayaa buux dhaafiyey waddooyinka caasimadda Iiraan ee Tehran, iyagoo ka qaybgalaya aaska hoggaamiyihii sare ee geeriyooday, Ayatollah Cali Khamenei, kaas la dilay maalintii ugu horreysay ee dagaalkii u dhexeeyey Maraykanka, Israa'iil, iyo Iiraan bishii Febraayo.

    Kadib markii meydkiisa lagu sagootiyey xarunta weyn ee cibaadada Grand Mosalla ee Tehraan, naxashkiisa ayaa hadda lagu wadaa waddo qiyaastii toban kiiloomitir ah oo dhex marta magaalada.

    Sidoo kale akhriso

    Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

    Luuqada dahsoon ee uu adeegsan jiray huggaamiyihii Iran Cali Khamenei

    Iiraan: "Haddii Maraykanka iyo Israa'iil ay weeraraan aaska Ayatollah Cali Khamenei waa ka jawaabeynaa"

11. 7 Saacadood ka hor9-ka waddan ee heysta hubka Nukliyeerka. Ka akhri qaybta commentiga👇🏾

    Kadib duulaanka Ruushka ee Ukraine, barnaamijka BBC-da qeybta xaqiiqo raadinta ayaa sanadkii 2018 diiradda lagu saaray halka uu yaalla hubka Nukliyeerka iyo cidda heysata guud ahaan caalamka.

    Iyada oo la sheegayo in hubka Nukliyeerka ah uu hoos u dhac weyn ku yimid tan iyo dagaalkii qaboobaa, boqollaal madax oo nukliyeer ah ayaa muddo kooban gudahood lagu ridi karaa, khubarada ayaa sheegaya in waddan kasta oo hubka Nukliyeerka heysta uu qorsheynayo sidii uu ku cusboonaysiin lahaa hubkaas.

    Waddamo badan ayaa qarsaday hubka Nukliyeerka, laakiin waxaa la og yahay inay jiraan sagaal waddan oo leh in ka badan 9000 oo hubka Nukliyeerka ah.

    Hubkan waxaa laga yaabaa in la dhigay meelo kala duwan - oo berriga ah, badda, iyo qaar kale oo badan oo laga yaabo inay yaallaan xeryo ciidan.

    Ilaa 1800 oo hub nukliyeerka ah ayaa heegan la geliyey waxaana laga yaabaa in digniin la'aan la rido.

    Maraykanka iyo Ruushka ayaa heystaa tirada ugu badan hubka nukliyeerka ah ee adduunka

    Maxay dalalkan kaliya ah u sameysteen Nukliyeerka?

    Tan iyo 1970-kii, ilaa 191 waddan oo ay ku jiraan Maraykanka, Shiinaha, Ruushka, Ingiriiska iyo Faransiiska ayaa saxiixay heshiisyo ku saabsan arrimaha hubka nukliyeerka . Hindiya, Israa'iil iyo Pakistan ma aysan saxiixin heshiiska, Waqooyiga Kuuriya waxay heshiiskaas ka baxday sanadkii 2003-dii.

    Heshiiska oo ku caan baxay NPT wuxuu xusay shan dal oo ay kamid yihiin Maraykanka, Ruushka, Faransiiska, Ingiriiska iyo Shiinaha kuwaas oo dhamaantood tijaabiyey hubka Nukliyeerka ka hor inta aan la dhaqangelin heshiiska.

    Sii akhri

12. 7 Saacadood ka horTirada dhimashada Ebola ee Congo oo sare u dhaaftay 500 oo qof

    Jamhuuriyadda Dimuqraadiga ah ee Congo ayaa sheegtay in tirada dadka u dhintay cudurka Ebola ay hadda sare u dhaaftay 500 qof.

    Wasaaradda Caafimaadka ayaa sheegtay, in ilaa hadda dalka laga xaqiijiyay in ka badan 1,500 kiis oo cudurka Ebola ah.

    Dhanka kale, waxaa hadda ka socda tijaabo caafimaad oo lagu qiimeynayo laba daawo oo cusub oo weli tijaabo ah, kuwaas oo loogu talagalay nooca Ebola ee sababay faafitaankan dhimashada badan leh.

    Tijaabadan ayaa ka socota gobolka bari ee Ituri.

13. 8 Saacadood ka horPuntland oo ku adkeysatay in aan maalgashi kalluumeysi laga sameyn karin xeebaheeda

    Dowlad Goboleedka Puntland ayaa mar kale soo saartay hadal qoraal ah oo ay ku adkeyneyso go'aankeeda ay ku diiddan tahay in shirkado shisheeye ama hay'ado si gaar loo leeyahay ay biyaha Puntland ka fulin karaan howlgallo kalluumeysi.

    Shrikadaha ay diiddan tahay ayay ku sheegtay inay ka mid tahay shirkadda Turkiga laga leeyahay ee SomTurk, taas oo dhowaan heshiis kalluumeysi la saxiixatay dowladda federaalka Soomaaliya.

    Wasiiru-dowlaha Madaxtooyada Puntland, Cabdifataax Cabdinuur, oo BBC la hadlay ayaa sheegay in sababta ay amarkaas usoo saareen ay tahay "in heshiisyadaas aysan u waafaqsaneyn dastuurka dalka."

    "Sideedaba heshiiskan hadda arrimaha kalluumeysiga tusaale ahaan wuxuu kasoo horjeedaa dastuurka. Kulligood waxay muujinayaan inay u ektahay in sidii loo xaraashayay dhulalkii ku yaallay Muqdisho si la mid ah loo araashayo kheyraadka dalka," ayuu yiri. Wuxuu intaa ku daray inaysan jirin hab cad oo loo maray heshiisyadaas.

    Xiriirka Puntland iyo dowladda federaalka ayaa muddooyinkii ugu dambeeyay xumaa, iyadoo arrinta ugu weyn ee la isku diiddan yahay ay tahay wax ka beddelka dastuurka, oo sidoo kale ay kasoo horjeesteen qaar ka mid ah maamul-goboleedyada kale ee dalka.

    Sii akhri....

14. 8 Saacadood ka horAwooddi ciidamada cirka ee Soomaailya iyo halkii ay ku dambeeyeen diyaaradihii dagaalka. Ka akhri faallada hoose👇🏾

    Ciidamada Cirka ee Soomaaliya ayaa mar ka mid ahaa kuwa ugu awoodda badan qaradda Afrika, waxaynka ku qalabaysnaayeen, diyaarado iyo qalab kale oo markaas casri ahaa.

    Soomaaliya waxaa kaga horreeyay dhanka awoodda cirka dalal dhowr ah oo ku yaal qaaradda Afrika, hase yeeshee waxay ka mid ahayd kuwa ugu horreeyay, waxayna Soomaaliya tababar ciidamada cirka u fidin jirtay dalal dhowr ah.

    Waxaa ka mid ah Burundi oo toddobaatameeyadii Soomaaliya u tababari jirtay duuliyeyaal diyaaradaha dagaalka.

    Haddaba awooddii cirka ee Soomaaliya xagay ku dambeysa? Qalabkii iyo diyaaradhii dagaalku aaway? Qormadan ayaan ku eegi doonnaa. Waxaan sidoo kale sawir ka bixin doonnaa awoodda ciidamada cirka ee Soomaaliya ka hor inta aysan burburin dawladdii dhexe.

    Awooddi Ciidamada cirka ee Soomaaliya 1977

    Ciidamadii cirka ee Soomaaliya waxaa si hagar la’aan ah u dhisay Ruushka oo markaa hoggaaminayey isbahaysi la odhan jiray midowgii Soofiyeed, waxayna Soomaaliya ka mid ahayd dalalka ugu awoodda badan ee Ruushku dhisayey milatari ahaan qaaradda Afrika.

    Hoos ayaan ku xusi doonnaa sida uu ku bilowday xiriirka Soomaaliya iyo midowga Soofiyeed, hase yeeshee ka hor inta aysan Soomaliya gelin dagaalkii 1977, waxay ku hubaysaynayd diyaarada dagaal oo lagu qiyaasay 50 ilaa 60 inta u dhaxaysa.

    Sida uu qiyaasay Taliyaha Ciidamada Cirka ee Soomaaliya Sareeye Guuto Jenenaral Maxamuud Sheekh Cali (Dable Pilot) oo BBC u warramay, qiyaastii dhowr iyo labaatan ka mid ah diyaaradahaasi waxay ahaayeen nooca Ruushku farsameeyo ee Mig21, kuwaas oo xilligaas casri ahaa.

    Sii akhri

15. 8 Saacadood ka horDiyaaradaha daroonka Turkiga oo faltanka cirka kaga yaabsaday kuwa Maraykanka ee F-16

    Daroonka Turkiga ee loo yaqaan Bayraktar Kizil ayaa la sheegay in ay meel fog ka bartilmaameedsatay diyaaradaha dagaalka ee F-16 mar la tijaabinayay gantaalada hawada laysku weydaarsado. Arrintan ayaa lagu tilmaamay guul taariikhi ah oo laga gaaray dhinaca difaaca.

    "Waxaan dhidibbada u taagnay waa cusub oo taariikhi ah…Turkiga waxa uu noqday dalkii ugu horeeyay adduunka ee meel sare ka gaara taariikhda duulista" ayuu yiri Selcuk Bayraktar oo ah guddoomiyaha iyo madaxa shirkadda Bayraktar.

    Nidaamka loo yaqaan BVR oo ah kan raadaarada ku soo helaan diyaaradaha, waxaa loo adeegsadaa goobaha dagaalka marka diyaarad ama gantaal meel fog laga soo tuurayo lagu duqeynayo meel aan loo jeedin.

    Hadii goobta la beegsanayo aan la arkeyn, waxaa loo yaqaan BVR. Marka la doonayo in la duqeeyo goobahaas aan la arkeyn waxaaa la adeegsadaa Radar.

    Diyaaradaha dagaalka ee aan duuliyaha saarneyn ee Turkiga waxaa la filayaa in militeriga ay qeyb ka noqdaan sanadkan 2026-ka.

    Bayraktar Kizilma waa diyaarado ka hooseeya raadaarka, waxaana ku rakiban qalab casri ah oo lagu arki karo diyaaradaha cadawga ayagoo aan ogeyn in la ugaarsanayo, joogana meel fog.

    Sida ay sheegtay shirkada Biker, waxay sheegtay diyaaradaha dagaalka Turkiga ee F-16 in ay ka qeybqaateen iyagoo jooga meel 50 kilomitir ka fog. Shirkada waxay sheegtay hadii ay dagaal sax ahaan laheyd in diyaarada la soo ridi lahaa.

    Dadka falanqeeya arrimahan waxay aaminsan yihiin in diyaaradaha daroonka Turkiga ee ka soo duuli kara maraakiibta ay gaari karaan xawaare sare mustaqbalka, ayna ka fulin karaan howlgal sahan badda Mediterranean iyo gobolka Aegean.

    Sii akhri

16. 9 Saacadood ka horUgu yaraan 10 qof oo ku dhintay weerarro culus oo uu xalay Ruushku ku qaaday Ukraine

    Dadka deggan caasimadda Ukraine ee Kyiv, ayaa mar kale wajahaya habeen ay hareeyeen weerarro cirka ah oo dhimasho sababay, kadib markii Ruushku uu ku qaaday magaalada Kyiv iyo nawaaxigeeda mowjado gantaallo iyo diyaarado aan duuliye lahayn.

    Ugu yaraan toban qof ayaa ku dhintay weerarrada, iyadoo mid ka mid ah uu ku geeriyooday degmada Bucha, halka in ka badan afartan kalena ay ku dhaawacmeen.

    Kooxaha gurmadka ayaa ku howlan sidii ay u gaari lahaayeen dad ku xaniban gudaha saddex dhisme oo dabaqyo ah, kuwaas oo qayb ahaan dumay.

    Diyaaradaha qumaatiga u kaca ayaa biyaha ka soo dhaaminaya webiga magaalada si loo damiyo dababka ka kacay goobaha la beegsaday.

    Moscow ayaa sheegtay in ay qaaday weerarro lagu bartilmaameedsaday xarumo la xiriira warshadaha difaaca ee Ukraine, iyadoo ku tilmaantay jawaab ay ka bixisay weerarro badan oo ay Ukraine ku qaaday warshadaha sifaynta shidaalka ee gudaha Ruushka.

    Dhanka kale, gobolka Crimea ee uu Ruushku haysto, korontada ayaa ka go'day magaalada Sevastopo,l kadib weerar ay Ukraine ku qaaday kaabeyaasha tamarta ee u dhow magaalada.

    Sidoo kale akhriso

    Puntland oo ku adkeysatay in aan maalgashi kalluumeysi laga sameyn karin xeebaheeda

    Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

    Sidee qalabka elektaroonikada u saameeyaan jirkeena?

17. 6 Luulyo 2026Dadweyne tiro badan oo ku sii qulqulaya waddooyinka caasimadda Tehran

    Dadweyne aad u tiro badan ayaa buux dhaafiyey waddooyinka caasimadda Iiraan ee Tehran, iyagoo ka qaybgalaya aaska hoggaamiyihii sare ee geeriyooday, Ayatollah Cali Khamenei, kaas la dilay maalintii ugu horreysay ee dagaalkii u dhexeeyey Maraykanka, Israa'iil, iyo Iiraan bishii Febraayo.

    Kadib markii meydkiisa lagu sagootiyey xarunta weyn ee cibaadada Grand Mosalla ee Tehraan, naxashkiisa ayaa hadda lagu wadaa waddo qiyaastii toban kiiloomitir ah oo dhex marta magaalada.

    Waxaa la filayaa in munaasabadda socodka aaska uu socdo in ka badan toban saacadood.

    Munaasabadaha rasmiga ah ee aaska ayaa billowday maalintii Jimcaha, waxaana la qorsheeyey inay socdaan lix maalmood, iyadoo ugu dambayn lagu aasi doono magaalada uu ku dhashay ee Mashhad maalinta Khamiista.

    Dad badan oo daacad u ah Jamhuuriyadda Islaamiga ah ee Iiraan ayaa isugu soo baxay Tehraan si ay uga qaybqaataan munaasabadahaas, kuwaas oo loogu talagalay inay muujiyaan midnimo, awood, iyo adkaysi.

    Sidoo kale akhriso

    Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

    Luuqada dahsoon ee uu adeegsan jiray huggaamiyihii Iran Cali Khamenei

    Iiraan: "Haddii Maraykanka iyo Israa'iil ay weeraraan aaska Ayatollah Cali Khamenei waa ka jawaabeynaa"

18. 6 Luulyo 2026Faa'iidada muhiimka ah ee quraacda

    Cunista quraac badan iyo casho yar ayaa kaa caawin karta dhimista miisaankaaga, ayay yiraahdeen cilmi-baareyaashu.

    Markii ay saynisyahannadu sameynayeen cilmi-baarista waxay si sax ah u xakameeyeen cuntada dadka, si ay isu barbar dhigaan saamaynta quraacda culus iyo cashada culus.

    Kooxda Jaamacadda Aberdeen waxay dadkii ay tijaabiyeen ka heleen dad dhimay kalooris, si isku mid ah mar kasta oo ay cunaan cuntadooda ugu culus ee maalinta.

    Laakiin, rabitaankooda cuntada ayaa si aad ah hoos ugu dhacay kaddib markii ay billaabeen cunista quraacda culus, taas oo sahlaysa in uu qofka ka taxaddaro dheelitirka cuntadiisa.

    Cilmi-baareyaashu waxaa kale oo u soo baxday hal fikrad oo ah in habeenku uu yahay wakhtiga ugu xun ee cunto la cuno, sababtoo ah saacaddaas dheef-shiidka ayaa cuntada u beddelaya kiimiko, gaar ahaan marka uu qofku hurdo.

    Dadka cilmi barista ka qeyb qaatay oo 30 qof ahaa ayaa dhammaan loo diyaarinayay quraac, qado iyo casho in ka badan labo bil, iyadoo maalintii loogu dararay 1,700 oo kaloori.

    Waxay hal bil cunayeen quraac aad culus iyagoo isticmaalaya ku dhawaad ​​kala bar kalooriga maalinlaha ah, kaddibna waxaa xigay qado iyo casho fudud, halka bisha kalena ay cunayeen cunto culus fiidkii beddelkii subaxdii.

    Sii akhri

19. 6 Luulyo 2026Trump oo ka hadlay aaska Ayatollah Cali Khamanei

    Shabakadda wararka ee Axios ayaa soo xigatay Madaxweynaha Mareykanka Donald Trump, oo Sabtidii sheegay in wada-hadalladii nabadda la hakiyay muddo toddobaad ah sababo la xiriira munaasabadaha aaska.

    Sida ay sheegtay Axios, Trump wuxuu yiri iyadoo inta badan mas'uuliyiinta sare ee dowladda Iiraan ay ka qayb galayaan aaska, Mareykanku wuxuu "hal mar wada beegsan karaa dhammaantood." Wuxuu intaas ku daray: "Laakiin taas ma sameyn doonno, sababtoo ah markaas cid aan la xaajoonno ma jiri doonto."

    Madaxweynuhu wuxuu kaloo sheegay inuu la yaabay markii uu arkay dadka reer Iiraan oo ooyaya, isagoo sheegay inuu u haystay in dadku ay necbaayeen Khamenei. Wuxuu yiri: "Waxaa laga yaabaa inay yihiin illin been abuur ah."

    Iyadoo ka jawaabeysa hadalka Trump, haweeney baroordiiqeysay oo lagu magacaabo Zahra Safaei, 50 jir ah, ayaa wakaaladda wararka ee Reuters u sheegtay: "47 sano ka hor kacaan uma aynaan sameynin si aan ilmo been abuur ah u daadinno. Shuhadadaas oo dhan uma aynaan hurin nafahooda si aan ilmo been abuur ah u daadinno."

    Hoggaamiyeyaal ay ka mid yihiin Madaxweynaha Iiraan Masoud Pezeshkian ayaa ka qayb galay aaska Hoggaamiyihii Sare ee hore, hase yeeshee Mojtaba Khamenei kama uusan muuqan munaasabadda

    Sida ay weriyeen The Associated Press iyo The Guardian, qaar ka mid ah dadkii ka qaybgalayay munaasabadda Axaddii ayaa ku dhawaaqayay baaqyo lagu dalbanayay geerida Madaxweynaha Mareykanka Donald Trump. Intii lagu jiray gabay la tirinayay ka hor salaadda, gabayaa Mohammad Rasouli ayaa yiri: "Dilka Trump waa mas'uuliyaddeenna."

    Waxaa sidoo kale la maqlayay Rasouli isagoo hoggaaminaya hal-ku-dhegyo ay ka mid ahaayeen "Dhimasho ha ku timaaddo Mareykanka" iyo "Dhimasho ha ku timaaddo Israa'iil."

    Sidoo kale akhriso

    Muxuu hoggaamiyaha sare ee Iiraan uga maqan yahay aaska aabbihiis Ayatollah Ali Khamenei?

    Luuqada dahsoon ee uu adeegsan jiray huggaamiyihii Iran Cali Khamenei

    Iiraan: "Haddii Maraykanka iyo Israa'iil ay weeraraan aaska Ayatollah Cali Khamenei waa ka jawaabeynaa"

20. 6 Luulyo 2026Labaatan iyo shan dal oo qofka baasaboor Soomaaliga wata uu Visa ku qaadanayo garoonkooda

    Wixii ka dambeeyay markii uu bishan January horaanteedii soo baxay liiska kala sarreynta baasaboorrada caalamka, waxay u muuqataa in ay sii badanayaan tirada dalalka soo dhaweynaya baasaboorka Soomaaliya, sida ay shaaciyeen hay’ado kala duwan oo u guul gala qiimeynta aqoonsiyada dal-ku-gal-ka.

    Hay’adaha Reach Immigration iyo Passport Index ayaa soo saaray liis ay isku waafaqsan yihiin oo ah ku sheegeen dalalka u fasaxaya qofka heysta baasaboorka Soomaaliya in uu kasoo dago garoonkooda.

    Waddamadaas oo gaaraya ilaa 25 ayaa qofka aqoonsiga Soomaaliya wata ka doonaya in uu visaha ama dal-ku-gal-ka ku qaato garoonka, marka uu diyaaradda kasoo dago ka dib.

    Dalalkan ayaa ka duwan kuwa ay Soomaalidu ku aadi karaan visa la’aanta ama aan wax oggolaansho ah looga baahneyn marka ay gudaha u galayaan.

    Liiska waddamada uu qofka aqoonsiga Soomaaliya ku safraya ka dagi karo garoonkooda diyaaradaha si uu uga dalbado visa waxaa uu u dhigan yahay sidan:

    Sii akhri