Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 24 Maajo 2026Lix qodob oo ay tahay in aad sameyso si aad lacag u kaydsato adiga oo mushaar yar qaata

   Tiro badan oo dadka shaqeeya ah, dunida waxay qaataan mushaar, iyaga oo ka cowda yaraanta mushaarka iyo inuusan ku filnayn noloshooda.

   Dadka qaar waxay ku qasbanaadaan inay qaateen dayn si ay nolol macquul ah ugu noolaadaan, iyaguna waxay ku qasbanaadaan muddo dheer inay qaameysnaydaan.

   Sida ay sheegaan inta badan dadka dhibaatadan ay hasato, muddo dheer ayay ku qaadataa inay daymahaas gudaan, taas oo galisa nolol walwal leh, dhaqaalaha soo galana ay ku bixinayaan daynta. Hadaba qaar kamid ah dadka ka faalooda dhaqaalaha ayaa sheegay inay hayaan talooyin laga yaabo inay caawiyaan dadkaas, kuwaas oo ay ku samaysan karaan qorshe ay ku koriyaan dhaqaalahooda.

   Qodobadaan ayaa kamid ah kuwa ay soo jeediyeen.

   1.Daynta isaga bax

   Talaabadaan ayaa lagu tilmaamay inay tahay midda ugu muhiimsan ee lagu taliyo dadka mushaarka soo gala uusan buurnayn, iyaga oo u sababeeyay in ay tahay sida god wayn oo dhuuqaya wax kasta oo ku soo gala, marnaba aan buuxsamayn.

   Maadaama godkaas wayn aadan ka dul bilaabi Karin dhisme aad dpooneyso inuu kor u dheeraado, ayay leeyihiin khuburado waxaa aanaagsan inaad gabi ahaanba aasto.

   Inta badan sababaha keeni in dadku daymoobaan ayaa ha kuwa laga maarmi karo, waxaana kamid ah in qofku rabo inuu waxyaabo qaali ah iibsado, iyo iibsashada waxyaabo aan muhiim u ahan nolosha qofka.

   Halkaan ka sii aaqrin

2. 24 Maajo 2026Waa maxay caabuqyada galmada la isugu gudbiyo, sidee ayaadse naftaada uga ilaalin kartaa?

   Caabuqa Galmada La isugu Gudbiyo (STI) waa caabuq qofka uu qofka kale ugu gudbiyo galmo.

   In ka badan hal milyan oo caabuqan STI ayaa maalin walba laga diwaan geliyaa guud ahaan dunida, sida ay sheegtay Hay’adda Caafimaadka Adduunka ee (WHO).

   Caabuqyadan aalaaba ma muujiyaan calaamado wayna adag tahay in baarid lagu helo. Marka caabuqu uu qudhiisa qabsado cudurrada qaar uuna muujiyo calaamado gaar ah, markaas ayaa lagu qeexaa Cudurka Galmada La isugu Gudbiyo (STD).

   STIs caadi ahaan waxay faafaan inta ay galmadu socoto, balse mararka qaar waxaa sababa kara jirka labada qof oo is taabta.

   Caabuqyadan STIs qaarkood ayay hooyadu u gudbin kartaa ilmaha inta ay uurka leedahay, dhalmada, amaba naas-nuujinta.

   Halkaan ka sii aqri...

3. 24 Maajo 2026Nin ka badbaaday gantaallada Iiran oo BBC-da la hadlay balse wali la la'ayahay saaxiibkiis

4. 24 Maajo 2026Iran oo sheegtay in aysan galin wax heshiis ah oo ku saabsan wareejinta nukleerkeeda

   War hadda soo dhacay ayaa sheegaya in wakaaladda wararka Iran ee Tasnim ay soo tabineyso heshiis la sheegay in uu dhex maray Mareykanka iyo Iran.

   Waxa ay sheegtay in Iran aysan samayn wax ballanqaad ah oo ku saabsan oo ku aadan in ay wareejiso walxaheeda nukliyeerka, inkastoo warar taa ka soo horjeeda ay baahiyeen warbaahinta reer galbeedka.

   Wakaalada wararka ee xiriirka laleh Ilaalada Kacaanka Islaamiga ah (IRGC) ayaa ku warameysa in wada xaajoodka arinta Nukliyeerka dib loo dhigay ilaa "kadib dhamaadka suurtagalka ah ee dagaalka".

   Waxa ay sheegtay in heshiiska hadda jira uu ku kooban yahay oo keliya arrinta joojinta dagaalka, oo aysan ku jirin wax tafaasiil ah oo la xiriira barnaamijka Nukliyeerka ee Iran.

5. 24 Maajo 2026Maraykanka oo sheegay in ay gareen ujeedadii ay ka lahaayeen dagaalka Iran

   Su'aal ka timid weriyaha BBC-da Tom Bateman oo ku aadaneed baaritaan ku saabsan xogta tirada iskuullada ku waxyeelloobay Iran tan iyo markii uu qarxay dagaalka 28-kii Febraayo, ayuu Rubio waxa uu uga jawaabay in uusan "ka hadli doonin xeeladaha militariga, sababtoo ah taasi maaha waaxdayda".

   Waxa uu sheegay in hadafyada Maraykanku ay ahaayeen kuwo "aad u cad", kuwaas oo ahaa in la burburiyo ciidamada badda ee Iran, awoodda ay u leeyihiin inay ridaan gantaalaha ballistic-ga iyo inay waxyeeleeyaan "xarunta warshadaha difaaca".

   "Kuwaasi waxay ahaayeen ujeedooyinkii hawlgalka Epic Fury, ujeeddooyinkaas waa la gaaray,"

6. 24 Maajo 2026Maxaan ka ognahay wadooyinkii taariikhiga ahaa ee Soomaaliya ka mid ahayd ee loo mari jiray xajka

7. 24 Maajo 2026Ingiriiska oo soo dhaweeyay heshiiska ay wada gaarayaan Ian iyo Maraykanka

   Ra'iisul wasaaraha UK Keir Starmer ayaa soo dhaweeyay "horumarka laga gaaray heshiis dhexmaray Mareykanka iyo Iran", isagoo intaas ku daray inay muhiim tahay in Iran aan marnaba loo ogolaan inay sameysato hub nukliyeer ah.

   Isagoo wax ku qoray X subaxnimadii maanta, wax yar ka dib markii Xoghayaha Arrimaha Dibedda ee Mareykanka Marco Rubio uu ka hadlay Hindiya, Starmer wuxuu yiri: "Waxaan u baahanahay inaan aragno heshiis soo afjaraya khilaafka oo dib u furaya marin biyoodka Hormuz, iyada oo shuruud la'aan ah oo aan xaddidnayn xorriyadda socdaalka."

   Ra'iisul Wasaaraha ayaa sheegay in dowladda UK ay sameyn doonto "wax walba oo aan awoodno" si dadka British-ka ah looga ilaaliyo saameynta dagaalka, isagoo intaa ku daray inuu la shaqeyn doono saaxiibada caalamiga ah si "looga faa'iidaysto xilligan oo loo gaaro heshiis diblomaasiyadeed oo waqti dheer ah".

8. 24 Maajo 2026Qodabada uu ilaa iyo haatan ka dhawaajiyay Rubio ee ku saabsan heshiiska

   Isagoo ka hadlayay shir jaraa'id oo uu ku qabtay New Delhi wax yar ka hor, xoghayaha arrimaha dibadda ee Mareykanka Marco Rubio ayaa ka hadlay dagaalkii ugu dambeeyay ee Iran.

   Waa kuwan waxa aan maqalnay:

   • Rubio ayaa sheegay in "horumar la taaban karo" laga gaaray heshiis suurtagal ah oo Iran lala galo, laakiin "ma ahan kama dambeys"
   • Waxa uu ku celiyay mowqifka Mareykanka ee ah "Iran waligeed ma yeelan karto hub nukliyeer ah", isagoo ku tilmaamay fikradda ah in Donald Trump uu aqbalo arrintaas in ay tahay "wax aan macquul ahayn"
   • Waxa uu si maldahan u sheegay war wanaagsan oo ku saabsan marin-biyoodka Hormuz, isaga oo sheegay in heshiisyada 48-kii saac ee la soo dhaafay - haddii ay shaqeyaan - ay keeni karto "marin gebi ahaanba furan... iyada oo aan wax lacag ah la qaadin"
   • Laakiin, Rubio ayaa sheegay in ay wali jirto "shaqo ay tahay in la qabto", isaga oo intaa ku daray in uu u dayn doono Trump si uu u sameeyo ogeysiisyo dheeraad ah - oo laga yaabo in uu maanta sameeyo.

9. 24 Maajo 2026Wadahadalkii Iran iyo Maraykanka oo meel fiican la isla soo gaaray - Rubio

   Marco Rubio wuxuu hadda ka hadlayaa dagaalka Iran - si toos ah ayaana loo daawanayaa.

   Mar wax laga weydiiyay heerka uu marayo heshiiska Iran ee suurtagalka ah, Rubio wuxuu yiri "waxaa jiri doona, laga yaabee, warar kale oo soo baxi doonawax yar ka dib maanta" laakiin wuxuu ku daray "in uu u dhaafi doono madaxweynaha (Trump) si uu u sameeyo ogeysiisyo dheeraad ah".

   Waxa uu yiri "waxoogaa horumar ah ayaa la sameeyay - horumar la taaban karo, inkasta oo aanu ahayn wixii ugu dambeeyay".

10. 24 Maajo 2026Marinka Hormuza 'ma noqon doono sidii u ahaa' dagaalka ka hor

    Sida ku cad heshiis dhexmaray Maraykanka iyo Iran, marin biyoodka Hormuz "kuma soo laaban doono xaaladii dagaalka ka hor" ayay ku warantay wakaalada wararka Iran ee Tasnim.

    Wakaaladda wararka ee IRGC-da xiriirka la leh ayaa soo tabineysay faahfaahinta heshiiska lala galay Mareykanka, hase yeeshee ma jiro wax war ah oo ka soo baxay Mareykanka oo ku saabsan faafaahinta heshiiska.

    Tasnim ayaa ku warameysa in marinkaan badda uusan dib ugu soo laaban doonin "xaaladdaas" balse tirada maraakiibta dhex mara ay dib ugu laaban karaan heerarkii dagaalka ka hor 30 maalmood gudahood.

    Si kastaba ha ahaatee, waxay intaas ku dartay in Iran "ay xoogga saarayso inay awooddeeda ku bixiso marinka".

    Waxa ay intaa ku dartay in xayiraadda ay ciidamada badda ee Maraykanku ku hayaan maraakiibta soo galaya iyo kuwa ka baxaya dekedaha Iran ay tahay in si buuxda loo qaado muddo 30 maalmood gudahood ah.

11. 24 Maajo 2026Trump oo sheegay in heshiiskii uu dagaalka Iran ku dhamaanlahaa inta badan laga dooday

    Madaxweynaha Maraykanka Donald Trump ayaa sheegay in heshiiska Iran si weyn looga wada xaajooday, faah faahintana dhawaan la shaacin doono.

    Qoraal uu soo dhigay boggiisa Truth Sabtidii, Trump wuxuu sheegay in heshiiska uu ku jiro dib u furista marin biyoodka Hormuz.

    Saaka, wakaaladda wararka ee Iran ee Tasnim ayaa sheegtay in marin-biyoodku uu dib ugu laaban doono heerarkii dagaalka ka hor 30 maalmood gudahood, waxayna intaas ku dartay in heshiis suurtagal ah uu keeni doono joojinta weerarrada dhinac walba ah.

    Waxaan dhawaan filaynaa inaan maqalno Xoghayaha Arrimaha Dibadda ee Mareykanka Marco Rubio ka dib kulankii uu wasiirka arrimaha dibadda India uu kula yeeshay New Delhi.

    Afhayeenka wasaaradda arrimaha dibadda ee Iran, Esmail Baghaei, ayaa shalay u sheegay taleefishinka qaranka in mawqifyada Maraykanka iyo Iran ay isa soo tarayeen todobaadkii u dambeeyay.

    Laakiin waxa uu ka digay in taasi aysan macnaheedu ahayn in heshiisyo laga gaari doono arrimaha muhiimka ah, wuxuuna ku eedeeyay Mareykanka "hadallo is burinaya".

12. 24 Maajo 2026Taageerayaasha Arsenal, Liverpool, Man-United iyo Chelsea maxay ka dheheen tegista Pep Guardiola?

13. 24 Maajo 2026Trump oo sheegay in heshiis lala gaarayo Iiran ' si ballaaran looga wadahadlay' ayna ku jirto furista marinka Hormuz

14. 24 Maajo 2026Bayaan ay soo saareen hay'adda Secter Service iyo sidii wax u dhaceen

    Wax yar kadib 6:00 fiidnimo Sabtidii, qof ku sugnaa agagaarka Waddada 17aad iyo Pennsylvania Avenue ayaa hub kala baxay boorsadiisa kadibna bilaabay inuu rasaas furo.

    Booliska Adeegga Secret Service ee ilaada Aqalka Cad ayaa rasaas jawaab celis ah furay, iyagoo ku dhuftay tuhmanaha, kaas oo loo qaaday isbitaal ku yaalla deegaanka halkaas oo lagu dhawaaqay inuu geeriyooday. Intii ay rasaastu socotay, qof goobta marayay ayaa sidoo rasaastu haleeshay.

    Wax dhaawac ah ma soo gaarin saraakiisha. Madaxweynaha ayaa ku sugnaa Aqalka Cad xilligii dhacdadani dhacaysay, hase yeeshee dadka la ilaalinayay ama howlaha amniga wax saameyn ah kuma yeelan.

    Dhacdadan wali baaritaan ayaa ku socda, waxaana macluumaad dheeraad ah la sii deyn doonaa marka la helo.

15. 24 Maajo 2026Maxaa xalay ka dhacay banaanka hore ee Aqalka Cad ee Maraykanka

    Qiyaastii 18:00 waqtiga maxalliga ah,ayaa rasaas isdaba joog ah waxa maqlay wariyeyaal badan oo ku sugnaa Aqalka Cad.

    Xubnaha ciimada ilaalada ayaa wariyeyaasha gudaha u geliyey dhismaha, gaar ahaan qolka shirarka jaraa’idka, waxaana Aqalka Cad la geliyey xaalad xiritaan amni.

    Ilo wareedyo ayaa u sheegay CBS News, oo wadashaqayn la leh BBC ee Maraykanka, in inta u dhexeysa 15 ilaa 30 xabbadood la riday, isla markaana ay u muuqatay in hal nin oo hubeysan uu usoo dhowaaday saraakiisha ilaalada ee Secter Service uu rasaas ku furay balse aysan heleelin . Saraakiishaas ayaa markaas rasaas celis ah furay.

    Warbaahinta Maraykanka ayaa tan iyo markaas sheegtay in laba qof ay ku dhaawacmeen rasaasta, labadana loo qaaday isbitaal. CBS ayaa sheegtay in mid ka mid ah dadkaas uu yahay tuhmanaha, kaas oo xaaladdiisu aad u liidato, halka qofka kale uu yahay qof goobta marayay.

    Xiritaankii amniga ee Aqalka Cad ayaa la qaaday 19:00 waqtiga maxalliga ah.

    Weli wax war ah lagama maqal Madaxweyne Donald Trump, oo ku sugnaa Aqalka Cad xilligii rasaastu dhacaysay. Arrintan ayaa imanaysa hal bil kadib markii nin hubeysan uu rasaas ka furay munaasabadda Cashada Wariyeyaasha Aqalka Cad.

16. 23 Maajo 2026Warrarkii ugu dembeeyey ee Bariga Dhexe, welwel dagaal, diblomaasiyad iyo baaqyo la dirayo

17. 23 Maajo 2026Israa'iil oo sii wada duqaymaha ay ku wado Lubnaan

    Weerarada Israa'iil ay ku beegsanayso bartilmaameedyada Lubnaan ayaa sii socday maanta inkastoo xabbad-joojin ay dhacday.

    Wakaaladda wararka ee Lubnaan ayaa sheegtay in Israa’iil ay duqaymo xagga cirka ah la beegsatay ilaa 12 goobood oo koonfurta Lubnaan ku yaalla, oo ay ku jirto dhul beereed “ay ku dhaawacmeen dhawr shaqaale oo Suuriyaan ah”.

    Intaa waxaa dheer, ciidanka Lubnaan ayaa bayaan uu soo saaray ku sheegay in askari uu ku dhaawacmay weerar ay Israa'iil ku qaaday xero ciidan oo ku taal koonfurta:

    "Askari ayaa ku dhaawacmay natiijada cadawtinimada ah ee ay Israa'iil la beegsatay xero ciidan oo ku taal magaalada Nabatiyeh."

    Wakaalladda Wararka ayaa sidoo kale sheegtay in weerarkii xalay lagu qaaday magaalada Tire ee koonfurta Lubnaan, meel ku dhow isbitaal lala beegsaday, kaasi oo “burbur xooggan” soo gaarsiiyay xarunta caafimaadka.

    Weriyaha AFP oo goobta ku sugnaa ayaa soo sheegay in daaqadahu ay jabeen, saqafkuna soo dumay, sidoo kalena ay burbureen qalabkii caafimaadka ee isbitaalka.

    Fiidnimadii Jimcaha, ciidamada Israa’iil ayaa digniin soo saaray ka hor intaysan weerarin laba goobood oo ku yaalla magaalada Tire, iyagoo ku dhawaaqay inay beegsan doonaan “xarumaha Xisbullah”.

18. 23 Maajo 2026Maraykanka oo sheegay aysan ka ogaalan doonin Iran in ay afduubato suuqa tamarta adduunka

    Xoghayaha arrimaha dibadda ee Mareykanka Marco Rubio oo booqasho afar maalmood ah ku jooga dalka India ayaa la kulmay oo wada hadal la yeeshay Ra’iisul Wasaaraha Narendra Modi.

    Rubio waxa uu kulankan ka sheegay in Maraykanku aanu Iran u ogolaan doonin in ay la-hayste ka dhigato ​​suuqa tamarta adduunka.

    Wuxuu kaloo carrabka ku adkeeyay muhiimadda ay leedahay iskaashiga istiraatiijiyadeed ee Hindiya iyo Mareykanka ee gobolka Indo-Pacific.

    Sida laga soo xigtay safiirka Maraykanka ee Hindiya, Rubio oo ka wakiil ah madaxweynaha Maraykanka Donald Trump, ayaa Modi ku martiqaaday booqasho rasmi ah oo uu ku yimaado Maraykanka.

19. 23 Maajo 2026Taliyaha ciidamada qalabka sida ee Pakistan oo ka dhoofay Tehran

    Field Marshal Asim Munir, Taliyaha Guud ee Ciidamada Pakistan iyo Ciidamada Qalabka Sida, ayaa ka dhoofay Iran ka dib booqasho hal maalin ah oo uu ku tagay Tehran.

    Sida laga soo xigtay IRNA, "Waxa uu ka tagay Tehraan iaga oo uu weheliyo wasiirka arrimaha gudaha Pakistan Mohsen Naqvi, oo Tehran ku sugnaa tan iyo todobaadkii hore."

    Muniir ayaa intii uu safarka ku guda jiray waxa uu kulamo la qaatay Mohammad Baqer Qalibaf, Afhayeenka Baarlamaanka, Masoud Pezhakian, Madaxweyne, iyo Abbas Araghchi, Wasiirka Arrimaha Dibadda.

    Waa safarkii labaad ee Munir uu ku tago dalka Iran dhowrkii toddobaad ee la soo dhaafay.

    Pakistan ayaa dhexdhexaadinaysa wada xaajoodka Iran iyo Maraykanka.

20. 23 Maajo 2026Dal ay Soomaaliya cadow ahaayeen oo cadaadis kala kulmaya Maraykanka