ਕੌਮਾਂਤਰੀ ਮੁਦਰਾ ਕੋਸ਼ ਦੀ ਵਿਕਾਸ ਨੂੰ ਲੈ ਕੇ ਚਿਤਾਵਨੀ, ਅਮਰੀਕਾ ਵਿੱਚ ਇਸ ਵੇਲੇ ਤਕਰੀਬਨ 6 ਲੱਖ 35 ਹਜ਼ਾਰ ਤੋਂ ਵੱਧ ਮਾਮਲੇ ਅਤੇ 30 ਹਜ਼ਾਰ ਤੋਂ ਜ਼ਿਆਦਾ ਮੌਤਾਂ
ਸੋਸ਼ਲ ਮੀਡੀਆ ਉੱਤੇ ਕੋਰੋਨਾਵਾਇਰਸ ਦੇ ਬਚਾਅ ਦੇ ਕਈ ਤਰੀਕੇ ਦੱਸੇ ਜਾ ਰਹੇ ਹਨ। ਕੋਈ ਲ੍ਹਸਣ ਖਾਣ ਦੀ ਸਲਾਹ ਦਿੰਦਾ ਹੈ ਤਾਂ ਕੋਈ ਵਾਰ-ਵਾਰ ਚਾਹ ਪੀਣ ਦੀ।
ਇਸੇ ਤਰ੍ਹਾਂ ਹੋਮਿਓਪੈਥੀ ਰਾਹੀਂ ਇਸ ਦੇ ਇਲਾਜ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ। ਇਹ ਕਿੰਨਾ ਸੱਚ ਹੈ, ਇਸ ਵੀਡੀਓ ਵਿੱਚ ਦੇਖੋ।
ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਦਾਅਵਾ ਹੈ ਕਿ ਅਮਰੀਕਾ ਵਿੱਚ ਕੋਵਿਡ-19 ਦੇ ਮਾਮਲਿਆਂ ਦੀ ਚਰਮ ਸੀਮਾ ਖ਼ਤਮ ਹੋ ਗਈ ਹੈ।
ਉਨ੍ਹਾਂ ਇਸ ਮਹੀਨੇ ਕੁੱਝ ਸੂਬੇ ਖੋਲ੍ਹਣ ਦਾ ਦਾਅਵਾ ਕੀਤਾ।
ਵ੍ਹਾਈਟ ਹਾਊਸ ਦੀ ਬ੍ਰੀਫਿੰਗ ਦੌਰਾਨ ਟਰੰਨ ਨੇ ਕਿਹਾ ਕਿ ਗਵਰਨਜ਼ ਨਾਲ ਗੱਲਬਾਤ ਤੋਂ ਬਾਅਦ ਦੇਸ ਮੁੜ ਖੋਲ੍ਹਣ ਸਬੰਧੀ ਵੀਰਵਾਰ ਨੂੰ ਨਵੇਂ ਦਿਸ਼ਾ-ਨਿਰਦੇਸ਼ ਦਿੱਤੇ ਜਾਣਗੇ।
ਉਨਾਂ ਕਿਹਾ, "ਅਸੀਂ ਸਭ ਵਾਪਸ ਆਵਾਂਗੇ। ਅਸੀਂ ਆਪਣਾ ਦੇਸ ਵਾਪਸ ਲਿਆਉਣਾ ਚਾਹੁੰਦੇ ਹਾਂ।"
ਅਮਰੀਕਾ ਵਿੱਚ ਤਕਰੀਬਨ 6,35,000 ਕੋਰੋਨਾਵਾਇਰਸ ਦੇ ਪੌਜਿਟਿਵ ਮਾਮਲੇ ਹਨ ਅਤੇ 28,000 ਤੋਂ ਵੱਧ ਮੌਤਾਂ ਹੋ ਚੁੱਕੀਆਂ ਹਨ।
ਤਸਵੀਰ ਸਰੋਤ, Getty Images
ਭਾਰਤ ਵਿੱਚ ਕੋਵਿਡ -19 ਦੇ ਇਨਫੈਕਸ਼ਨ ਨੂੰ ਰੋਕਣ ਦੀ ਮੁਹਿੰਮ ਵਿੱਚ ਵਿਸ਼ਵ ਸਿਹਤ ਸੰਗਠਨ ਦੇ ਨੈਸ਼ਨਲ ਪੋਲੀਓ ਸਰਵੀਲਾਂਸ ਨੈਟਵਰਕ ਦਾ ਸਾਥ ਮਿਲ ਗਿਆ ਹੈ।
ਕੇਂਦਰੀ ਸਿਹਤ ਮੰਤਰੀ ਡਾ. ਹਰਸ਼ਵਰਧਨ ਨੇ ਇਸ ਦੀ ਜਾਣਕਾਰੀ ਦਿੰਦਿਆਂ ਕਿਹਾ, "ਇੱਕ ਵਾਰ ਫਿਰ ਭਾਰਤ ਸਰਕਾਰ ਅਤੇ ਡਬਲੂਐੱਚਓ ਨੇ ਹੱਥ ਮਿਲਾਇਆ ਹੈ। ਅਸੀਂ ਪੋਲੀਓ ਦਾ ਹੱਲ ਕੱਢਣ ਵਿੱਚ ਕਾਮਯਾਬ ਹੋਏ ਸੀ। ਸਾਡੀ ਕਾਬਲੀਅਤ ਇੰਨੀ ਹੈ ਕਿ ਅਸੀਂ ਇਸ ਵਾਰੀ ਵੀ ਸਫ਼ਲ ਹੋਵਾਂਗੇ।"
WHO ਦੀ ਦੱਖਣ ਏਸ਼ੀਆਈ ਮੁਖੀ ਡਾ. ਪੂਨਮ ਖੇਤਰਪਾਲ ਨੇ ਕਿਹਾ ਹੈ ਕਿ ਡਬਲੂਐੱਚਓ ਦੇ ਅਨੁਭਵ, ਜਾਣਕਾਰੀ ਅਤੇ ਕਾਬਲੀਅਤ ਨਾਲ ਮਰੀਜਾਂ ਦੀ ਨਿਗਰਾਨੀ ਅਤੇ ਸੰਪਰਕ ਟਰੇਸਿੰਗ ਵਿੱਚ ਮਦਦ ਮਿਲੇਗੀ।
ਤਸਵੀਰ ਸਰੋਤ, PIB
WHO ਨੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਫੰਡ ਬੰਦ ਕਰਨ ਦੇ ਫੈਸਲੇ 'ਤੇ ਦੁੱਖ ਜ਼ਾਹਿਰ ਕੀਤਾ ਹੈ।
WHO ਮੁਖੀ ਡਾ. ਟੈਡਰੋਸ ਏਡਨਮ ਗਿਬਰਿਏਸਸ ਨੇ ਕਿਹਾ, ''ਅਮਰੀਕਾ ਲੰਮੇ ਸਮੇਂ ਤੋਂ WHO ਦਾ ਦੋਸਤ ਰਿਹਾ ਹੈ ਅਤੇ ਉਹ ਵਿੱਤੀ ਤੌਰ 'ਤੇ ਮਦਦ ਵੀ ਕਰਦਾ ਰਿਹਾ ਹੈ।''
ਡਾ. ਟੈਡਰੋਸ ਨੇ ਕਿਹਾ, ''ਅਮਰੀਕਾ ਦੇ ਫੰਡ ਬੰਦ ਹੋਣ ਤੋਂ ਬਾਅਦ ਪੈਣ ਵਾਲੇ ਅਸਰ ਦੀ ਡਬਲੂਐੱਚਓ ਸਮੀਖਿਆ ਕਰ ਰਿਹਾ ਹੈ। ਅਸੀਂ ਆਪਣੇ ਸਹਿਭਾਗੀਆਂ ਨਾਲ ਆਰਥਿਕ ਸੰਕਟ ਨੂੰ ਲੈ ਕੇ ਕੰਮ ਕਰਾਂਗੇ ਤਾਂ ਕਿ ਕਿਸੇ ਤਰ੍ਹਾਂ ਦੀ ਮੁਸ਼ਕਲ ਨਾ ਹੋਵੇ। ਅਸੀਂ ਇਸ ਗੱਲ ਨੂੰ ਯਕੀਨੀ ਕਰਾਂਗੇ ਕਿ ਕੰਮ ਰੁਕੇ ਨਾ।''
ਤਸਵੀਰ ਸਰੋਤ, Getty Images
ਸਤਿ ਸ੍ਰੀ ਅਕਾਲ, ਬੀਬੀਸੀ ਪੰਜਾਬੀ ਦੇ ਲਾਈਵ ਪੇਜ ’ਤੇ ਤੁਹਾਡਾ ਸਵਾਗਤ ਹੈ। ਕੋਰੋਨਾਵਾਇਰਸ ਨਾਲ ਜੁੜੀ ਦੇਸ-ਵਿਦੇਸ਼ ਦੀ ਹਰ ਅਪਡੇਟ ਤੁਹਾਨੂੰ ਇਸ ਪੇਜ ’ਤੇ ਮਿਲੇਗੀ। ਆਓ ਜਾਣਦੇ ਹਾਂ ਹੁਣ ਤੱਕ ਕੀ ਹੋਇਆ:
ਬੁੱਧਵਾਰ ਦੀ ਅਪਡੇਟ ਲੈਣ ਲਈ ਇਸ ਲਿੰਕ ’ਤੇ ਕਲਿੱਕ ਕਰੋ।
