See everitin wey happun during Ghana 2020 Elections

Live Coverage

Daniel Semeniworima and Princess Igho Williams

1. 4 December 2020President Nana Akufo-Addo, John Mahama sign peace deal for December election, De two main presidential candidate for di Ghana 2020 elections,

   

   President Nana Akufo-Addo and John Mahama de candidate of de National Democratic Congress [NDC] don sign one peace pact to make sure peace dey before, during, and after de 7 December, 2020 elections.

   De objective of de ceremony be to get strong commitment of de candidates to work together make sure say no fight-fight for de election and everything dey open and peaceful.

   National Peace Council in collaboration with IDEG BE bring all presidential candidates together to endorse de Peace Accord (Pact) in de lead up to de Ghana 2020 polls.

2. 4 December 2020Shatta Wale drop strong message for Ghana 7 December election

3. 4 December 2020Na electoral offence for anybody to be with another person Voter ID card - EC, .

   Ghana electoral commission don warn say na electoral offence for anybody to be with another person Voter ID card without im written consent.

   Dem sama dis warning as de kontri 7 December election don dey reach.

   

4. 4 December 2020James Gardiner emotional long letter to John Dumelo

   Skip Instagram post

   Allow Instagram content?

   Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.

   Accept and kontinu

   Warning: Di BBC no dey responsible for di content of external sites.

   End of Instagram post

   Ghanian actor James Gardiner don celebrate im colleage John Dumelo for im good work as e be dey contest for de Ayawaso West Wuogon Parliamentary seat.

   For inside long letter wey e write for im social media page to adress de NDC Parliamentary candidate, Gardiner say;

   "although John Dumelo be don face plenti challenges throughout im political career but en still dey manage to be strong.

   “Though you no be MP yet, you don, in your own little way show glimpse of hope for de good things you be dey set out to do for de people.”

   James Gardiner letter dey come as oda actors and entertainers dey campaign for Lydia Alhassan, di Ayawaso West Wuogon MP wey dey fight to retain her seat under di ruling NPP party against John Dumelo.

5. 4 December 2020Kennedy Agyapong say "NPP no go rely on state security agencies to protect de ballot boxes”, Ghana Election 2020 polls: MP Kennedy Agyapong speak tough ahead of Monday polls

   Kennedy Agyapong, de Member of Parliament for Assin Central don declare say de [NPP] New Patriotic Party be ready to deal wit any group or person wey be dey plan to cause violence for de upcoming polls.

   MP Kennedy say de ruling NPP no go rely on state security agencies to protect de ballot boxes de because agency disspoint dem for 2008 elections.

   He tok for interview wit Net2 TV say de National Democratic Congress be plan to de attack polling stations for NPP strongholds.

   He say he get two license guns and a pistol and dey ready to fight anyone who wan cause violence at de polls.

   “They said about 30 metres for de NPP strongholds, dem go start to shoot guns.Anyone wey no like peace for de kintri, we will shoot down.

   E no go be like 2008 elections wen dey say security break down, I get licensed two guns and a pistol. for me alone and I make ready like Rambo,” he tok.

   

   Wia dis foto come from, Parliament of Ghana

6. 4 December 2020Justice Gbadegbe cry as en retire from Ghana Supreme Court - See things you fit no know about him

7. 3 December 2020Abstinence from polls fit be endorsement for Domsor - NPP

8. 3 December 2020What Ghanaians dey expect from de next president?, .BBC Pidgin hit de streets of Accra to ask Ghanaians what dem dey expect of de next govment after Monday elections.

   

   On Monday, December 7 Ghanaians dey vote for new President.

   But what exactly de people of Ghana want in de next 4 years?

   See what some residents of Accra talk after we hit de streets.

9. 3 December 2020Meet de women wey wan become Ghana president

10. 3 December 2020Lydia Alhassan, John Dumelo make ready for 7 Dec. face off

11. 3 December 2020Alfred Mahama clear de air on 'nefarious activity' for Kumasi days to election

12. 3 December 2020Akua Donkor, Presidential candidate of Ghana Freedom Party

    

    Akua Donkor, de 68 year old farmer and Presidential candidate of Ghana Freedom Party talk de plans she get for de country.

    She bin come from de Ashanti region of Ghana, reports bin say Madam Akua no get any formal education but dis one no stop am from aiming for de sky.

    Dem elect Madam Donkor as assembly woman for Herman.

    Her ambition to be president start during de 2012 polls wen she apply to contest as independent candidate but de electoral commission no allow am run

    Madam Donkor say her focus na to make education free from primary to secondary level and also raise import on taxes to allow people import more.

    Apart from Nana Rawlings and Brigitte and Akua Donkor, anoda woman to watch out for during di upcoming election na Jane Naana Agyemang- de woman wey fit become di first woman vice president of Ghana.

13. 3 December 2020Electoral Commission establish call centre for Ghana Elections 2020, .

    Ghana Electoral Commission on Thursday establish call centre for Ghana Elections 2020.

    De call centre na for voters to call and tell de electoral commission any concern during di election.

    Dis be de number for voters to call-100 100

    

    Wia dis foto come from, EC Ghana

14. 3 December 2020Alfred Mahama clear de air on 'nefarious activity' for Kumasi days to election, NDC candidate brother Alfred Mahama clear de air on Kumasi waka days to election

    

    Wia dis foto come from, Ghana Web

    Alfred Mahama don clear de air on 'nefarious activity' for Kumasi days to election.

    De National Deocratic Congress candidate former president John Mahama brother, Alfred Mahama don clear de air about say im dey look for place to rent for Kumasi de South region of de kontri.

    Oga Alfred phone in to one programme for Net2 TV ghana to say na lie de rumor be, he say e dey for de kontri capital, Accra.

    Ghana prophet, Rev Owusu Benpa wey be strong supporter of di ruling New Patriotic party, NPP bin accuse say Alfred Mahama dey for hideout for Kumasi wit some foreigners wit attempt to secure dia stay for di city just some days to de election.

    But Alfred say de tok no dey true.

    "I no see de reason why I no fit dey for Kumasi but presently, I dey for Accra."

    Wen de interviewer ask Alfred wen be de last time im visit Kumasi, he say Im be de always pass through de place to visit de Nothern region.

    Oga Alfred also say im dey for Kumasi on Dec 1 just to liase wit im party members and nothing more.

15. 3 December 2020See latest prophecy of who wins election 2020 in Ghana

16. 3 December 2020Lydia Alhassan, John Dumelo make ready for final face off on December 7

    

    Wia dis foto come from, Facabook/Lydia Alhassan and John Dumelo

    Lydia Alhassan den John Dumelo make ready for final face off between dem on December 7 where voters go decide who go represent de people of Ayawaso West Wuogon in Parliament.

    Both candidates be very positive say de outcome of de elections go favour them.

    De two most popular candidates monitor de special voting exercise wey happen on Monday December 1, 2020 from morning to evening when voting end.

    NPPs Lydia Alhassan talk BBC Pidgin, Favour Nunoo say she she be confident of 65 percent victory. Meanwhile, John Dumelo of de NDC also be confident of victory come December 7.

    Ghana Electoral Commission organise special voting on December 1, for key service providers who dey give critical service to Ghanaians on 7 December.

    Some 109,577 voters dey vote across de country from some 12 key institutions who de EC give dis right to vote first.

    Ayawaso West Wuogon Constituency be one of de flashpoints wey observers say go fit record violence in de elections. Both candidates in de race however dey preach peace on election day.

17. 3 December 2020Learn from Ghana election - PDP tell Nigeria INEC Boss

    

    Wia dis foto come from, Nigeria Ghana

    Nigeria opposition party, People’s Democratic Party (PDP) don tell de re-appointed chairman of de Independent National Electoral Commission (INEC), Prof Mahmood Yakubu to Learn From Ghana and give Nigeria Credible 2023 Election.

    PDP also add say make Mahmood learn from United states of America“Go to Ghana and United States and take a study from dia electoralbodies on how to conduct free, fair, transparent and credible general election.”

    Nigeria opposition party say make Prof. Yakubu learn de way Ghana electoral commission make more room for more all-inclusive electoral process by kick-starting special voting system to enable personnel of critical service providers cast dia ballots days ahead of the December 7, election date.

    Concerning de election style of America, PDP say make INECChairman study how US credibly conduct dia 2020 Presidential election without allowing de goment to influence and use security to suppress de wishes of citizens.

    De party ask Yakubu not to begin make excuses but to use di more than two years ahead of di 2023 general election to rejig Nigeria electoral commission and work out legislations and operational rules wey go guarantee free, credible and all-inclusive electoral process.

    De advice wey dey for statement from PDP spokesman, Kola Ologbondiyan say INEC chairman need to initiate processes and procedures wey go guarantee prompt arrival of ballot materials, quick accreditation and voting; instant transmission of results from polling units plus easy collation of figures.

18. 3 December 2020"NDC lose 2016 election sake of NPP set up fake news troll factories against me"

19. 3 December 2020Ghana election 2020: See wetin prophets predict to win, .

    Di leader of Prophetic Hill Church Prophet Nigel Gaisie Prophet prophesy for di forthcoming Ghana election na say “change dey come”.

    Prophet Nigel Gaisie wey dey popular for im plenti prophesies wey I'm dey call ‘Jesus agenda’ say na de former Ghana president and de candidate of de National Democratic Congress,

    John Mahama go win de Ghana 2020 election. How im take tok am?

    Pastor Nigel bin post for im Facebook page just some days to de December 7 election say.“2020 ELECTIONS DE SPIRITUAL AND Vigilance, make de oopposition parties be MORE VIGILANT SAY....*WE GO DESTABILIZE DIA STRONG-HOLDS*WE NO GO LEAVE POWER EASILY SAYS DE LORD”.

    He ask opposition party to dey more careful, say na iron and blood de election go be.

    Prophet Nigel Gaisie dey forsee say na de National Democratic Congress NDC go win de election but de ruling party no go wan leave power easily.

    Earlier for de year, Im be don prophecy say Donald Trump no go win second term bid to become US president for de 2020 election.

    However, Reverend Owusu Bempah bin tok say God tell am na Pres. Akufo-Addo go retain power.

    For interview wit news pipo for Net2TV, he say President Akufo-Addo and de candidate of de New Patriotic party go win de 2020 elections and any prophecy going in favour of John Mahama na fake.

    “With all humility, I wan tell Ghanaians to know from wetin I be see, Nana Addo go win de elections.

    When e be getting to election time normally de seat go dey empty because de citizens dey about to decide but de Ghanaian seat no empty, de president is still sitting on it.”

    He tok say all de other prophecy by some pastors day John Mahama will win be fake. “I only speak wen dem it has been revealed to me”. He tok.

20. 3 December 2020‘NDC lose 2016 election sake of NPP set up fake news troll factories against me’ – John Mahama, .

    Presidential Candidate of de NDC, John Dramani Mahama say one de main cases of en 2016 election loss be as a result of troll factories wey then opposition NPP set up.

    John Mahama make dis claim after BBC Pidgin ask am what cause en defeat in 2016.

    According to Mr Mahama, “we no take advantage of social media…but we no recognise de potential at that time.

    But our opponents recognise am wen dem set up troll factories, fake news den tins.”

    "Dem dey throw mud at us, rumours say person go buy hotel for Dubai…that time we think say Ghanaians go know say e be fake but not knowing na e dey sink into people’s mind” he add.

    He explain dis fake news come create perception say de govment be corrupt den tins, e be after he leave office wey people come see say all be lie.

    So I feel say de social media fake news wey we no fit respond to well, den how de economy do someway sake of de power crisis wey cause NDC defeat. Mr Mahama also blame de IMF program wey freeze employment in public service as one of de challenges de cause dema defeat. John Mahama dey hope say on December 7, Ghanaians go reconsider am to lead de country.

    Meanwhile, NPP Presidential Candidate, Prez Akufo-Addo also dey campaign across Ghana so say Ghanaians go retain am in power for four more years.