See di world leaders wey never congratulate Joe Biden

America president elect Joe Biden don promise to unify di kontri afta im win Donald Trump for election

Live Coverage

Helen Oyibo and Moseph Ekine

4 November 2020Wetin be di latest for di election?
Wia dis foto come from, Getty Images
E don pass 24 hours since election polls first open for United States and about 12 hours since e close. And till now we still neva sabi who di next president go be.
Dis no be suprise as di kontri dey count many postal votes dis year pass before sake of coronavirus pandemic.
Votes from post office dey take longer to count, and e dey very normal for pipo to continue voting for some days for US.
Dis na wia we dey so far:
- Di contest don gradually dey reduce to just some few states - Pennsylvania, Wisconsin and Michigan - wia di results still dey enta small small.
- Michigan election chief say dem still get about 100,000 votes to count.
- Winconsin say dem don count all di votes and now dem dey triple check dia maths.
- Georgia get around 200,000 more ballot to count.
- Across di kontri, millions of votes still remain to count
- Di two camps say dem dey confident say dem go win.
- Biden dey expect to tok to tori pipo later today about di election. Trump no get any official event.
4 November 2020Biden national lead dey increase
As we still dey wait for di result from some of di states, Joe Biden dey lead for popular vote and di number dey increase.
Di Democrat candidate dey lead President Donald Trump wit more dan 2.5 million votes for di whole contry. Dis one mean say im get about 50% of di overall vote while oga Trump get 48%.
4 November 2020Pennsylvania govnor: ‘We fit no know di results today’
Results for Pennsylvania state fit no ready today, na so di Govnor Tom Wolf tok.
“We fit no sabi di results even today, but di most important tin na make we get correct result even if e go take longer time dan we dey used to,” im tell tori pipo.
“No make mistake, dis election dey test our democracy.
“Pennsylvania go get free and fair election witout influence,” in add.
Biden dey behind for di state but di vote wey remain to count fit favour Democrat.
Trump don first say e go dey “almost impossible” for Biden to catch up for Pennsylvania, wia in win wit 44,000 votes for 2016.
4 November 2020, Dis na how tins be right now
4 November 2020Michigan “’get 100,000 votes remaining to count’
Michigan Secretary of States, Jocelyn Benson, don give di latest update for vote counting for di state.
She say “just ova 100,000 or so” ballot remain to count.
Wayne County for Detroit wey get di most population for Michigan dey count two Biden vote for every one vote for Trump, she ok. She add say Biden dey currently lead Trump wit about 32,000 votes.
She say she dey confident say “by di end of di day” Michigan go almost get full, if not full and complete unofficial result to announce.
4 November 2020Trump camp do press briefing
We just hear from Trump campaign group wey do press briefing say, di team dey “confident about dia way” to 270 electoral points.
Dem say dem fit to count di vote for Wisconsin again and dem believe say Trump go “continue to over perform” among di minority voters for Pennsylvania.
“We want to make sure all di votes wey dey legal dey counted,” na so top campaign advisor Jason Miller tok.
“We also wan make sure say illegal votes no dey counted."
4 November 2020Biden campaign give update on state of di race
Joe Biden's campaign team don give update on di state of di race as di Democratic challenger dey wait to see if e don comot Donald Trump from di White House.
Di campaign say dem believe dem dey on "clear path to victory". "We tink say dis already dey concluded," na so campaign manager Jen O’Malley Dillon tok.
Di outcome of di election now depend on results from a few key states: Arizona, Georgia, Wisconsin, Michigan and Pennsylvania.
Millions of votes remain wey dem never count and no candidate fit credibly claim victory as yet.
Trump say earlier e don win and vow to launch Supreme Court challenge, wia e allege fraud as e no give any evidence.
4 November 2020Trump wan know why votes inside mail get 'power of destruction'
Wia dis foto come from, Getty Images
US President Donald Trump don ask question about wetin dey go on for di votes wey dem dey count inside mail box
Oga Trump for tweet ask “How come every time they count Mail-In ballot dumps they are so devastating in their percentage and power of destruction?”
E bin don already tok say e go shaperly go Supreme Court if di election go against am.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
4 November 2020Twitter don flag Slovenia Prime Minster comment say ‘Trump win”
Twitter don flag di post of Slovenia Prime Minister, Janez Jansa, wia im congratulate Donald Trump, come accuse “mainstream media” of “fact denying.”
Twitter label di post wit red message say: “Official sources fit neva call di result wen dem post dis tweet.”
Jansa don dey tweet im support for Trump and im policies since im become Slovenia prime minister for March.
As we bin mention, dem neva still count many for di main di main states so, Biden or Trump no fit beat hand for chest claim say dem win.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
4 November 2020EU chief diplomat: ‘Nobody fit claim im be winner yet’
Wia dis foto come from, Getty Images
European leaders don remain quiet since morning dey wait for di result.
But di idea to keep quiet becos “e too soon to tok” mean say dem take style reject Trump claim say, im don win di electionand make dem stop vote counting.
Di EU chief diplomat, Josep Borrell, give wetin im call im personal opinion. Dem need to count all di votes for dis kain tight race, im say: “No one fit claim to be di winner yet, becos no informate dey to support am.”
One European Commission tok tok pesin follow sa,y dis na on going process: “We go abide by any announcement wey dem give officially from relevant US authorities and we feel say make everybody do di same thing.”
Apart from dis diplomats, one EU leader bin dey seriously support President Trump. Twitter add warning message to Slovenia Prime Minister Janez Jansa tweet, wia im alledge say “e dey very clear” say dem don re-elect di president and complain say “more delay and fact denying from big tori pipo.”
4 November 2020Wetin Nigerians, Ghanaians dey tok about di US Election
Di biggest tori for di West African region na di American election.
Dis na as President Donald Trump and former Vice President Joe Biden still dey follow demselves bumper to bumper for di election results wey dey fall in from di states.
For Nigeria, Ghana, pipo dey chook mouth for di mata.
See some of di reactions from social.
Skip X post, 1
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 1
Skip X post, 2
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 2
Skip X post, 3
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 3
For Ghana, pipo dey para pass di ones wey dey di America sef.
Skip X post, 4
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 4
Skip X post, 5
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 5
Skip X post, 6
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 6
4 November 2020Who go win di US Election?
Wia dis foto come from, Getty Images
Di results still dey fall in for US general elections.
So far authorities don announce 41 of di 50 states and di race dey really tight.
US Democratic candidate Joe Biden get 224 votes while President Donald Trump get 213.
Di gap between di two of dem na 11 wit nine more states to go. "We dey feel good about wia we dey. We believe say we dey on track to win dis election," na wetin Biden tok.
Meanwhile President Trump call di election fraud e add say im go carry di mata go Supreme court.
4 November 2020How some Cameroonians see US elections
Article Information
- - Author, Bongben Jisi
  - Role, BBC Pidgin, Cameroon
Plenti Cameroonians join de world for watch US presidential elections between Biden and Trump but wit different interests.
For many, no mata who win, e no go change anything as all US presidents na de same. Example na how Trump no stop Cameroonians weh deh di sponsor war for Northwest and Southwest regions, some argue.
Anoda set of Cameroonians feel say US election no still dey laik before, as e don loss beauty and style, look laik African elections weh all candidates di claim win.
Some pipo want make election body ELECAM learn sense from dis election especially as some of dia members di witness first hand weti idi happen for US.
Anoda worry na say survey company for predict elections, don fail and need for update. Deh compare 2016 wit 2020 for show how deh di fail for guess correctly.
Some pipo di fear post election violence as Trump start say democrats don tiff vote even before final results. Odas say if na for Cameroon deh go call’am ‘insurrection’ attempt for destabilize kontri.
If Trump win, wit e immigration policy, more Cameroon weh deh di seek asylum go kam back for kontri.
Last two weeks, US send back over 50 Cameroonian weh deh claim say deh di run war.
Also na during Trump e time weh US komot Cameroon for Africa Growth Opportunity Act, AGOA, law weh e make’ am easy for Cameroon to sell for America. If BIden win, immigration fit bi different.
4 November 2020How to become president of di United States of America
4 November 2020US presidential election latest
4 November 2020America don get dia first openly transgender senator
Wia dis foto come from, Getty Images
While all eyes dey for di White House race and who go win di presidential election, e dey important to note say no be di only election wey dey happun.
For Delaware, dem don elect dia first ever openly transgender state senator and her name na Sarah McBride.
McBiride na 29 year trans woman wey bin work as intern for Obama administration wey make am di first trans woman to work for White House.
Infact she dey popular for di electoral scene sotay, Democratic candidate Joe Biden write di foreward for her book wia she bin document her fight for trans equality and di death of her husband, Andy, wey be trans man to.
4 November 2020Wetin go happun next?
Di ansa as to who go become di next US president never still clear.
But see some of di likely outcomes.
We fit no know for days. Dis one look like di most likely scenario, as dis battle go shift go di postal votes wey dem never still count for places like Michigan, Wisconsin and Pennsylvania.
Lawyers fit come involve.Donald Trump don threaten to go Supreme Court. Dis wan mean say e fit take weeks.
Di uncertainty fit bring unrest. But e dey too early to say significant unrest go dey.
4 November 2020'I hope say black pipo come out to vote'
Some voters for Compton, Los Angeles tell BBC Pidgin dia voting experience and wetin di election mean for dem.
Wetin we call dis Video, Latest news on US Election 2020: Voters speak on wetin e mean for dem and expectations
4 November 2020See when di 2020 US election results go comot
4 November 2020'Dis na embarrassment to our kontri' - Trump
Wia dis foto come from, Getty Images
Trump don take to di podium for di White House East Room.
E begin by thanking im family, and di millions of supporters wey turn out for am tonight.
"We bin dey get ready for big celebration," e tok. "We bin dey win everything."
Trump celebrate im big win of di night in Florida.
"We no win am, we win am by a lot," e tok.
E also claim lead for Pennsylvania - just like rival Joe Biden bin do earlier on for di election night. E still dey too early to determine winner for di state.
With millions of legitimate ballots wey remain to count, Donald Trump don declare 'victory'.
"Frankly we win dis election," e claim. e suggest - without evidence - say election "fraud" don happen.
"Dis na embarrassment to our kontri," e tok, as e add say e plan to go to di Supreme Court to fight election results.
Dem never still count of millions of votes for di 2020 election.