See di world leaders wey never congratulate Joe Biden

Live Coverage

Helen Oyibo and Moseph Ekine

1. 30 September 2020Gbas-gbos- 'We no dey hear'!

   No be small tin.

   Di candidates interruption of each oda dey make am difficult foe=r dem to land and pipo to follow.

   After about an hour of debate - with plenti gbas-gbos, insults between candidates - Chris Wallace beg Trump and Biden to stop, as e interrupt as dem dey shout.

   "Gentleman! I hate to raise my voice, but why should I be different dan di two of you?"

   E go serve di kontri better if we get fewer interruptions, he tok. Wallace tell di president say e be bigger offender dan Biden.

2. 30 September 2020You go denounce White Supremacist Group Trump?

   Wallace ask Trump about the white supremacist group weda e dey willing to tell dem to stop.

   Trump say im dey willing to do am, I want peace.

   "I go say almost everything we dey see na from di left-wing, not di right-wing," Trump answer, even as both Biden and Wallace urge am to denounce supremacist groups.

   "Proud Boys, stand back and stand by," e tok, to refer to di "men's rights" group wey don clash with protesters for Portland and other US cities.

   E come say di real threat na from antifa and warn say di fascists group go do coup for Biden if im win..

   On Twitter, most pipo agree say Trump no fully denounce white supremacist groups even though e say im ready to distance imsef from dem.

3. 30 September 2020Trump build di greatest economy?, Reality Check

   Trump claim say before di coronavirus outbreak, “we bin build di greatest economy in US history”.

   E claim say im don create ogbonge economic growth, record low unemployment, and comot millions of Americans out of poverty.

   E dey true say di economy bin dey do well before di pandemic - as im e don dey rise from di Obama administration - but some periods for US history don get stronger economy.

4. 30 September 2020'I pay millions of dollars in taxes'

   Wallace ask Trump: "shey na true say you paid $750 a year in federal income tax each of those years? [2017 and 2016]"

   "I pay millions of dollars," Trump reply. "I pay $38m one year. I pay $27m one year."

   Biden challenge am to reveal im taxes and Trump say "you go see am wen e don finish" - e dey refer to di audit wey im taxes dey under.

   Wallace ask di question again. "Will you tell us how much you pay in federal income taxes for 2016 and 2017?"

   "Millions of dollars," Trump tok. "And you go see am."

5. 30 September 2020Biden para for Trump - 'Oga you no go shut up?'

   One of di first sign of how Joe Biden para happun after Trump ask am many times to say whether or not im go increase di Supreme Court if e win, to eliminate how tins dey favour conservatives dem.

   "Oga you no go shut up?" na im Biden use reply. E add join: 'Dey tok anyhow dia.'

   Trump fire back: "Di pipo understand, Joe - 47 years [for Washington] you no do anytin."

   Biden don also call Trump clown more dan once.

6. 30 September 2020Trump family and guests no wear masks

   One journalist inside di debate hall bin report say many of di Trump family enta without masks, even though di rules say make everybody for di room wear dem.

   Joe Biden granddaughter Naomi ontop Twitter tok how im no feel wetin Trump family do...

7. 30 September 2020Twitter pipo ask: What if we mute dem?

   Di candidates don already dey para give demsef for di debate: dem no dey allow di oda pesin to tok finish.

   We don already hear Biden ask Trump to just "shut up", and some viewers dey ask if di moderator Chris Wallace fit silence di candidates and mute dia microphones when dia opponent dey answer question.

8. 30 September 2020Biden say Trump dey irresponsible

   On di issue of reopening di economy, E say Biden say e dey relunctant to reopen di economy because Trump no get plan.

   E sayTrump no wan meet with di senate, e accuse Trump say e just siddon for im golf course.

   E accuse Trump say e wan shut down di economy but e wan keep am open.

   Trump say dem don learn a lot, and if dem shut down di economy more pipo go dey hurt, e accuse di pipo wey dey call for shutdown say dem wan shutdown till afta di election.

   Biden say Mask wearing fit save more lifes.

   Trump say e dey hold big rallies because pipo “wan hear wetin e get to say”.

   Biden say Trump dey irresponsible with di way e handle di issue of social distancing.

9. 30 September 2020Ontop Covid-19 mata

   Trump claim say di number of pipo wey coronavirus don kill - over 200,000 Americans - fit high pass wetin e be if to say na Biden dey in charge when di pandemic begin.

   "E go be 200 million pipo because you go don dey late ontop di mata," tok Trump.

   "You go don act later later," to ban travellers from China, Trump hala.

   Biden say Trump no get plan.

   Biden say make America provide all di protective gears,

   Trump reply say if dem listen to Biden, more pipo for die.

   E again blame China for di palava

   Trump say e close border but dem say e be xenophobic but Biden feel say dem no suppose close am so e for leave am open and more pipo for die.

   “Pipo wey no for dey on myself say I do ogbonge work”

   “We don do great job, and vaccine dey on di way”

   E say Biden no for fit do di job.

   Biden reply say e for fit do di job.

   Trump ansa back say Biden for be disaster and far more pipo fit die.

   Biden bring up di issue of wearing mask say e for help more pipo.

10. 30 September 2020Biden carry healthcare come di mata

    Biden tok say di American pipo get di chance to tok dia own onto di Supreme Court decisions for elections.

    "Na di only way wey di American pipo get to express dia mind - by who dem elect as president and who dem elect as vice-president," Biden tok.

    Biden tok wetin anoda justice wey Trump select go mean for healthcare (and Obamacare) - wey be important part of di Democratic platform and one wey make dem win votes during di 2018 midterm elections.

11. 30 September 2020Question on Supreme Court

    Wallace ask Trump why e suppose dey be able to nominate di next Supreme Court justice, Biden argue say dem suppose pick di next justice afta di election.

    To each candidate, e ask "why you feel say you dey right?"

    "We win di election. Elections get consequences," Trump tok.

    "We win di election and therefore we get di right to choose her."

    Trump dey calm when im defend im Supreme Court nominee Amy Coney Barrett.

    She dey "good in every way", Trump tok.

    Trump also defend im decision to nominate now say if to say na Democrats dey power, dem sef go seize di opportunity.

    "Dem no elect me for three years, I dey elected for four years," im tok.

12. 30 September 2020Breaking, Time don reach, ... di candidates don show

    Trump and Biden don take di stage...

    Di moderator na veteran TV journalist Chris Wallace of Fox News. He go pose six questions in six segments, with 15 minutes for answers.

13. 30 September 2020Just some few more minutes to go!

    Just some few minutes until Donald John Trump and Joseph Robinette Biden Jr. go take di stage.

    Pipo dey expect ogbonge debate wey millions of viewers go watch.

    • Wetin to expect?

    Trump dey behind for di polls, im opposition also dey expected to take advantage on recent reports about di president income tax payments - including say he pay only just $750 for 2016 and 2017.

    Biden imsef just release im own tax returns just a few hours before di debate. E and im wife Jill pay nearly $288,000 (£224,000) as income tax last year,according to di filings.

    Also, im record ontop di coronavirus palava na also something wey fit come up during di debate.

    In all, today na today and di 90 minutes of debate show na something pipo expect to be interesting something.

14. 30 September 2020Time don dey reach...

    Di stage don set and time don dey reach for Biden and Trump to climb.

    Security dey ground and dem dey eye some anti-Trump demonstrators outside di venue.

    Meanwhile, Ivanka Trump don fly in to support her father in person.

15. 30 September 2020If you just dey join us..., Dis na our live coverage of di Trump Biden debate

    Na one of di biggest days for di US election season so far as President Donald Trump and former Vice-President Joe Biden prepare to square off for dia first debate.

    Trump don land Cleveland, Ohio ontop Air Force One, di presidential jet, Biden too land ontop one brand new aircraft wey get im campaign logos.

    Di six topics wey di moderator don chosetonight na:

    Di Supreme Court

    Trump and Biden records

    Di coronavirus pandemic

    Race protests and violence for di cities

    Election integrity

    Di economy

    Stay with us here as we go dey give una all di updates and gist as e dey happun!

16. 29 September 2020How many pipo go watch dis night?

    Di presidential debates get high ratings.

    Di lowest viewership dem ever record na 36.1 million for 1996, wen Bill Clinton (di incumbent president) take on Republican Bob Dole.

    Di highest rated appearance? Na di first debate between Trump and Hillary Clinton wey draw 84 million viewers for 2016.

17. 29 September 2020Trump and Biden don land Ohio, Dem don go round di debate venue

    Donald Trump and Joe Biden don go round di debate venue on a final inspection afta dem land Ohio.

    Di tour dey common for candidates fordis kain events - last chance to familiarise themselves with the setting and to run through di choreography of di introductions before millions of eyes go ficus on dem.

    Apparently the president is now waiting at the hotel across the street for the event to begin.

18. 29 September 2020See inside di debate hall for Cleveland

    Preparations dey go on for di campus of medical centre Cleveland Clinic wia di action go take place later.

    Chairs inside di debate hall get signs with instructions for pipo to observe social distancing.

    Reports say na like 80 to 100 pipo go attend, but di dem never finalise di numbers . All pesins we go attend go don do test for Covid-19 and must wear masks.

    And di normal handshake between candidates wen dem meet on stage no go happun.

19. 29 September 2020Biden and Harris don publish tax returns ahead of di debate

    With just hours until di first debate and with di controversy ontop President Donald Trump tax payments, Democratic nominee Joe Biden don release im own tax returns for last year.

    Biden and im wife pay almost $300,000 as tax for di year 2019 - wey be tax rate of around 30% on dia income.

    Biden running mate Kamala Harris and her husband, pay $1.19m during di same year.

    Di tori dey come afta one report by di New York Times wey torchlight say Trump pay just $750 as federal income tax for di years 2016 and 2017, and none for 10 of di previous 15 years.

    Trump, wey deny di New York Times report, don refuse many times to share documents wey relate to im wealth and business dem.

    Im na di first president since di 1970s not to show di pipo on America im tax returns, although law no dey say im must make am public.

20. 29 September 2020How Biden dey prepare?

    In di last few weeks, Biden bin dey study im briefing books - all wey dem print in im favourite size-14 Arial font, according to di New York Times - e also dey hold prep sessions with staff in person for im Delaware home, as well as ontop Zoom.

    Im campaign say Donald Trump habit of lying and to dey misrepresent di facts go complicate Biden attempt to stay focused on di message. According to reports, im debate team dey study all of Trump tweets about Biden to discover possible lines of attack.

    Biden officials dey also warn dia candidate not to try to fact-check Trump too much and make e no too go into not get too lost in giving detailed policy proposals - something e fit begin do as a former longtime senator.