You’re viewing a text-only version of this website that uses less data. View the main version of the website including all images and videos.
Nigeria election office, INEC don begin declare LGA results afta vote counting for 19 September, 2020 Edo State Governorship Election. 14 Candidates including di current Govnor Obaseki and im main challenger Ize-Iyamu dey battle to lead di state inside southern Nigeria for di next four years.
Daniel Semeniworima and Helen Oyibo
EGOR LGA
Total Registered Voters: 219841
Accredited voters: 39709
Valid votes: 38396
Rejected votes : 955
Total votes cast: 39351
APC: 10202
PDP: 27621
Ballot snatching at Ogidi Ward 3 units 4,5,18 with 1971 voters
Una welcome to anoda day of Edo State Governorship election!
Result collation don dey go on for Independent National Electoral Commission (INEC) office for Benin, Edo state capital.
We go dey drop am here as e dey hot.
Polling units close afta 2:30pm on Saturday across di 18 Local Goment Areas of Edo State for di Governorship Election.
Presently, Polling Clerks dey enta results as INEC begin counting of Edo election ballots.
See some fotos from di vote counting:
See as Obaseki supporters dey jubilate for Oredo ward 4 afta news say im win di polling unit.
Govnor Godwin Obaseki win im polling unit.
Obaseki vote Saturday afternoon for Ward 4 unit 19 Oredo Obaseki polling unit for Emokpae primary school mission road Benin City.
Di poll Presiding officer na im declare di unit result as INEC begin vote counting for di Edo State Governorship Election wey close afta 2:30pm.
Also, APC Osagia Ize-Iyamu win im polling unit.
Ize-Iyamu vote Saturday morning for unit 26 ward 5 Iguododo Primary school Orhionmwon Local Goment Area.
INEC Resident Electoral Commissioner inside Edo State, Johnson Alabi say di govnorship election for Edo State na peaceful election.
Alabi tok say for areas wia dem hear informate of pockets of violence, dem quickly inform di police to step in.
But generally, im tok say di process dey smooth, im add.
“I feel tell di whole Nigerians say dis election good and God help, rain no fall”.
For im response to wetin Govnor Obaseki tok, say delay bin dey for di pulling units as voters wait for too long before dem fit vote, Oga Alabi say voters bin no quick come out.
Election kasala no dey for di polling units wey dey for Ugboko 23 and 24 ward 5 as everything dey go on peacefully.
Voting bin start for dis ward around 8:30am.
For one house opposite di units, cooking dey happun as some women dey serve electorates hot meals.
Report from BBC Pidgin tori pesin wey dey on ground for Edo Governorship election say heavy security presence na im dey for obaseki polling unit.
Governor Obaseki and im wife don already cast dis vote dis morning afta dem been wait for line for more than one hour.
Nigeria musician, Davido don sama small prayers for everybody wey dey participate for di Edo state Governorship election.
Di singer write for im twitter handle say make everybody out dia dey safe and im dey put dem for e prayers.
Edo state governor, Godwin Obaseki say im bin dey expect beta election planning from di electoral commission (INEC) and im dey a bit disappointed say card readey dey slow and e come wait for more than one hour before e fit vote.
"I expect say INEC for prepare wella for dis election. I wait for one and half hour for di queue before I fit exercise my franchise, e dey a bit disappointing," Governor Obaseki tok
Former national chairman of APC, Adams Oshiomhole don cast im vote for di Edo state governorship election.
E vote for ward 10, Etsako West local government area Iyamho.
Dis na afta di APC candidate, Osagie Ize-Iyamu and di Governor, Godwin Obaseki don cast dia votes.
Election observers done commend di way Edo State Governor, Godwin Obaseki stand for di line wait im turn to vote, say na good example of humility for Edo pipo to follow.
Some of dem wey follow BBC Pidgin tok, say INEC try to observe di Covid-19 protocols but for di two (2) meters physical distancing, pipo no observe am as dem stand for line.
Many voters wear facemask, sanitize dia hands and do temperature checks before dem cast di vote.
Former national chairman of APC, Adams Oshiomhole don queue up to vote for di Edo state Governorship elction.
Dis na afta di APC candidate, Osagie Ize-Iyamu and di Governor, Godwin Obaseki don cast dia votes.
Some polling unit for di Edo state Governorship election receive massive turn out of voters.
For Eyean primary school, Uhunmwode Local Government Area Edo state, plenti pipo na show face to cast dia votes.
Edo State Govnor, Godwin Obaseki and im wife Betsy don cast dia vote for Emokpae Model Primary School Mission Road, Oredo Local Government Area of di state.
Oga Obaseki wey be di candidate of People's Democratic Party (PDP) togeda with im wife stand for queue ova one hour before dem come finally vote.
Voting for Edo elections go stop around 2:30PM but if pipo still dey for queue afta dis time, INEC go extend di voting time.
Govnor Obaseki don vote but complain say "I wait 90 minutes for queue, slow card readers for my polling unit"
“I expect say INEC for prepare better for dis election. I wait for one and half hour for di queue before I fit exercise my franchise, e dey a bit disappointing. Obaseki add as e cast im ballot around 11:45am on Saturday.
“As e be say dis election na sole day election, I bin expect better planning for dis election. Card readers dey very slow and dat na di situation everywia.”
About 1,000 pipo na queue up all of sudden for di Polling Unit wey Osagie Ize-Iyamu vote immediately di APC candidate vote finish.
E just dey like say di voters dey for oga Ize-Iyamu to first cast im vote before dey crowd demsef.
Our tori pesin report say di moment Ize-Iyamu leave, INEC officials appear not to care so much about health and safety guidelines (like enforcing facemasks, temp checks).
Di spirit of social distancing don really dey distant for di voters inside di polling unit.
Some women wey bin come out to vote say dem get strong dislike for di harsh sunlight wey dey shine wow-wow for dia.
Di women tell BBC Pigin tori pesin say dem dey wait patiently for di sun to move or cool down before dem go vote.