چین کې ملکي الوتکه له ۱۳۲ مساپرو سره غرونو کې لوېدلې
د عکس سرچینه، Getty Images
د چین ملکي هوايي چلن ادارې تایید کړې، چې د دې هېواد ختیځ هوايي شرکت یوه الوتکه چې ۱۳۲ کسان پکې ناست وو، په ګوانګشي ایالت کې لوېدلې ده.
تر اوسه د الوتکې لوېدو لامل او په دې پېښه کې د اوښتي سر زیان په هکله کره معلومات نه دي ورکړل شوي.
د چین دولتي رسنیو په رپوټونو کې ویل شوي، چې د دې بوینګ ۷۳۷ ډوله الوتکې لوېدو له کبله د غرنۍ سیمې په ځنګله کې اور لګېدلی دی.
ایم یو ۵۷۳۵ شمېره دا الوتنه له ځايي وخت سره سم د ماسپښین پر پاو باندې یوه بجه له کونمینګ ښاره والوته او ګوانګژو سیمې ته پر لار وه، چې له پېښې سره مخامخ شوه.
د الوتنو څار وېبپاڼي ښيي چې دا الوتکه یوازې یو ساعت په هوا کې وه او له هغه وروسته بې درکه شوه.
الوتکه د تینګ سیمې وژو ښار ته نژدې لوېدلې ده.
دولتي رسنیو پر خواله رسنۍ ټویټر د لوېدلې الوتکې پاتې شویو تصویرونه خپاره کړي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
ګوانګشي سویلي ایالت دی، چې له ګوانګژو سره په ګاونډ کې موقعیت لري او د چین په سویل ختیځ کې تر ټولو لوی ښار دی.
د دولتي ټلویزیون سي سي ټي وي په رپوټ کې ویل شوي، مرستندویان د پېښې ځای ته رسېدلي دي.
د فلایټ راډار ۲۳ معلومات ښيي چې دغه الوتکه وروستی ځل د ۳۲۲۵ فوټه په لوړوالي سره تر دوو بجو او ۲۲ دقیقو پورې په هوا کې لیدل کېده.
