لبنانۍ کیندا الخطیب له 'اسرائیلو سره د ټیلېفوني اړیکو' په تور نیول شوې
د عکس سرچینه، Social Media
د فعالې کیندا الخطیب نیول کېدو د لبنانیانو غوسه راپارولې ده. نوموړې د تېرې پنجشنبې په ورځ په عکار ښار کې - چې پکې اوسېده، امنیتي ځواکونو ونیوله.
ځینو ټوېټر کارنو د هغې د نیول کېدو لامل پر ټوېټر د اسرائیلي پوځ د ویاند افیخای ادرعي د ټوېټ بیا خپرول بللی دی.
د سیمه ییزو رپوټونو او د فعالانو په وینا، پر کیندا تور لګول شوی چې ګنې له "دښمن سره یې تیلېفوني اړیکې" نیولې او "نیول شوې خاورې ته یې سفر" کړی دی.
ځینو ټوېټر کارنو د (کینداـخوشې کړئ) هشټګ کارولی او د هغې نیونه یې د "وینا پر ازادۍ برید" او "د فعالانو د غږ ختمولو ترهوونکی سیاست" بللی دی.
ځینو ویلي وېره لري چې لبنان پر یوه "پولیسي دولت" وانه وړي؛ ځکه چې هلته په زور د خلکو غږ تربت کېږي.
ځینو ویلي، مدني فعالان په "جاسوسۍ"تورنېږي چې تر دې وړاندې لبنانی هنرمن زیاد عیتاني هم له ورته برخلیک سره مخامخ شوی و او "د اسرائیلو په ګټه د جاسوسۍ"کولو په تور نیول شوی و.
خو وروسته چې خوشی شو، جوته شوه چې پر هغه د تور لګولو قضیه جعلي وه.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
په عکار کې ځینې کسان له کیندا سره د خواخوږۍ لپاره راوتلي او لاریونیانو یې د خوشې کېدو غوښتنه کړې ده.
په مقابل کې، ځینو ټوېټر کارنو کیندا الخطیب جاسوسه بللې او د هغې پر سیاسي اندونو یې نیوکې کړې او دا یې "د مقاومت ضد" او د لبناني ګوندونو پر خلاف بللې دي.
