'هندوانو ته د سپکاوي له کبله پاکستانی وزیر له دندې ګوښه شو'
د عکس سرچینه، @GOPunjabPK
پاکستان کې هغه وزیر له دندې ګوښه شوی چې د هندوانو په هکله یې له سپکاوې ډکې خبرې کړې وې. د واکمن تحریک انصاف ګوند له لوري ویل شوي، د پنجاب اطلاعاتو ایالتي وزیر فیاض الحسن چوهان هندوانو ته د سپکاوي کولو له کبله له دندې ګوښه شوی دی.
په اعلامیه کې راغلي 'هېڅ یوې عقیدې ته سپکاوی باید د رسمي خبرو برخه نه وي او پاکستان د زغم پر اساس رامنځته شوی دی. '
فیاض الحسن چوهان تېره ورځ د هندوانو په تړاو خورا نامناسبې خبرې کړې وې او له هغه وروسته خپله د پاکستاني هندوانو په ګډون د خواله رسنیو ډېرو کاروونکو کلکې نیوکې پرې وکړې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
پاکستان کې نژدې څلور میلیونه هندوان ژوند کوي.
ښاغلي چوهان وروسته د خپلو خبرو له کبله بښنه وغوښته، خو رسماً یې بښنه و نه ومنل شوه او له دندې ګوښه شوی دی. د پنجاب حکومتي ویاند شهبازګل په یوه اعلامیه کې د پنجاب اعلی وزیر عثمان بزدار له لوري د فیاض الحسن چوهان د 'خواشینونکو ' څرګندونو له کبله بښنه غوښتې.
پر ښاغلي چوهان له دې مخکې هم د خپلو څرګندونو له کبله نیوکې شوې دي.
پاکستان کې د هند هوايي ځواک له بریدونو وروسته یو شمېر پاکستان مېشتو هندوانو پر خواله رسنیو شکایتونه کول چې د هند حکومت فعالیت ته غبرګون کې پړه پر دوی اچول کېږي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د پاکستان یو هندو مدني فعال کپیل دېو په خپل ټویټر پیغام کې لیکلي:
''له پاکستان سره زموږ د مینې ځواب کې د پاکستان تحریک انصاف ګوند وزیر فیاض الحسن چوهان ځواب دا و چې پاکستان مېشتو څلور میلیونه هندوانو ته له پام کولو پرته د هندوانو لپاره 'د غوا متیازې څښونکي ' غوندې له سپکاوي ډک توري ووايي او د دوي په خپل ګوند کې د پارلمان غړي هندوان شته. ''
د پاکستان بهرنیو چارو وزارت هم د ښاغلي چوهان خبرې رد کړې. په یوه ټیوټر پیغام کې د بهرنیو چارو وزارت ویاند ډاکټر فیصل وايي، ''موږ د خپلو هندو هېوادوالو د خدمتونو درناوی کوو، دوی خپل بولو او عزت ورکوو. ''
