د ورور په کور کې بندیوانه خور

د هند پلازمېنه ډیلي کې یو سړی له دې کبله نیول شوی، چې ویل کېږي، دوو کلونو پورې یې سکنۍ خور په کور کې ایساره کړې او وهلې ډبولې ده.

د پنجشنبې پر ورځ ډيلي کې د ښځو کمېسیون فعالان او پولیس د دغه سړي کور ته ننوتل او په ډراماتیک انداز یې دغه ښځه وژغورله.

د ښځې نوم نه دی یاد شوی او چارواکي وايي، دومره ناتوانه شوې وه، چې نه تلای شوای او نه یې څوک پېژندل. د ډيلي ښځو کمېسیون مشره سواتي مالیوال وايي:

''دغه ښځه پنځوس کلنه ده، خو داسې معلومېږي ته به وايې ۹۰ کلنه ده. کله چې موږ هغه له خپل چټل بستره راپورته کړه دومره وږې او ناتوانه وه، چې د خپلو اړتیاوو پوره کولو لپاره له ځایه نه شوای ښورېدلای. ''

اغلې مالیوال وايي، خپله د پولیسو سره یو ځای هلته ورغله، خو د کور څښتن او مېرمن یې دوی ته دننه د ورتلو اجازه نه ورکوله او کنځل یي. د پولیسو یوه افسر رنجش ګپتا بي بي سي ته وویل:

''وروسته زموږ کسان د ګاونډي له کوره د دغه کور بلۍ ته وختل او هلته یې دغه ښځه خورا ناوړه حالت کې ولیده. ''

هغه ښځه چې درې سوه اعدامونه یې لیدلي

په هند کې یوه ښځه ژوندۍ سوځول شوې

افغان حکومت: طالبانو يوه بوډۍ ښځه د جاسوسۍ په تور وژلې"

د دغې ښځې ورور او مېرمن یې په جرم کې د ګډون په تور نیول شوي دي. پولیس وايي، دوی هڅه کوي، معلومه کړي، چې ولې مېړه، مېرمنې دغه ښځه ځورولې ده.