تیاګو الکانتارا له لیورپول سره د ۲۰ میلیون پونډو بدل کې یوځای شو

اسپانوي لوبغاړي تیاګو الکانتارا له انګلیس لیورپول لوبډلې سره د ۲۰ میلیون پونډو په مقابل کې د څلورو کلونو یو تړون لاسلیک کړی او له بایرم میونیخ نه وتلی دی.

د ۲۹ کلن الکانتارا دا لېږدېدنه به کابو ۲۵ میلیون پونډه لګښت ولري.

دغه لوبغاړي ویلي: "دا ښه احساس دی.‌ له اوږدې مودې د دې شېبې په تمه وم زه ډېر خوشاله یم چې نن دلته یم."

تیاګو به د شپږم نمبر لرونکی کمیس اغوندي،.‌

نوموړی به یکشنبه پخپله وروستۍ لوبه کې د چلسي پرضد ولوبېږي.

تیاګو مخکې له دې چې بایرن ته په ۲۰۱۳ کال ولېږدي، دوه ځله له بارسلونا لوبډلې سره لومړي مقامونه ګټلي.

د دغې معاملې ۲۰ میلیون ډالر به په قسط ورکول کېږي.‌

د لیورپول روزونکی یورګن کلوب وویل "دا ډېر ښه کار دی، زه رښتیا خوښ یم چې دا کار په ‌پای کې په بریالیتوب ترسره شو".

نوموړی زیاتوي: "پوهېږم چې بایرن کې ټول د هغه پاتېدل غواړي، دا طبیعي ده او د پوهېدو وړ ده ځکه چې هغه ښه رول لوبولی دی."

تیاګو ویلي: "باید ژر تر ژره له نوې لوبډلې سره ځان اشنان کړم."

تیاګو د اسپانیا په ګټه ۳۹ نړیوالو سیالیو کې لوبېدلی دی.