ملالې یوسفزۍ ته د علي وزیر ځواب: د پښتنو او بلوڅو د ټولوژنې پوښتنه هم وکړه
د عکس سرچینه، Malala Fund/ Ali Wazir Facebook
د پښتون ژغورنې غورځنګ مشر او د پاکستان د قامي اسمبلۍ غړي علي وزیر د سولې نوبل جایزه ګټونکې ملالۍ یوسفزۍ ته پر ټوېټر لیکلي چې د پښتنو او بلوڅو د ټولوژنې پوښتنه دې هم وکړي.
ملالۍ یوسفزۍ په امریکا کې روانو احتجاجونو ته په اشارې پر خپله ټوېټر پاڼه لیکلي وو چې د تور پوستو سره زیاتی او نا انصافي ورته د منلو نه دي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
دغه احتجاجونه تېره اوونۍ د پولیسو په لاس د یو تورپوستي جورج فلویډ له وژنې وروسته پیل شول او اوس ټول هېواد ته غځېدلي او تاوتریخوالی هم پکې شوی.
ملالې یوسفزۍ پر ټوېټر لیکلي چې د هغو تورپوستو ټولنو ترڅنګ ولاړه ده چې د وژل شوي جورج فلویډ او نورو کسانو لپاره انصاف غواړي.
د نوموړې د دې ټویټ په ځواب کې د پښتون ژغورنې غورځنګ مشر علي وزیر پر خپله ټوېټر پاڼه لیکلي:
"سمه ده چې د تور پوستو ژوند مهم دی. خو په سویلي اسیا کې د فاشېستو رژیمونو لخوا د پښتنو او بلوڅو ټولوژنه به څنګه شي؟ دلته چې هره ورځ کومه ګناه کېږي، د امریکا له هغې لس واره بدتره ده "
علي وزیر ملالې یوسفزۍ ته لیکلي: "یا بې طرفه اوسه، او یا حقیقت ومنه".
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
دا لومړی ځل نه دی چې پښتانه ملتپالان پر ملالې یوسفزۍ دا ډول نیوکې کوي. ډېری کسان ګیله کوي چې نوموړې په پښتونخوا کې د روان وضعیت په اړه ښکاره دریځ نه لري.
د بېلګې په توګه نوموړې کله هم د پښتون ژغورنې غورځنګ د اهدافو او فعالیت ښکاره ملاتړ نه دی کړی.
د عکس سرچینه، AFP
له همدې کبله پر نوموړې نیوکه کېږي چې د پښتنو د حقونو لپاره هغسې غږ نه پورته کوي چې پکار ده، خو د نړۍ نورو برخو کې د نورو خلکو ملاتړ کوي.
د ملالې یوسفزۍ پلار ضیاالدین یوسفزۍ بیا که څه هم په ښکاره د پښتنو د حقونو د غورځنګونو ملاتړ نه کوي، خو ډېر کله په پښتونخوا او افغانستان کې ترهګر بریدونه غندي او له پښتنو سره د کېدونکې نا انصافۍ خبره هم کوي.
په امریکا کې روان تاوتریخالی اوس د دې هېواد ګڼو ښارونو ته غځېدلی او خلک د پولیسو لخوا د جورج فلویډ د وژنې پر ضد لارو کوڅو ته راوتلي دي.
له امریکا پرته د نړۍ په ګڼو نورو هېوادونو کې هم خلکو احتجاجونه کړي دي او په امریکا کې د تورپوستو د حقونو غوښتنه کوي.
ولسمشر ډونلډ ټرمپ دا احتجاجونه غندلي او روان تاوتریخوالي ته یې د کورنۍ ترهګرۍ نوم ورکړی. نوموړي پر پلازمڼې واشنګټن سربېره ګڼو نورو ښارونو کې د پوځیانو ځای پر ځای کولو امر هم کړي.
