وروستی, د لټون عملیات, د ابراهیم رئیسي د چورلکې د لوېدو ځای دیزمار ځنګل
د ایران پارلمان کې د ختیځ اذربایجان استازي محمد رضا میرتاج الدیني وايي، "د ولسمشر لېږدونکې چورلکه تر اوسه نه ده موندل شوې" او دا چې د نوموړي د سلامتیا په اړه لا احوال نشته.
هغه زیاتوي چې د تبریز د امام جمعه له تلېفون شمېرې سره چې له ولسمشر سره په الوتکه کې مل و، اړیکه نه نیول کېږي.
هممهاله ایرانا خبري اژانس رپوټ ورکړی چې ۲۰ مرستندویه ډلې او بې پیلوټه الوتکې د لټون عملیاتو لپاره استول شوې، خو دا چې سیمه غرنۍ او ځنګلي ده او د هوا حالات هم مناسب نه دي (خړه خپره ده) نو تر اوسه د چورلکې په موندلو نه دي بریالي شوي.
د عکس سرچینه، entekhabCopyright
