په زاپوریژیا اتومي بټۍ کې لګېدلی اور اوس وژل شوی دی. دا په اروپا کې تر ټولو لویه اتومي انرژۍ بټۍ ده. له دې مخکې د نژدې سیمې ښاروال دیمترو اورلوف ویلي و، په اتومي بټۍ کې د دښمن پرلپسې ګوزارونو له کبله اور لګېدلی. د اتومي انرژۍ نړیوال اژانس وايي، د دې بټۍ مهم تجهیزات اوس هم فعالیت کوي. یوه ځايی چارواکي ویلي، د بټۍ امنیت اوس خوندي شوی دی. بل لور د اوکرایین مهم سرحدي ښار ماریوپول تر پرلپسې سختو بریدونو لاندې دی. روسیې تر اوسه پورې یوازې یو ښار خیرسون نیولی دی.
نورسعید او ګوربت ننګیال
بي بي سي په ټولنیزو رسنیو خپره شوې دغه ویډیو تایید کړې ده، خو څرګنده نه ده چې برج مستقیما په نښه شوی که نه. نور انځورونه په هغه سیمه کې یوه چاودنه ښيي.
تر دې مخکې د روسیې دفاع وزارت د کیېف اوسېدونکو ته خبرداری ورکړی و چې په پلازمېنه کې پر هدفونو د برید لپاره چمتووالی نیسي.
د عکس سرچینه، Reuters
''دی به پر کرېمیا ولکه نه کوي''خو ویې کړه.
''دی به په دنباس کې جګړه نه پیلوي''خو پیل یې کړه،''پوتین به پر اوکرایین رسماً یرغل نه پیلوي''خو پیل یې کړ.
اوس په دې فکر یم، چې''داسې به نه کوي''جمله د پوتین لپاره نه شي ویل کېدای.
خو دا جمله چې پوتین به د اتومي وسلو تڼۍ لومړی نه کېکاږي، یوه سخته پوښتنه راپورته کوي.
دا هسې یوه تشه ګوماني خبره نه ده، ځکه روسي ولسمشر تېره شپه خپلو اتومي ځواکونو ته د تیارسئ امر کړی دی.
نوموړي د دې پرېکړې لامل د ناټو مشرانو'یرغلګرې څرګندونې'بللې دي.
موږ د هغو کسانو د شمېر په اړه تازه شمېرېترلاسه کړېچې تېروشپږوورځو کېد روسیې له یرغل راهیسې له اوکراینه تښتېدلي دي.
د ملګرو ملتونو د کډوالو اداره وايي، تر اوسه له ۶۶۰زرو ډېر کسان چې ډېری یې ښځې او ماشومان دي له دې هېوادهوتلي دي.
د ملګرو ملتونو د کډوالو ادارې ویاندې شبیه مانټو په سویس کې یوې غونډې ته وویل، داسې راپورونه شته چې پولنډ ته د ننوتلو لپاره خلک تر ۶۰ساعتونو پورې انتظار باسي، په داسې حال کې چې د رومانیا په پوله تر ۲۰کیلومترو پورې کتارونه ولاړ دي.
د پولنډ په سرحدي ښار پرزیمیشل کې د اورګاډي دغه تمځای د هغو زرګونو کسانو لپاره چې له اوکرایینه تښتي په خوندي ځای بدل شوی دی.
د عکس سرچینه، Getty Images
د روسیې د دفاع وزارت د کیېف اوسیدونکو ته خبرداری ورکړی چې د اوکرایین پلازمینه کې پر هدفونو د بریدونولپاره تیاری نیسي.
په یوه بیان کې چې د سېشنبې په ماسپښین خپور شو، روسي چارواکو وویل، د دوی ځواکونه د "اوکرایین د امنیتي خدماتو ټیکنالوژیکي مرکزونو او په کیېف کې د سیکالوژيکي عملياتو ۷۲ اصليمرکز" پروړاندې "دقیق بریدونو" ته چمتووالینیسي.
بیان زیاتوي، "موږ د اوکرایین له وګړوڅخه چې د ملتپالو لخوا د روسیې پروړاندې د پارونې لپاره کارول کېږي، او همدارنګه د کیېف له اوسېدونکو څخه چې د ریل سټیشنونو ته نژدې اوسېږي غوښتنه کووچې خپل کورونهپرېږدي."
پر اوکرايين د روسيې د بريد په اړه وورستی معلومات په دې نوې ژوندۍ پاڼه کې موندلی شئ.
