دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
خبرداری: بي بي سي د بهرنیو وېبپاڼو د منځپانګې مسؤله نه ده
د کييف په وينا له دې خبرو
يې موخه لږ ترلږه له جګړه ځپلو سيمو د ملکي خلکو خوندي وتلو ته لار پرانیستل دي.
دا په داسې حال کې ده چې
له اوکرايينه د وتونکو کسانو شمېر يو ميليون ته رسېدلی دی او په جنوب کې څو ښارونه
د روسيې ځواکونو له خوا محاصره دي.
اوکرایین مرستیاله لومړۍ وزیره: د ناټو لاسونه هم په وینو ککړ دي
د اوکراین
مرستیاله لومړۍ وزیره وايي، ناټو سازمان هم پر اوکرایین د الوتنو ممنوعیت نه پلي کولو
له کبله د ملکیانو وژل کېدو د یوې برخې مسول دی.
اولها سټیفانیشینا د بي بي سي راډيو '۴' په 'نړۍ نن شپه' خپرونه کې د خبرو پر مهال وویل: ''دا غیر انساني ده چې په دې
وپوهیږو د دې پرېکړې په نه کولو سره به ملکي وګړي او ماشومان ووژل شي.''
دا زیاتوي: ''د دوو نوي زېږېدليو
ماشومانو په ګډون چې پرون نړۍ ته راغلل او نن یې مور او پلار ووژل شول د ټولو غیر
نظامیانو وینه تویېدنه یوازې د روسیې پر غاړه نه دی.''
دا وايي: ''پرون څوک له کوره نه وتل، ځکه خطر ډېر و، خو نن خلک د خوړو په موندلو پسې بهر
راوتلي.''
دا وايي، د ښار په څنډو کې لا هم د نښتو غږونه اوري:
''ځینې مقررات دي،
چې باید موږ یې عملي کړو. دوی زموږ له حکومت سره هوکړه کړې، چې روسي پوځیان به نه
پارول کېږي. موږ د ډلو په بڼه نه شو ګرځېدای، چټک موټر باید و نه ځغلوو. موږ باید
د پوښتنې پر مهال ودرېږو او وښیو چې موټر کې مو څه بار کړي. هېڅوک باید و نه
پاروو.''
نینا وايي، په ښار کې اوس برېښنا، اوبه او انټرنېټ شته او اورېدلي یې دي،
چې دارو – درمل به هم ژر هلته ورسېږي.
دا وايي: ''هیله مې دا ده، چې دا هر څه به ډېر
وخت و نه نیسي او موږ به روغ، رمټ پاتې شو. ټول عام خلک د جګړې ضد دي، د شخړو خلاف
دي، خو موږ هېڅ نه شو کولای.''
په امریکا کې د بي بي سي ملګرې رسنۍ سي بي سي خبریال چارلي دي اګاتا
پلازمېنه کیېف کې رپوټ چمتو کاوه چې پر همدې مهال چاودنې وشوې او د خبریال ناڅاپي
پام ورواوښت.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
خبرداری: بي بي سي د بهرنیو وېبپاڼو د منځپانګې مسؤله نه ده
د پوسټ X پای
فرانسې حکومت له خپلو وګړو غوښتي چې له روسیې ووځي
د فرانسې حکومت په روسیه کې له مېشتو فرانسویانو غوښتي
چې که هلته شتون یې ''اړین نه وي'' ډېرېدونکي تاوتریخوالي ته پام سره باید له روسیې
ووځي.
روسیې ته د سفر په هکله نورو هېوادونو هم ورته ګامونه پورته کړي دي.
د
بریتانیا بهرنیو چارو وزارت خپلو خلکو ته ''ټولې روسیې ته د سفر نه کولو مشوره'' له
دې کبله ورکړې، چې له هغه هېواده وتل ستونځمن دي او اقتصادي وضعیت یې داسې دی چې
بریتانوي چاروکي یې له لوړو – ژورو سره مخامخ بولي.
د امریکا بهرنیو چارو وزارت هم
خپلو خلکو ته ورته مشوره ورکړې. امریکايي چارواکو د دې مشورې په دلیلونو کې ''د
روسيې حکومت له لوري د امریکایانو احتمالي ځورونه'' هم یاده کړې ده.
روسیې او بېلاروس ته په پارالمپیک سیالیو کې د ګډون اجازه نه ورکول کېږي
د پارالمپیک نړیواله کومېټه وايي، روسي او بېلاروس لوبغاړو
ته به د چین په بیجینګ کې ۲۰۲۲ پارالمپیک سیالیو کې د ګډون اجازه نه ورکوي.
