ډونلډ ټرمپ د امریکا د نوي ولسمشر په توګه وټاکل شو. ددې ترڅنګ د امریکا تلوېزیوني چینل سي اېن اېن وايي، هیلیري کلنټن ډونلډ ټرمپ ته خپله ماتې منلې ده.
د نیوډا ایالت یوې قاضۍ د ډونلډ ټرمپ عریضه رد کړي ده. د ټرمپ کمپاین کونکو نن نیوډا کې د رایو ثبت افسر خلاف عریضه کړې وه. د ښاغلي ټرمپ په وینا یاد افسر د رایې کارونې لپاره له ټاکل شوې ورځې یوه ورځ مخکې له دې کبله مرکز تر ټاکلي وخت ډېر پرانیستی پرې ایښی و، چې ډېر اسپانویان رایې وکاروي. د ټرمپ کمپاین کونکو د کلارک کاونټي پر ثبت افسر تور پورې کړی، چې له ټاکلي وخته دوه ساعته وروسته یې هم مرکز پرانیستی و.
د بي بي سي خبریاله وايي، نیویارک کې د رایې کارونې بهیر روان دی. نوموړې وايي، لومړی داسې رپوټونه وو، چې له رایو ورکونکو د پېژندپاڼو څرګندولو غوښتنه شوې، چې په دغه ایالت کې یې د رایې ورکړې پر مهال څرګندول اړین نه دي. د خبریالې په وینا د ټاکنو څارونکو منلې، چې لومړی ځل رایې ورکونکي باید پېژندپاڼه وښيي.
د ټاکنو په ورځ نظرپوښتنه کې هېلري کلنټن له ډونلډ ټرمپ څلور سلنه مخکې وه
د عکس سرچینه، bbc
د فاکس نیوز هغې پوښتنې ځواب کې، چې ایا د ټاکنو بهیر به نن شپه پای ته ورسېږي، ډونلډ ټرمپ ویلي، و به ګورو چې څه کېږي... پر کاغذ د رایو پخوانی دود ښه و. د رایو شمېرلو به ډېر وخت اخیست، خو یو ښه والی یې دا و، چې د سسټم د هک کېدو وېره په کې نه وه، هغه ستونزې، چې اوس یې شاهدان یوو په کې نه وې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د ټاکنو په موخه د امريکا په بېلابېلو برخو کې ګڼ امنيتي تدابير نيول شوي دي
د عکس سرچینه، Getty Images
دغو ټاکنو کې ۲۴۵ میلیونه امریکایان خپلې رایې کاروولی شي، چې له دې نه څلور میلیونه او ۶۰ سوه زره کسانو خپلې رایې له مخکې کاروولې دي.
د عکس سرچینه، Getty Images
د دیموکرات ګوند کاندیده هېلیري کلنټن په نیویارک کې له خپل میړه او پخواني ولسمشر بل کلنټن سره یو ځای د رایې مرکز ته لاړه. له رایې کارونې وروسته مېرمن کلنټن خوښه معلومېده، خپلو پلویانو ته یې لاس وښوراوه او ویې ویل: 'زه ډېره خوښه یم، زه ډېره خوښه یم '
د عکس سرچینه، Getty Images
د امریکا متحدو ایالتونو کې له اوږده ټاکنیز کمپاین وروسته د رایې کارونې بهیر له کومې ستونزې پرته روان دي.
د رایې کارونې مرکزونو مخې ته د خلکو اوږده کتارونه تر سترګو کېږي.
امریکا متحدو ایالتونو کې ۱۹ میاشتې روان ټاکنیز کمپاین پای ته ورسېد او ورسره د سې شنبې په سهار د دغه هېواد د ۴۵ ولسمشر ټاکلو لپاره رایې کاروونه پیل شوه. دغو ټاکنو کې ۲۴۵ میلیونه امریکایان خپلې رایې کاروولی شي، چې له دې نه څلور میلیونه او ۶۰ سوه زره کسانو خپلې رایې له مخکې کاروولې دي.
د عکس سرچینه، Getty Images
