ایلام او همدان د هغو ښارونو له ډلې دي، چې له
تېرو ورځو راهیسې پکې په وار وار خلک د حکومت خلاف د روانو احتجاجونو په لړ کې سړکونو
ته راوتلي.
دا لاریونونه د حکومتي بنسټونو په غوښتنه
کېږي او د صداوسیما بېلابېلو شبکو له نن سهاره په بیا بیا له خلکو غوښتي چې ګډون
پکې وکړي.
پر دې سربېره د ایران ولسمشر، د پارلمان او
قضایه قوې مشرانو او د ایتالله خمینې د لمسي حسن خمیني په ګډون ځينو سیاسي څېرو
هم پر خلکو غږ کړی چې په دغو غونډو او لایونونو کې برخه واخلي.
په ایران کې د حکومت په ملاتړ د لاریونونو
رپوټونه داسې حال کې خپرېږي، چې نن په دغه هېواد کې د حکومت ضد احتجاجونو شپاړسمه
ورځ ده.
د یادونې ده چې په ایران کې له تېرو څلور ورځو
راهیسې اېنټرنېټ پرې دی او دې د وضعیت او پېښو انعکاس ستونزمن کړی دی.
کاناډا: د ایران حکومت باید د خپلو وګړو وحشتناکه ځپنه ودروي
کاناډا په ایران کې د دغه هېواد امنیتي ځواکونو لخوا د
احتجاج کوونکو پر ځپل کېدو نیوکه کړې.
د دغه هېواد بهرنیو چارو وزارت پر خپله اېکس یوه خپاره
کړي پیغام کې ویلي، "کاناډا په ایران کې د معترضانو د وژنې دوام په کلکه
غندي. د ایران حکومت باید خپل وحشتناک ظلم او تهدید پای ته ورسوي او د خپلو اتباعو
د حقونو درناوی وکړي."
دغه وزارت زیاته کړې
"کاناډه د ایران د زړورو خلکو ترڅنګ ولاړه ده."
په ایران کې له تېرو دوو
اونیو راهیسې په روانو احتجاجونو کې د لسګونو کسانو د وژل کېدو رپوټونو پراخ
غبرګونونه راپارولي او په نړیواله کچه له غندنو سره مخامخ شوي.
ټرمپ وايي د ایران مشرتابه د خبرو اترو وړانديز کړی خو ښايي له "دې مخکې اقدام وشي"
ایران
خبرداری ورکړی چې که امریکا برید وکړي نو غچ به واخلي، خو د بي بي سي سرچینې
او د بشري حقونو فعالین وايي،
د حکومت د ځپلو له زیاتېدو سره سلګونه لاریون کوونکي وژل شوي دي.
هغه
ومنله چې دا پالیسي په لنډ مهال کې ستونزې رامنځته کولای شي، خو په پای کې به یو
رقابتي بازار جوړ کړي، فساد به کم کړي او د خلکو ژوند به ښه کړي، که څه هم هغه
کسان به زیانمن شي چې له پخواني نظامه یې ګټه اخیسته.
مسعود
پزشکیان وویل چې حکومت د اعتراضونو له پیل سره سملاسي اقدامات وکړل، له سوداګرو
سره وکتل او ولایتي چارواکو ته یې لارښوونه وکړه چې
له مظاهرهچیانو سره اړیکه ونیسي.
هغه
وویل: "موږ درک کوو چې د خلکو اعتراض پر ځای دی. " او زیاته یې کړه: "حکومت د اقتصادي برخې اړوند شکایتونه اوري او د حل هڅه
یې کوي."
د مرکې
پر مهال ایراني ولسمشر وویل چې اقتصادي اصلاحاتو ته له کورنیو او بهرنیو دواړو
خواوو مقاومت شته، ځکه د ځینو کړیو ګټې له خطر سره مخ دي. هغه پر امریکا او
اسرائیل تور ولګاوه چې د ایران اقتصادي ستونزې د هېواد د بېثباته کولو لپاره
کاروي.
هغه
وویل: "اعتراض د خلکو حق دی او موږ یې باید واورو. " خو زیاته یې کړه: "فساد، پر عامه شتمنیو بریدونه، د جوماتونو سوځول او د
خدای د کتاب سوځول د امریکا او اسرائیل د پلان برخه ده."
مسعود
پزشکیان د دغو پېښو او مرګ ژوبلو په اړه وویل چې ایا دا ډول کړنې به په امریکا یا
اروپا کې هم اعتراض بلل کېږي؟ د هغه په ټینګار، مسؤل کسان "فساد جوړوونکي دي، نه مظاهرهچیان".
نوموړي خبرداری ورکړ چې له وسلهوالو ډلو سره به په کلکه چلن وشي او
له خلکو، په ځانګړي ډول له ځوانانو، یې وغوښتل چې "دوکه"
ونه خوري او د داسې ګډوډیو برخه نه شي چې اوږدمهاله زیانونه پرېږدي.
ایران کې د احتجاج کوونکو او پولیسو ترمنځ نښتې
د ویډیو تشریح، ایران کې د احتجاج کوونکو او پولیسو ترمنځ نښتې
پزشکیان: خلک دې د اړودوړ مخه ونیسي
د ایران ولسمشر مسعود پزشکیان په دغه هېواد کې د روان
وضعیت په تړاو ویلي، چې د اسراييل د ۱۲ ورځنۍ جګړې هدف دا و چې په ایران کې اړودړ یا
ګډوډي جوړه کړي.
دا په داسې حال کې ده چې په ایران کې
روغتیايي سرچینو بيبيسي فارسي ته ویلي، یوازې په رشت او تهران روغتونونو کې د
۱۱۰ اعتراضکوونکو جسدونه ساتل کېږي او دا چې "مامورانو یې له کورنیو څخه د اجسادو
بدل کې د مرمیو ۷۰۰ میلیون تومان تاوان غوښتی."
قالیباف: که امریکا برید وکړي نو اسراییل او د امریکا پوځي مرکزونه به قانوني اهداف وګرځي
د عکس سرچینه، irib
د ایران د مجلس یا پارلمان ريیس محمد باقر قالیباف ګواښ کړی که
متحد ایالتونه په ایران کې پوځي بریدونه وکړي، نو په سیمه کې به یې پوځي مرکزونه
او کښتۍ دوی لپاره "قانوني اهداف وګرځي."
هغه نن یکشنبه د جرګې غونډې ته ویلي، موږ "د مشروع
دفاع چوکاټ کې ځانونه [یوازې] تر اقدام وروسته په غبرګون پورې محدود نه ګڼو، او د
ګواښ د عیني نښو نښانو پر بنسټ به ګام واخلو، ټرمپ او په سیمه کې یې متحدانو ته دا
وایو چې محاسباتي تېروتنه ونه کړي."
ښاغلي قالیباف زیاته کړه چې دوی نن ورځ "له صهیونیستي
دښمن او امریکا" سره په اقتصادي، ادراکي، پوځي او ترهګریزې - څلورو سنګرونو کې
پر جګړه بوخت دي.
د یادونې چې یوه ورځ ورمخکې د امریکا ولسمشر ډونلډ ټرمپ
په ایران کې روانو احتجاجونو ته په اشارې ویلي وو ایران د ازادۍ ترلاسه کولو هڅه کوي
او متحد ایالتونه ورسره په دغه کار کې مرستې ته چمتو دي.
تازه امریکايي رسنیو ویلي چې ډونلډ ټرمپ ته په ایران کې
د احتجاج کوونکو د وژل کېدو په غبرګون کې د پوځي اقدام د غوراویو په تړاو مالومات
ورکړل شوي خو وروستۍ پرېکړه لا نه ده شوې.
نېټبلاکس وايي تر ۶۰ ډېر ساعتونه کېږي چې ایران کې اېنټرنېټ پرې دی
