د افغانستان د ټاکنو کمېسیون بي بي سي ته وویل، د یکشنبې په ورځ د رایې ورکولو لپاره له ۴۰۱ مرزکونو یوازې ۲۵۳ یې پرانیستي وو. تېره ورځ دغه کمېسیون وویل، د مختلفو ستونزو له امله به د ۱۴ ولایتونو په ۴۰۱ مرکزونو کې د یکشنبې په ورځ رایه ورکړل شي.
په کابل کې د رایې اچونې بهیر دوام لري.
په ۱۷مه ناحیه کې د چاودنې رپوټونه ترلاسه شوي
په ځینو مرکزونو کې رایه ورکوونکي بېلابېل شکایتونه لري
خو په ټوله کې ګڼ شمېر خلک رایې اچونې ته راوتلي
دا عکسونه زموږ همکارۍ ملایکې احمدزۍ اخیستي
د عکس سرچینه، BBC
د عکس سرچینه، bbc
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ YouTube پای
له کابله رپوټونه وایي، د دې ښار په ۱۷مه ناحیه کې د حضر علي په نامه جومات کې چاودنه شوې.
د مرګ ژوبلې په اړه لا ډېر جزیات نشته.
د کابل پولیس د یو تن د وژل کېدو او دوه پولیسو د ټپي کېدو خبره کوي
د عکس سرچینه، AFP/Getty Images
هرات کی هم د رایې ورکولو پر مهال د دې بهیر د پڅوالي له کبله شکایتونه اورېدل کېږی.
د رایه ورکوونکو کتارونه نسبتا اوږده دي.
د هر عمر خلک، ښځی او نارینه رایه اچونې ته راوتلي.
ویل کیږي چې په ځینو مرکزونو کی ټاکنیز توکي کم دي.
د هرات د ۱۶۱ نوماندانو څارونکو شمېر هم ډیر دی او ویل کیږی چی ځینی یی د نظارت یا څار په څرنګوالي هم سم نه پوهیږي.
یوشمېر کسانو ویل چې په اړوندومرکزونو کې یې خپل نوم نه دی موندلي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ YouTube پای
په ننګرهار کې د رايې ورکولو مرکزونو کې د خلکو ګڼه ګوڼه لېدل کېږي.
د ښځو برخه هم ډېره ده.
ځینو سیمو کې بهیر ناوخته پيل شوې، نوم موندل وخت نيسي او د ځېنو کسانو نومونه نه موندل کېږي.
په کامه، سره رود او کوټ ولسوالیو کې چاودنو ۲ تنه وژلي او ۱۴ نور یې ژوبل کړي دي.
همدا راز سره رود کې د هوان مرمۍ په یو کور لګېدلې ده، ۴ مېرمنې او یو ماشوم یې ژوبل کړی دی
د افغانستان د ټاکنو خپلواک کمېسیون مشر ګلاجان عبدالبدیع صیاد یوې خبري غونډه کې ومنله، چې د رایې ور کولو بهیر کې ستونزې شته.
د نوموړي له څرګندونو مخکې فیسبوک کې د کابل په ګډون د مختلفو ولایتونو خلکو شکایت کړی چې لا هم تر دوولسو بجو د رایې مرکزونه پرانیستل شوي نه دي.
عبدالبدیع صیاد که د ټاکنو ځینې مرکزونه تر یوې بجې ونه پرانیستل شول، سبا ټاکنې کېږي.
نوموړي هم ومنله چې ځینې سیمو کې رایې مرکزونه نه دي پرانیستل شوي یا کارکوونکي نه دي تللي.
که څه هم صیاد وویل، چې د بایومتریک روزنه کارمنانو ته روزنه ور کړل شوې وه، خو ډیرو سیمو کې داسې رپوټونه دي چې دا کارکوونکي له سیستم سره بلد نه دي.
صیاد دا هم وویل، چې ځینې کارکوونکي د ښوونځیو له استادانو دي، خو نن خپلې دندې ته حاضر شوي نه دي.
خوست ولایت کې ازاد خبریال فرید ظاهر وايي، رایه ور کوونکي بېخي ډېر دي، خو د بایو متریک سیستم له امله دا بهیر سست روان دی.
د نوموړي په خبره، په ځینې مرکزونو کې کارمنان د دې سیستم کارولو سره بلد نه دي او څو ګړۍ د سیستم نه فعاليدو له امله خلک منتظر و.نوموړی دا هم وايي، چې په یوه مرکز کې د رایه ور کوونکو نوملړ کې (ن) برخه نه وه، چې له امله یې تر نږدې سلو کسانو له رایې د بې برخې کېدو شکایت کاوه.
د عکس سرچینه، @Farid Zahir
له ننګرهاره رپوټونه وایي، په ځینو ولسوالیو کې یو شمېر پېښې رامنځته شوي، خو پخپله جلال اباد ښار کې بیا وضعیت نورمال ښکاري.
په جلال اباد کې ګڼ شمېر مېرمنې هم رایې اچونې ته راوتلي دي.
د افغانستان د کورنیو چارو وزیر ویس احمد برمک د بي بي سي خوشحال تایب سره ځانګړې مرکه کې وویل، د ټاکنو ورځې لپاره یې یوه اونۍ وړاندې ټینګ تدابیر نیولي. نوموړی وايي، ۳۲ ولایتونو کې د ټاکنو مرکزونه پرانیستي دي.
له هراته رپوټونه وایي، خلک رایې ورکولو ته راوتلي، خو په ځینو سیمو کې خلک په لېستونو کې خپل نوم نشي موندلی.
د دایکندي والي محمود بلیغ سهار اووه بجې د رایې ورکولو مرکز ته لاړ او رایه یې ور کړه.
دایکندي ولایت کې نږدې ۱۷۰زره کسانو رایې لپاره نومونه ثبت کړي دي.
دا ولایت ولسي جرګه کې څلور څوکۍ لري.
دغه ولایت کې ۳۹ کسانو ځانونه نوماند کړي چې ۸یې ښځې دي.
د عکس سرچینه، MAHMOOD BALIGH/FACEBOOK
د کابل د اتمې حوزې اړوند شهیدانو لېسه کې لا هم د ټاکنو اړین مواد نشته، خلک منتظر ولاړ دي، خو د رایه ور کوونې بهیر پیل شوی نه دی.د ټاکنو کمېسون ویل چې دا بهیر سهار اووه بجې پیلېږي، خو اوس ۱۱ بجې دي، مګر لا هم دې مرکز کې رایه ور کول پیل شوي نه دي.
د افغانستان د ملي امنیت پخواني مشر رحمت الله نبیل ویلي،"زه رایه ورکوم. رایه ورکول داسې یوه لار ده چې موږ خپل دښمن پرې ماتولی شو. پر هرډول ګواښونو سربېره، په دې ملي بهیر کې ګډون د هېوادپالنې یو ډول دی."
د عکس سرچینه، Rahmatullah Nabil Verified account
د ننګرهار د کامې ولسوالۍ په مراد عالي لېسه مخې ته چاودنه لس تنه ژوبل کړي دي. عيني شاهدان
له پکتیا رپوټونه وايي، چې شاوخوا اته بجې دغه ولایت کې رایه اچونه پیل شوه.د موادو له نشتوالي شکایت نه دی شوی، خو ویل کېږي بایومتریک سره ډېر کسان بلد نه دي، ځکه ځینې مرکزونو کې لا هم رایه نه ده پيل شوې.
د افغانستان د ټاکنو خپلواک کمیسیون مشر ګلاجان عبدالبدیع صیاد، یوې خبري غونډې په ځینو سیمو کې د رایو ورکولو د مرکزونو په ځنډ د کار له پیلېدا له خلکو بښنه غوښتې.
نوموړي وویل، په هغو مرکزونو کې به د رایو اچولو وخت وغځول شي، چې تر ټاکل شوي وخت وروسته رایه اچونه پکې پیل شوې ده.
هغه وویل، په ځینو مرکزونو کې د بایومټریک له الو د ګټې اخیستو له کبله ځنډ راغلی و.
د عکس سرچینه، IEC
