د افغانستان د ټاکنو کمېسیون بي بي سي ته وویل، د یکشنبې په ورځ د رایې ورکولو لپاره له ۴۰۱ مرزکونو یوازې ۲۵۳ یې پرانیستي وو. تېره ورځ دغه کمېسیون وویل، د مختلفو ستونزو له امله به د ۱۴ ولایتونو په ۴۰۱ مرکزونو کې د یکشنبې په ورځ رایه ورکړل شي.
د افغانستان د ټاکنو د خپلواک کمیسون مشر عبدالبدیع صیاد واي، نن د شنبې پر ورځ ګڼ شمېر خلکو رایه واچوله.
نوموړي زیاته کړه، په ځینو سیمو کې ستونزې وې.
د ده په وینا، په هغو ځایونو کې چې نن رایه اچونه ترسره نه شوه او یا هم ناوخته پیل شوه، سیبا به یو ځل بیا دا بهیر ترسره کېږي او خلک به رایه اچوي.
ښاغلي صیاد وویل، تر ټولو ډېر خلک په کابل کې او تر ټولو کم په فاریاب ولایت کې رایې اچونې ته راوتلي وو.
د عکس سرچینه، IEC
د ټاکنو ترسره کېدو سره هم مهاله وسله والو مخالفینو په بېلابېلو ولایتونو کې خپلو بریدونو ته زور ورکړی دی.
په خوست کې د ټاکنو پر وخت امنیتي وضعیت ښه بلل شوی.
یوازې په موسی خېلو ولسوالۍ کې ځیني امنیتي ګواښونه وو.
ویل کېږي چې د ښځو په ګډون ګڼ شمېر خلک رایه اچونې ته راوتلي وو.
خو خوست هم ځینو سیمو کې د رایو مرکزونه په ځنډ پرانیستل شوي، او دا شکایت هم کېږي چې د ټاکنو کمیسیون کار کوونکي د بایومټرېک الې سره بلد نه وو.
لاندي انځورونه ازاد خبریال فریدالله ظاهر را استولي.
د عکس سرچینه، Farid Zahir
د عکس سرچینه، Farid Zahir
د عکس سرچینه، Farid Zahir
د عکس سرچینه، Farid Zahir
کونړ کې د خلکو ګډون پراخ و. د ښځو ونډه هم په کې ډېره وه.
ناوخته پيل، بايومټريک سره د کارکوونکو نابلدتیا ستونزې يادېدې.
ماڼوګۍ او غازي اباد کې راکټي بريدونو ۱۲ملکیان ژوبل کړي دي. ۳يې په کې نجونې دي.
د افغان ولسمشر د ملي امنیت سلاکار وایي، نن په ۹۲ سلنه ټاکل شویو ټاکنیزو مرکزونو کې رایه ورکونه ترسره شوه. حمدالله محب له بي بي سي سره ځانګړ مرکه وویل، په پاتې شاوخوا ۳۰۰ مرکزونو کې سبا ټاکنې کیږي چې دوی به ورته د نن په څېر امنیتي چمتووالی ونیسي.کابل کې مو همکار اسدالله لودین د همدې مرکې په پيل کې له ښاغلي محب نه د رایه ورکوونکو د خوندیتوب په اړه پوښتنه کړې.
د میدان وردګ ولایت په اړوندو ټاکنیزو حوزو کې خلک د شنبې سهار وختي رایه اچونې ته راوتلي وو.
په بېلابېلو سیمو کې د سړیو ترڅنګ ښځې هم رایه اچونې ته راوتلې وې.
له سیمې رپوټونه ایي،که څه هم په میدان ښار درې توغندي وویشتل شول، خو د ټاکنو بهیر يي ټکنی نه کړی.
ویل کېږي لاهم ځینې خلک شته چې په فورمه او لېست کې يي نومونه نشته، او په کتارونو کې ولاړ دي.
ښايي د رايې اچونې دا بهیر تر شپږو بجو پوري دوام وکړي.
د عکس سرچینه، Ahmadzai
د عکس سرچینه، Ahmadzai
د عکس سرچینه، Ahmadzai
ځینو خبریالانو لیکلي، میدان وردګو ښاروالۍ محل کې د رایو یو صندوق چا له ځان سره وړی، د دوو محلونو بایومیټریک ماشینونه خراب دي، د بل کتابچه خلاصه شوې، یوازې یو محل کار کوي د هر سړي رایه لس دقیقې وخت اخلي، خلک انتظار دي، نوبت نشته، یو شمېر ځوانان د چکې (لډو) لوبه کوي.
د افغانستان د ټاکنیزو شکایتونو کمیسون نن ماسپښین کابل کې خبري غونډه درلوده.
مهم ټکي یې لاندې دي:
-یو شمېر د رایې اچونې مرکزونه د غرمې تر ۳ بجو هم نه دي پرانیستل شوي
-ځیني نور مرکزونه په ځنډ سره پرانیستل شول
-ټاکنیز توکي په ټاکلي وخت ځینو سیمو ته نه وو رسېدلي، او د رایو په صندقونو کې هم ستونزې وې.
-د ټاکنو په مدیریت کې هم جدي ستوزنې شته، چې له همدې کبله ځینې خلکو د رایې اچونې حق له لاسه ورکړی.
-په دې بهیر چې ستونزې کولی شي د ټاکنو روڼوالی تر پوښتنې لاندې راولي
-د ټاکنو کمیسیون دې داسې حل لاره ومومي چې ټول خلک وکړای شي په ټاکلي وخت کې خپله رایه واچوي
-د ټاکنیزو شکایتونو کمیسیون پر دې وضعیت اندېښمن دی او په جدي توګه یې څارنه کوي
د عکس سرچینه، BB
په کندهار ولایت کې که څه هم ټاکنې ځنډول شوي دي، خو نن بیا هم کندهار ښار کې امنیتي تدابیر نیول شوي وو.
ویل کېږي چې د پنجشبنې تر پېښې وروسته په ښار کې وضعیت بېرته نورمال شوی دی.
د ښار ښوونځي تړل شوي، خو پوهنتونونه پرانیستي دي.
د کابل د لیسې زرغونې مرکز کې د سړو د رای ورکولو له محله یوشمېر رایه ورکوونکو شکایت درلود چې د نوملیکنې ځینې لیستونه مرکز ته نه دي رسېدلي او دوی له څلورو ساعتونو ډېر انتظار ورته کړی.
دوی وايي، تر هغه له مرکز نه وځي چې د نومونو لیست یې نه وي راغلي او رایه یې نه وي کارولې.
د کابل د زرغونې لېسې په ټاکنیز مرکز کې د رایې ورکونې بهیر ناوخته پیلېدو او نظم نه شتون له کبله خلکو شکایت درلود، خو ځینو بیا دا هم ویل چې خپله خلکو نظم خراب کړی ځکه چې نوبت نه مراعاتوي. دې مرکز کې د ښځو شمېر دومره ډېر وه چې محلونو ته به په ټېل ماټېل ننوتې او د نارینو شمېر هم لوړ و.
رایه ورکونکې فوزیه یوه له هغه انتظار کوونکو څخه ده چې له ساعتونو دې مرکز کې انتظار ده او له ملائکې احمدزۍ سره د زړه خواله کوي.
د تخار په اشمکش ولسوالۍ کې نن طالبانو د رایې ورکونې مرکزونه په هاوان ګولۍ ویشتلي.
دوه هاوان ګولۍ په دوو کورونو لګېدلې چې ۵کسان په وژل شوي او ۴ نور ژوبل دي. په وژل شویو او ژوبل شویو کې ښځې او ماشومان هم دي.
د تخار د امنیي قوماندانۍ ویاند عبدالخلیل اسیر دا خبر تایید کړی.
د تخار د ټاکنې نور حال:
د افغانستان د رڼو ټاکنو بنسټ یا تیفا مشر نعیم ایوبزاده د نننیو افغان ټاکنو خورا مهمې ستونزې په دې ډول ښيي:
